【客戶暑期清算活動】 呻爆文慎入
暑期活動結束，當大家為社會運動疲於奔命，平日阿客的暑期活動水靜鵝飛。生於亂世，大家無計。
依家當然係交暑期活動clipping report嘅日子，相信好多公關仔同我一樣，即使跑到條coverage數，阿客仍然會聲討做得唔好。點解？無生意囉！
.
公關仔想重申一次，PR係用嚟令你個活動或者產品有更多人關注；至於賣唔賣得、好唔好生意，係關你件產品或者活動本身好唔好，再加上價錢嘅考慮，顧客先至會to buy or not to buy。
.
客戶：「我明白公關已經好努力，coverage value比上年只係差咗少少，但啲商戶全部都投訴無生意返，我哋攪咗活動都無用，公關做得唔好。」
公關仔(頂住道氣)：「我明白，但近來嘅社會活動的確係有影響嘅。最多人去活動嘅星期六日，有時大家都會去咗社會運動，或者唔會特別去其他區，可能要向商戶解釋下。」
客戶：「我明白，但我哋做咗公關無人流就唔得囉！」
公關仔(按住道氣)：「其實公關真係唔係用嚟call人流，我哋只係令公眾知道呢個活動，多啲人睇到。但公關係無辦法控制市民嚟唔嚟嘅意欲。希望你明白。」
客戶：「我明白，依家我哋交唔到數就得囉！」
公關仔：「咁無辦法啦，講真，市民支持社會運動係無法控制，我哋又唔係送錢俾佢哋嚟。何況收錢嚟嘅都唔係你嘅target客戶啦！」(即使你俾錢，可能班人去錯咗第二個場......你懂的)
客戶：「咁你不如教我點答老細，PR coverage返到，但生意返唔到。」
哦，老細問你問題但公關幫你答；老細出糧俾你會唔會分返啲俾公關仔？
公關仔：「或者老實啲答佢，無人有心機出街消費，請大家共渡時艱.....囉。」
唔係你想我點答呀？
.
客戶往往都唔明白，以為有人知道就會有人嚟；所以公關們經常都好嘔血地收到啲悶到爆，同客戶懶以為好新好潮好得意但其實無人feel any excited嘅所謂橋同decoration。
.
無嘅，阿客往往唔想俾公關賺concept fee，佢就會叫production house整啲圖出嚟，然後叫公關做pitch。嗱，唔係話睇少production house，而係專業有不同，公關不能夠變套景出嚟，同樣production house不能夠提供公關意見。
.
結果，公關們就要寫一份作文(而不是新聞稿)，然後懶excited咁pitch記者，呢個場「相就睇落無敵海景，市民落場睇就一眼睇晒」咁囉。暑期活動生意唔好，嚟緊聖誕一定多多要求又三又四要多啲人流多啲生意，但會性生意返唔到而俾少少budget......
.
公關剛剛先收到阿客一份屋企商場都比佢華麗嘅decoration design。係，所以點都要出返個post呻一呻。
.
各位公關仔，the work must go on，暑期過後聖誕又來了，大家自求多福，公關加油，香港人加油！
#阿客即使鬧我都改不了公關支持香港的決心
#嫌無生意你就過住自己攪
#好生意嘅時候又唔見你多謝公關
#唔好生意就賴公關辦事不力
#成個暑假我唯一想參加嘅活動就係香港人嘅活動
#五大訴求缺一不可
#需要大量心心安慰
