#DSnap! #story29264
[智華館瘋狗]
話說新鮮人之時聽過SU can有軍裝神經病人士四處遊蕩，未親眼見過，結果依家大四趁就畢業用多幾次智華館就比我撞到隻癲佬。
簽左外人入黎，好地地Book左房做緊問卷，條友無啦啦衝入黎指住我鬧話咩運d中學雞入黎補習，侵害港大同學權益，話一係我依家自己車一係搵人拖我走(警犬?) 再唔走call食蕉。我冷靜咁徐徐步出study room，同佢解釋，條友就發哂癲咁衝落地下門口食蕉到討訴。人地食蕉都同我打眼色，扮處理下帶我去中央保安室，大家都知條友係癲既，office有個負責人同我講要明白依位同學為大學服務d規矩要執正黎做既苦心，好我明，我果刻真係明佢讀書太大壓力。然後負責人又官腔地將一部分責任又放落我到，話簽人入黎只作參觀，問題又黎啦，咁之前上莊簽隔離u啲對莊入黎開會又犯錯了？又點解冇人捉呢？咁我依家做研究係咪又唔得呢？咁起個multi-functional的智華館對佢受眾黎講都幾唔multi-functional。
先唔討論rules，講番個故事。係我同保安室人員對談中，其實一隻擔心緊我d小朋友，因為條友一直係出面遊蕩，而事後問番佢地表示條友一直係房門口啤住佢地，又不時指住佢地鬧要趕佢地走，為此我對嚇親佢地深感抱歉，亦對附近同學造成泣滋擾覺得非常唔好意思。我係保安室開始感到憤怒，因為負責人竟然任有問題既人係出面，將非常理性和善好明顯一個正常人留係保安室講道，比起偷偷補習，依個反映保安本身都好有漏洞；最最最嚴重既漏洞係！隔左10分鐘有另一工作人員入黎話條友張學習證有問題，話有相但冇number。哇原來賊喊捉賊，疑似非本校學生係到嘈本校學生使用本校資源，媽呀我好亂。
之後我就好似比人趕出家門咁係閘外沙發繼續做野，而佢好似繼續懶死係保安室有人坐係度同佢傾(佢先係真正比人處理果個）但件事好影響我interviewees同我本人，甚至全港大使用智華館既同學仔(哦原來交左學費簽左紙book左房都冇得使用既，師父明白了）。
諗番我對條友好語重深長咁講左再句：我地有冇做d咩騷擾到你...?真係唏噓。其實大佬呀，依家考完試成座智華d位多到數唔數，空房亦然(根本我就唔洗book），我又唔係講野嘈到你(驚嘈到人所以先book房），又唔係book左間房搞到你溫唔到考試...
#薄扶林大學 #HKU #智華
===============================
===============================
:) 分享你嘅小秘密 ==>【 http://bit.ly/sharesomething 】
B-) 成為專欄作家，讓更多人睇到你嘅作品 ==>【 http://dry.hk/beblogger/ 】
