Search
20200503
#圖文不符
昨日幫 @joeythyee 係路邊嘅花叢中影相留倩影 (詳情請見Joey ig)
心諗行街途中都見到如斯嬌美嘅花 世界真美好🌸🥰
但番到屋企到今朝 又頭痛又作嘔 唔知點解🥴
直至Joey問我: “你有無頭暈作悶嘅徵狀？”
原來😳
那棵粉紅色的花樹 係有劇毒的夾竹桃☠️😱
故事教訓：路邊的野花不要採
也不要亂接觸 只遠觀好喇😂
🙏🏻🙏🏻🙏🏻
#差點因為影相而中毒的兩位少女
#無啦啦變咗生死之交
#為藝術豁出去
#大家千萬唔好學🙅🏻♀️
#珍惜生命 #遠離野花
#學是學非 #不如做香港有毒植物專輯
#教我哋明辨毒花毒草🌿☠️
Outfit from @bisoubisoustore_official
［講啲數學嘢］其實係早排無聊做過，又咁啱寫低咗。但見呢排又有一貼出嚟，咁就貼返出嚟。完全解答，有埋過程。其實就唔難嘅，「初小程度」。
1. 首先睇左下角，即係已經唔會有 3, 7, 8 – 可以永遠刪走 （A）
2. 再睇左上角，因為冇8（A講咗），即係一係6啱位，一係2啱位，即係會係6xx 或者 xx2，而且 6xx 嘅情況就唔會會有2 （否則變咗兩個數字啱）（＊），xx2 嘅情況就唔會有6 — （B）
3. 然後用（B）去睇埋中間，6xx嘅情況不能出現（否則就啱位），所以一定係xx 2，而且因為xx2不能有6，去到呢個位就6都冇埋，3,6,7,8 全部冇晒，2亦用咗。重覆，去到呢個位，已經知道係XX2，而頭兩個位得返0,1,4,5,9填。（C）
4. （其實呢，去到你個位，得返20個組合填，你可以逐個撞已經仲快）
5. 再睇右下，78一早出咗局（A話咗你知），即係0一定有份，而且不在最尾位（否則就啱位），只能係0xx 或 x0x— （D）
6. C加埋D，即係0x2，或x02 — 留意0同2都用埋，而C已話你知得返0,1,4,5,9，0用咗，所以呢度個x只可以係 1,4,5,9—（E）
7. 睇返右上, 不能 x02 （否則就啱位）, 所以只能 0x2 – （Ｆ）
8. E加埋F，即係，012，042，052，092。睇埋中間，就見到係042
（＊）留意數學題用文字表達好多時會出事。One number is correct and well -placed，換著我出題，我會寫Exactly/Only one number is correct and well-placed。因為總有啲文法撚可以拗，「人地話一個，但冇話只係一個，兩個中晒的話呢句嘢都成立」（的確係）。正如將文字上嘅or同數學嘅or放埋一齊就可以好煩，tea or coffee，but not both，OK？你揀main course 魚or雞or牛or齋都唔可以要晒四樣的。
事後講
I. 答案應該啱，而我個做法未必係最靚，可以拋磚引玉下。追求靚是十分緊要的
II. 其實只係10X10X10，1000個組合，加上一開頭已經踢走3個數字，你要逐個試(7X7X7=343) 唔會太耐。可能慢過我諗，但肯定快過我仲要寫埋出嚟。
III. 又話說，其實係咪應該講明冇重覆？定唔使呢個假設？我好似當咗老奉喎，但懶再做。如果可以重覆咁點？係咪都係唯一解？
IV. 又，如果唔可以重覆，咁就唔係1000個組合，一開始已經得10X9X8 = 720個。到你踢走三個，7X6X5，210個，列晒出嚟，劃走，其實可以好快。甚至去到（C）位就得返5X4＝20個組合填。
V. 當然寫個程式出嚟呢啲咁醜惡嘅事我係不能接受的
VI. 留意，呢類謎題其實有一個共通點：畀嘅線索一定係剛剛好，唔會多，唔會少。畀少就固然玩死你，可以好多個解。但畀多亦都唔會。所以如果你唔用晒啲條件就搵到答案，一係好彩一係出術一係成個過程出錯。
VII. 都係忍唔住鞭屍。01年代，咁啱嗰期曾鈺成經常在報紙寫數學謎題，我寫過幾篇數學嘅文，普遍都畀人狂屌。冇法，群眾啲水平係咁上下。但都係想回帶講返篇「九頭鳥」。篇文在此（https://bit.ly/2K07UqM），入面有講個問題同個解法（＊＊）。
VIII. 我最想鞭屍嘅係，你見我計「九頭鳥」，我連計數機都唔使用，心算，其實我係拎張外賣紙計的。然後寫埋篇文都係十五分鐘。同時我見到有人，嘩，出埋計數機，用埋小數，完全就係強姦數學（https://bit.ly/2K0yQqg）。呢啲咁嘅做法，大家千萬唔好學。
（＊＊）如果你文都唔想睇嘅，以下就係個題目，一句講完：森林入面，有 3 種動物，有雞，有狼，有九頭鳥。加埋 100 個頭，又 100 隻腳。咁，到底每樣有幾多隻？曾鈺成當咗大家知道，雞就 1 頭 2 腳，狼就 1 頭 4 腳，九頭鳥就 9 頭 2 腳啦下
多謝東方傳媒朋友既報導，我一得閒就叫做 CG 個朋友渣架電單車出黎比我練 jump side kick. 呢D咁無聊同危險既野大家千萬唔好學啊 ！！！ 至於做飲食生意。。。我都仲係初哥。。。順其自然啦 🥡🥡🥡
所謂【期間限定好友】就係指朋友跟他們的朋友來到東京探丫仁，一齊去玩去WET而且一撻即著，瞬間融入是也。
係8月中的某一日收到一個自稱係GOTRIP旅遊記者 的INBOX詢問，有沒有興趣參加9月頭的KKDAY 贊助的蕎麥麵製作班。同香港朋友講這件事時，他們都有問「究竟係咪呃人架？」「咪參加啦！十成十搵你笨～人氣高BLOGGER又唔問，問你？」
之後睇入去佢地個PAGE同睇片，真係有這個人係到，同一個人黎！所以兩話不說應承左，因為佢拍片的同時，我又有題材一石二鳥三重四德（年齡暴露?）
因為要等收搬屋的包裹，足足遲左半個鐘！怕亂左成個行程。蕎麥麵製作班係位於東京都中央区，包一餐同製作！除左我之外，竟然撞到 #香港人在東京 都有參加埋一份，起初認唔到佢架，但一句「原來你平時係咁拍野架」我認真望一望！他鄉遇故知之餘，仲加點熟落的感覺。一行6人出發》迷路》GOOGLE MAP》突然到達
蕎麥麵製作班係一間部屋似的工作室，睇裝修就感覺到師傅應該是個攝影發燒友，好多攝影棚的設備。於是借Andy的 #GOPRO 試下師傅底子?開始製麵的30分鐘，應覺蕎麥麵搞咁多野？又精準計算濕度／溫室／選擇麵粉等等，師傅邊做邊出晒汗用力搓個麵團。見佢同有節奏，問要不要播返首POPJAZZ跳下舞，但我一直推薦跳 #崖上的波兒?點知師傅即刻轉身射個三分波，開YOUTUBE播BLUE BLUE地的音樂。
搓到咁上下，大家都餓啦，師傅開始切配料同重頭戲：蕎麥麵?
切配料個時我地都好跳皮，要食野生即磨WASABI同教師傅講廣東話。師傅好好學，竟然 jot note???
坐定定，等食麵同自己整啦~
食麵係有幾個步驟要注意架！
1) 係要先食蕎麥麵原味
2) 呷一啖由木魚／昆布／醬油煲出來的沾汁
3) 夾一小撮蕎麥麵放入沾汁內，注意只可以浸到蕎麥麵的一半，仍然保留蕎麥麵的原味
4) 先後加入大根蓉（即蘿蔔蓉）／大蔥到沾汁裡，浸到麵的一半品嚐
5) 將小量即磨WASABI (わさび)放在味蕾上，再細味辣的味道（千萬不要放入碗內）
6) 所有麵都食畢，剩下的配料全都放進沾汁內，加剛剛煮蕎麥麵的熱水。沾汁瞬即變成湯，可回味。
咁食就為之正宗啦
食法同丫仁處女下海，如何用屠龍刀切出三重麵，就要留意睇片啦！
參考：https://www.kkday.com/zh-tw/product/2774
懇請大家陪住【丫仁】成長，緊貼我最新動態 ♫
分享在日期間的生活，點滴累積成長！
【丫仁】's FB：https://www.facebook.com/WHJP2015
仲有，緊係要【Subscribe】我既youtube channel啦！
