［遺夢海上，西城斷夢，新田飛地 — 買樓買到大阪西成區］
都係嗰句，唔好阻人發達，況且日本買樓呢，我嘅態度都係始終如一：
你香港都買唔到樓嘅就算罷啦，一兩千萬身家以下嘅都唔好點諗。但有幾千萬甚至上億身家嘅，又不妨當分散投資，或者當渡假屋住，甚至拎去偷情做炮房。
（http://bit.ly/2UzDp2A 一百萬大阪樓，諗得過的—你有幾千萬身家的話）
（http://bit.ly/2SnpHxF 東京樓：屯門公屋價，跑馬地級數。Seriously？）
不過最近呢個廣告，真係西飛利，含人所不能，能人所不含，買樓買到大阪西成區。
先睇官方文宣:
萊坊發布2018年第四季《全球樓價指數》顯示，日本樓價指數去年第四季按季跌2%，但相對香港樓價指數同期急挫6.2%，調整幅度尚算溫和。
當然香港之後升返幾多就唔會同你講，但買樓睇未來嘛，算
到底西成區在邊？正如官方文宣所講
大阪市共有24區，中央區、北區、浪速區、天王寺區、西區及福島區統稱都心6區，地價及樓價俱最高，明顯拋離其他地區，令周邊地段有潛力追落後，投資回報更具吸引力。當中與浪速區及天王寺區僅一街之隔的西成區，樓價明顯低水。
係咪有潛力追落後就另一回事（去四國買丫笨，仲落後），不過位置上冇呃你，西成區的確唔係山卡啦外圍，天王寺站「過啲」就係，雖則個「過啲」有幾啲都真係睇你點計，行去天王寺都半粒鐘，而個區其實好撚大！不過真係冇呃你，唔係啲外圍區（https://goo.gl/maps/yF24Zfzq8Co 西成區地圖）
入面文宣固然講咩世博呀，開賭呀之類。仲有講埋話
由中國商人成立的大阪華商會看準機會，有意把西成區的飛田本通商店街發展成繼橫濱、神戶及長崎之後，日本第四條中華街
好啦，讀者閱讀理解時間，畀你間書，會間邊個字？
女同學，就梗係會間「中國商人」，大家都知多古惑嘢。但更重要嘅係，男同學應該見到「飛田」就陰陰嘴笑了
先唔講呢個飛田，官方文宣頂多話你知
其後區內發展停滯，老齡化問題嚴重，又因沒有地標景區，難以吸引遊客。
嘻，「沒有地標景區」？但我可以話你知，你去過就知，大把遊客！特別係大中華遊客（唔好分咁細），大把中港台同胞，亦會有啲鬼佬。西成區嘅地標景區，咪就係「飛田」！
但都係陣間先講「飛田」，先講西成。官方其實冇話你知，講起西成，大家會諗起乜。知嘅應該一早笑緊，唔知嘅，我地睇下Google
冇錯，就係號稱日本最窮最污糟治安最差嘅地方，大阪嘅九龍城寨。暴動，流浪漢，紅燈區。所謂大阪嘅毒瘤，日本人都唔敢去（誇張啦），日本都有貧民區（其實大把日本人好窮，睇戲都知）
網上有眾多嘅文章同影片講西成區，簡單嚟講係大阪九反之地，生人勿近，好多人都係抱獵奇心態去。入面最多嘅就係打散工嘅地盤佬，失業漢，周街屙尿，訓街，隨地垃圾，極廉價嘅旅館（睇你敢唔敢住），極平嘅居酒屋（唔知畀乜你食），特價超市（估下畀乜你食？），有警力十足嘅警局。因為之前有N次暴動，係喎，日本都會暴動的。啲友就係好似你睇戲咁，一朝早起身就有架Van仔開嚟，成堆佬就走去睇下工頭要幾多人，工頭就一二三四咁點，夠人就叫上車走，其他？就返去食蕉。
不過又公平講句，首先同好多地方比，日本，治安差得去邊丫。你拎嚟同美國啲黑人區或巴西窮民區比，實在爭得遠了。二來，其實日本大把窮區，大阪始終係大城市。不過係inner city decay咁解。啲友仲會留低，因為仲有望，仲有得打散工。你去窮鄉僻壤一樣大把窮人，不過可能食屋企住屋企，唔會周街訓咁解。
至於咩改建中華街云云，就真係信者得救，你買得中係你叻仔。但what if 成壇嘢搞唔掂？如果而家咁境地，你層咁嘅西成樓，真係搵鬼買搵鬼租。（話說回頭，好多窮鬼佬唔介意住呢區的）
呀，最後要講，「飛田」。記住問男朋友，正常佢梗係陰陰嘴笑，話唔知係乜嘅就係偽君子。Enclave of San Tin，「新田飛地」，呀，「飛田新地」，應該係全日本最有名嘅紅燈區，出晒名，網上有片睇有相睇。
其實根據日本朋友所講，講風俗店，就梗係東京吉原泡泡浴係王道，沒有其他。唔知咩係泡泡浴嘅叫男朋友開套AV比你睇下。但一來，貴，二來，日本好大嘛，咁你真係在京都睇櫻花嘅，無啦啦飛去東京出火咩。大阪話晒日本第二大（係呀可？）城市，有好大嘅紅燈區，十分合理。
而樓上都講過了，你識貨大陸人台灣人都識貨，在論壇睇呢，好多人似乎係鍾意大阪「飛田新地」多過東京吉原嘅。我日本朋友當然恥撚笑，亦不排除係門戶之見（佢係東京都人，佢在心中東京都以外嗰啲都係生番嚟的）。
但聽啲網友講，最大分別係乜？吉原呢，有相熟撫摸員嘅就簡單，但遊客嚟講，你就只能夠睇相薄揀「泡姬」，絶對係唔知咩樣，啲相當然美圖到睇唔睇都一樣，而且冇得彈鐘，到時入嚟係嗰件就嗰件，咁你到時慢慢體會日本人黑服嘅職人精神。當然啦下，你畀嘅係「入浴料金」。日本法例冇禁止人畀錢同你一齊沖涼嘛，對不？然後你地在入面「兩情相悅」發生咩事，就唔係店方可以理架啦，嘻嘻，日本就係好多呢啲咁嘅灰色地帶。
飛田新地呢，哈哈，聽講係啲中港台毒撚cheap精至愛。唔係特別平（當然平過東京，東京乜都貴），而係因為有得睇！飛田新地的運作就係一大個地區，好似話一百幾十個「料亭」（對，食嘢的，陣間解），行過唔使敲門唔乜，就有個「中介人」，同埋多數有一個甚至幾個女仔，你睇啱先入去。呢間唔啱就第間，甚至唔使敲門唔使按鐘仔，啱使啲貪小便宜嘅中港台同胞，冇錢嘅，望梅止渴睇足一晚一個仙都唔使。
有錢嘅呢？就拖上去就地正法。不過記住人地係「料亭」，所以會沖杯茶畀件點心你，「不過件點心就好貴」。係喎，同一道理，人地係拎餐廳牌，女孩子（露出大大個波）陪你飲茶之嘛，當然你地「兩情相悅」就店方不知情了，而點解條女陪飲茶咁多裝備就唔知了
睇到呢度，你真係覺得仲買西成區？2014年年青導演太田信吾拍咗套戲，最後政府要佢刪走啲鏡頭，仲科水畀佢。就係因為佢拍西成區（http://bit.ly/2UAMzeV）
咁當然，城寨都重建啦，深水埗西環都萬幾兩萬蚊尺啦。但同日本人講買西成樓，都應該覺得你神經的。況且，亦都唔係平丫，百幾萬喎大佬
其實真係買大阪樓嘅，百幾萬？唔使。六十萬？都唔使。係六萬蚊就有啦！兩層，尺價百四蚊咋。
（http://bit.ly/2UH4jFS 大阪直擊！6萬港元full pay買複式 呎價136元「激安盤」）
大阪中央區治安 在 Sahiko株式会社- 【大阪地區哪裡租屋最好？哪裡最雷？】 租屋 ... 的推薦與評價
【地雷區】 ☆西城區-連日本人都說治安差的區。因為著名的紅燈區飛田新地就在這裡。還有很多便宜甚至零圓旅店，體驗過的人都說超可怕。 ☆中央區-雖然御堂筋、心齋橋、 ... ... <看更多>