《讀者投稿》
<控制狂奶奶>
我同老公拍拖3年結婚，婚後第2年生第一個小朋友，結婚無幾耐奶奶就一路催生bb, 一直我都同佢講想過兩年先，因為自己兼職讀緊書，想完成學業先，佢就話我年紀大再唔生無得生，果時我得26歲...
我同老公自己住，佢有時會過黎坐下，但係每次入黎我屋企都指指點點，例如話我地d裝修唔好睇，又話廚具唔好用之類，佢講都算，點知有次換走左我d廚具同餐具，因為佢有後備匙成日自出自入，佢係我返工果時入黎換左，有時仲會擺佢自己野落我雪櫃又無問過我地得唔得。
到bb出世之後仲更加變本加厲，我同bb出院後第2日，佢無啦啦打電話黎就話同緊個親戚黎探我同bb, 話半個鐘後會到，我同老公呆左，我地自己休息都唔夠，點解咁急上黎?我自問未準備好個樣見人，仲係好殘! 仲要應酬佢親戚!
我無請陪月無請工人，基本上無坐過月，佢仲要日日上黎6個鐘唔走，話要黎睇bb, 等bb起身，我心諗佢退左休太得閒都唔洗日日黎掛，我同bb都好需要休息，仲要黎到幫唔到手，又要我地跟佢果套照顧bb, 20幾30年前果套邊岩用? 最過份係我餵人奶果時，佢企係度唔走，我已經係入睡房餵，同埋同佢講我要餵人奶，佢就企係度話我姿勢唔岩，教我應該點點做，但係佢自己都無餵過人奶! 佢d仔女食奶粉大!
我尊重佢係老公阿媽所以我忍咁耐，但係終於逼到我產後抑鬱，頂唔順喊住同老公傾，但係情況無改善，淨係餵奶果時會行開，但係仍然日日都上黎，上黎之前又唔會通知聲。。。
＃我的極品四大長老
埋身餵姿勢 在 正確埋身姿勢 的推薦與評價
正確的哺乳姿勢有助寶寶正確含乳，快來學懂吧！ ... <看更多>