【Budget暢遊布里斯本四大景點】
上個月先食完聖誕大餐、同埋除夕 gathering、仲未計交換聖誕禮物呢，嚟緊就已經新年要買新衫啦！都知大家荷包已經大出血㗎喇～但難得嚟到布里斯本唔係唔玩盡佢啊？話哂呢度都係澳洲人口第三大嘅都會區，只係啱啱好僅次於悉尼同墨爾本㗎咋，亦都係三大城中位置最北嘅城市，因為離赤道比較近，氣候都比較溫暖～天氣 fit 哂！心情 fit 哂！無理由因為 budget 限制住自己咁笨嘅！放心啦～已經為你準備好四個費！用！全！免！嘅景點㗎啦！好快啲 save 底佢啦！
1. South Bank 玩玩水
South Bank 有成17公頃嘅公園綠地，周圍仲有餐廳、cafe、bar、精品店，仲有博物館同 art gallery 㗎！呢度係目前市區最具規模嘅公共空間，亦都係文化交流嘅心臟地帶。South Bank 呢度不時都會舉辦各式各樣嘅展覽，重點係呢度有個人造沙灘係免費入場玩嘅！星期六、日一定會見到好多一家大細嚟玩水，曬下日光浴，悠閒咁過一個下晝仲唔係最好嘅 budget 之選？
圖片來源📷 : http://www.arenabrisbane.com.au/
http://www.visitbrisbane.com.au/
2. 「CityHopper」免費船河
除咗散步跟坐車之外，有無諗過搭船遊市區都可以係免費㗎呢？布里斯本呢度有紅色船身嘅「CityHopper」係提供畀大家免費搭乘㗎！唔好搭錯藍色嘅「CityFerry」～因為呢架就要畀錢先可以搭㗎！但當然停嘅景點就會比較多啦～其實如果你一朝早已經去咗 South Bank 玩水，下一個行程就可以去 South Bank 3 搭船，欣賞一下布里斯本河沿岸嘅風光喎！
圖片來源📷 : https://dartonblogger.wordpress.com/
http://www.weekendnotes.com
3. 優閑逛逛 Queensland Art Gallery
Queensland Art Gallery 利用綠色建築概念去起㗎～所以話佢本身已經係一藝術品都不為過！館內主要係展示1920年以嚟嘅澳洲美術作品，但歐洲同亞洲嘅作品呢度都有好豐富嘅珍藏㗎～呢度更加係成日都會舉辦特別企劃嘅展覽，一定唔會悶親大家嘅！各式各樣嘅澳洲同國際藝術品，都一定可以令大家眼前一亮，得閒嘅話嚟行下，相信都可以令大家有所得著㗎！
圖片來源📷 : http://www.visitbrisbane.com.au/
https://aroundtheworldwithblade.files.wordpress.com/
4. 不能錯過嘅 City Hall 地標
City Hall 市政廳位於 King George Square，係布里斯本市區嘅地標嚟㗎！嚟到布里斯本一定唔可以錯過呢個1930年已經建立、已經有80幾年歷史嘅建築！隔離嘅係高92公尺嘅鐘樓，係座文藝復興嘅建築，其實睇夜景可能仲靚㗎！City Hall 呢度曾經係布里斯本最高嘅建築物～ 搭乘復古電梯上去78公尺嘅暸望台，就可以一邊眺望城市美景，一邊感受返惜日嘅情懷啦～
圖片來源📷 : http://www.epicure.com.au/
http://www.limelightmagazine.com.au/
布 里斯本 景點 地標 在 布里斯本市區自由行！在澳洲也能看見台灣的地標 ... - YouTube 的推薦與評價
澳洲#vlog #旅遊台尬猴～ ♂️ 你們知道台灣哪個城市跟澳洲 布里斯本 是姐妹友好城市嗎？這支影片帶大家一起去逛逛 布里斯本 市區著名 景點 ， ... ... <看更多>