因為接咗單廣告，我決定買枝酒同同事慶祝下，正當我set緊filter搵食物同酒配搭嘅時候，同事行埋嚟我身邊講咗句：「唉，如果搵工都可以set filter就好啦！唔止工種同埋人工，仲可以好似你而家咁set埋評分同配對，人生一定會簡單好多。」
我：「咩事咁感慨呢？係咪暗示我對你唔好，想辭職再搵工？」
「唔係，我細妹囉！早兩日又resign，今年轉咗兩份工喇，驚佢張CV會太花，然後有個friend介紹佢去另一間公司，不過嗰間嘢聽聞難做，你都有個細佬，實會明白身為大佬點都有少少擔心。」
我：「其實唔擔心得咁多，我做headhunt咁多年，經驗話畀我知，你覺得唔好做嘅工，之前有無數人做過，上一手仲可能做咗好多年，你唔做，之後一樣有人做；同樣地，有啲人覺得份工好筍，但第二個去做亦都未必會鍾意，筍唔筍嘅定義人人唔同。」
印象中，曾經幫一間公司請Sales Support，介紹咗第一個candidate過去之後，佢返咗唔夠一個星期就走，原因係冇嘢做，好無聊，覺得時間好難捱。佢走咗所以我要搵replacement，第二個candidate返完之後覺得好開心，佢話自己有小朋友，心思放晒喺屋企，最緊要份工夠穩定，冇嘢做嗰陣煲劇都冇人理，6點準時放工去買餸，佢唔怕悶，佢怕忙。
因為人人有唔同喜好，聽過有candidate話夜晚要返學，讀完個degree就一定轉工，亦有candidate隨住際遇或者年齡而改變咗心態，只求settle down，唔同目標就有唔同嘅接受程度，冇對錯，只有適唔適合自己，而且工作環境都係一個考慮因素，同事之間亦有磁場，簡單嚟講即係人夾人，正如我而家買酒一樣，知道自己想配搭咩食物，會喺咩場合開嚟飲，夾返啱支酒，咁咪唔會撞，更加易入口囉！
「係喎，你話要買酒慶祝，接咗咩廣告？講咩㗎？」
我：「正正就係講點樣去filter， Jebsen Fine Wines (Hong Kong) 個網站入面有靚酒搜尋功能，簡單set你嘅budget或者食物配搭就搵到啱你嘅酒，唔識都揀到合心水嘅酒，呢度有超多酒款，又有唔同國家，紅白酒、氣酒、Sake、日本威士忌、烈酒，仲有礦泉水同埋有氣果汁，全部都係原廠正貨，今日訂，聽日就送，幫幫眼啦喂！」
「你搵女朋友都可以filter就唔使咁可憐啦，不過啲女仔如果又filter返你，見到你個出生年份可能又會卻步。」
我：「......我請咗你返嚟可憐啲。」
酒呢啲嘢要遇到知音先識得欣賞，人都係一樣，冇咩事我返出去揀酒先：
https://bit.ly/3oIzXy6
