公司同事琴日通知我，話喺拳賽之後有好多人查詢，關於我出場嘅時候披着嘅boyhood.毛巾😂
呢條其實係半年前，我委托日本愛媛縣今治市其中一家公司，為我製作嘅「今治毛巾」。
相比一般市面買到嘅今治浴巾更大更厚（160x84cm, 厚度7mm）
利用特殊嘅紡織法製造，堅韌得來非常柔軟。
點解條毛巾咁正，但一路都冇推出？
…. 因為成本好貴😂
日本製，日本名牌，大大件，生產數量少，運費…etc
所以喺製作左樣品之後，最終並冇正式發售。
如果要賣，真係可能要$600-700…
（雖然我做個市場調查，喺香港買嘅有質素嘅今治毛巾，都有賣緊差唔多價錢）
Yeah… 個故事就係咁。
所以暫時來講，係呢個地球上只有兩條boyhood.毛巾😎
以後會唔會有機會推出市面，未知。
睇吓大家咩反應。
