話說我好鐘意飲珍珠奶茶，貝貝成日見到有啲波波覺得好得意，想我畀佢飲！但因為我好堅持佢唔飲得茶類，所以我次次都拒絕！但有一次我地叫咗杯黑糖珍珠鮮奶，見無茶就畀佢試啖啦，點知話咁快就愛上咗🤣，其實佢除咗鐘意飲橙汁同士多啤梨奶昔，幾乎係無鐘意過其他嘅飲品，平時最鐘意只係飲水，就算鐘意飲橙汁，飲完兩啖都話要飲多啖水先！所以估唔到咁甜嘅珍奶佢都啱，但其實佢應該只係鐘意食珍珠！點知依家日日都提住想食珍珠！但最慘佢最近嘅poo poo又唔暢通喎！我就好堅決話一定要你成功痾咗，我先會再買！
然後，佢見求珍奶不成，好語重心長咁同我講😒：「我話⋯你出去買珍珠奶茶畀我先⋯我飲少少，跟住我痾完poo poo，我再飲少少，跟住⋯我休息一陣⋯我再飲囉！無所謂架⋯⋯」咩野呀？咩野休息一陣呀🤣咩野無所謂呀？點解你突然會識講呢啲野架？🤣🤣🤣🤣🤣聽到真係笑死我！佢個樣仲要天真無邪勁認真，應該覺得自己講得好有道理😂！
其實上次佢同我輪流扮生bb都講過一次「無所謂」⋯
貝：「嗱！你生bb先，跟住到我，跟住到你，跟住到我，無所謂架嗎☺️？⋯係咪？」
突然聽到佢識用「無所謂」黎造句，我真係笑到癲咗😂，點解佢會諗到咁樣黎造句？真係好搞笑！黎緊應該可以節錄返輯貝（笑）談廣東話！
———————————
FB: https://facebook.com/profile.php?id=155831361844211
IG: https://www.instagram.com/bowl_lam/
#貝貝Alice #90後媽媽 #香港媽媽 #新手媽媽 #新手爸爸 #育兒日記 #育兒生活
天真無邪造句 在 照樣造句: 倘若.....那麼- 天真無邪好純潔的我會怎樣對倪有壞主意呢 ... 的推薦與評價
See more of 天真無邪好純潔的我會怎樣對倪有壞主意呢? 倪這個天真無邪吃番茄的小傢伙。 on Facebook. Log In. or. Create new account. See more of 天真無邪好純潔的 ... ... <看更多>