［睇晒全相先唔畀錢？］睇完Victoria Secret 拍拍籮柚走？唔係咁簡單架葉師傅
1. 其實呢類故事十分常見，廣義就係「不可抗力」，「上帝旨意」，「發生咁嘅事大家都唔想」「不如我去煮個麵你食」。簡單啲就係，有啲真係大家都不可能事先預到嘅嘢發生，咁合約（可以係不同的合約）雙方，就有人會想反悔。好多時啲合約都會有一啲條款，如果乜乜乜發生，咁合約就可以作廢。例如你保險嗰啲唔保咩恐佈活動呀，政變之類咁。
2. 狹義啲嘅，亦都有No Material Change – 最常係收購發生。即係我今日買你間嘢，傾成，忽然間先發現你間嘢走晒樣喎，咁仲屈我畀舊價？
3. 但當然，以上只係紙上談兵，實際點執行就好複雜。幾多先係Material？邊啲先係「上帝旨意」？就等律師慢慢打了。
4. 今次嘅故事，當然係我成日寫嘅Victoria Secret （VS），公司近年唔掂，好多人都知，我亦寫過（https://bit.ly/2VVXH3S）。記住，「品牌」可以係護城河，但好多「品牌」都唔係真係「品牌」，當然咁有啲懶皮，「懷才不遇即係你唔係真懷才」，但你懂的。
5. 好多咩「品牌」，例如VS咁好似條綁帶底底咁，一扯就甩，乜都睇晒。公司點解唔掂？Metoo係重災區啦，選美都唔畀著泳裝，VS點玩？當然我問女讀者（喂呢度三四成女讀者的），有人話我知，而家啲女唔著呢啲喎，如是我聞，但明明公司係靠亞洲市場，女讀者話係北姑喎。OK
6. 咁VS撞埋肺炎，梗係大鑊啦，雖然理論上話鎖住在家啲友多咗做愛仲買多咗性玩具 -但，介紹返，你係對住個正室喎，而非正式統計，VS最多梗係小三同職業工作者
7. 咁話說，VS卒之以為搵到佢嘅天使打救啦，就係呢間私募基金，Sycamore，詩歌舞（其實係無花果樹）。原本傾好晒，而家詩歌舞想反口啦，話唔買啦，仲告返VS。就話VS三月走去閂舖呀，放無薪假呀，唔交租呀，已經違反咗條款喎。但畀人個感覺就梗係因為肺炎想唔認數，或者想畀平啲啦
8. 因為咁，結果VS嘅母公司L Brands，股價一日就跌三成咁滯—之前三月已經隊咗一半—而再之前都一路弱勢。五年前講緊一舊水，而家十蚊。咁VS就當然要佢硬食，講好晒睇晒先話唔買？有得咁？
9. 其實之前係二月傾，當時個刁呢，VS估值，都不過係80億港紙左右，當然仲要係肺炎前嘅價。而家詩歌舞當然係借機想反價，VS就梗係唔制，誰是誰非定最後可以和解，就唔知，亦都真係打過先知。呢啲條款絶對冇你想像中咁簡單。唔係話買樓咁撻訂反價咁簡單。
10. 實情，跌咗落嚟人人都想反價架啦。之前Xerox買HP，亦都係咁所以告吹，Softbank亦都好似想反口唔入股Wework。但就真係好睇你個情況係點，你話只係因為股價跌咗嘅，一般唔得咯。甚至話環球股災嘅，都未必得。但肺炎呢？就唔知。或者金融海嘯呢？都唔知。當然仲要睇，買家係邊個，有啲反正係股東吹唔脹（例如同股不同權），甚至國企嘅，就話知你啦。但有啲股東有機會炒CEO嘅，一定會施壓，買貴會畀人鬧
11. 詩歌舞呢單，應該就簽晒，但未close嘅，呢啲就最煩。未簽嘅咪唔算數，錢都畀埋人嘅當然財到光棍手。最煩係簽咗嘢但又未完成嘅。
12. 所以就拗，係咪有Material Change了。
13. 根據我片面嘅理解（即係，鳩估），應該，詩歌舞都係要畀錢嘅。堆Material Change好多條件，同保險嗰啲情況一樣，有興趣你自己去睇（https://bit.ly/3cVwVQm），合約第十至十一頁。你可以話，似乎係保障賣家多啲，一般嚟講唔係「我買貴咗啦我唔買了」，而係「除非核爆否則都要找數」:
14. “the existence, occurrence or continuation of any pandemics, tsunamis, typhoons, hail storms, blizzards, tornadoes, droughts, cyclones, earthquakes, floods, hurricanes, tropical storms, fires or other natural or manmade disasters or acts of God or any national, international or regional calamity” don’t count as an Material Adverse Effect
15. 另一單類似嘅？我咪又寫過，之前LV買Tiffany嘛。未完成喎，咁會唔會反口？似乎唔會。但的確Tiffany股價已跌好多，話LV可能直頭就咁在open market 買添。呢啲就信心啦。
16. 就咁估，最多係收順啲，但冇可能詩歌舞可以唔畀錢。否則仲得了？又睇下點。
——————————————-
版務：收費專欄已推出，支持埃汾高質文章。幾舊水睇三個月，一星期三篇
請去呢度訂：bit.ly/2wVXndj
課程編號填: CC01
科咗水後後有Login及Password畀你
逢一三五入去 homebloggerhk.com （見到就睇到《事先張揚》），亦睇得返以前嘅文。一般我都係會黃昏出文嘅。
家詩歌 在 家（和聲版） - YouTube 的推薦與評價
【好詩分享— 詩歌 賞析】本首 詩歌 是從人類生活基礎的需求—溫暖的地方開始，引到神心頭的渴望—執行祂永遠經綸的憑藉。盼望藉著此詩，大人們能看見自己 ... ... <看更多>