https://www.patreon.com/posts/51960899
//假若當日有人聽我而唔係幫濕尻KOL講，有37900人入咗一手282死揸到尾，咁今日經已穩揸過半數街貨響手，689點撈貨都無撚用；如果果5億蘋果訂閱費，有兩成係擺咗響股票入面，今時今日亦唔駛為筆錢比689鯨吞而心驚膽跳。
唯一可以肯定嘅係，聽日282九成九又要停牌，而復牌一刻，股價一定會升到爆廠，但我覺得自己對壹傳媒又好、對香港又好，經已仁至義盡，所以我唔會響度再呼籲大家購入282股票，免得犯國安法收場。//。
【直擊黎智英壹傳媒股權被凍結後果：當日話訂蘋果先可以撐蘋果，買282無用班垃圾KOL，而家兜巴摑去你面度】
壹傳媒於6月1日傍晚突然發公告指，國安處向壹傳媒管理層確認指，除保安局特別認可以外，黎智英將不得動用其71.26%股權的任何投票權。
首先黎智英之前已因被《國安法》檢控而被凍結壹傳媒股份等相關資產，但理論上佢仍然係壹傳媒移集團最大股東，如今國安處剝奪其股份投票權，即等若宣佈其所有持股權作廢（理論上如果佢被判無罪，資產應該會被歸還……當然只係指理論上而言），換言之只要邊方勢力佔有剩餘街貨28.74％入面嘅一半以上行，即等若擁有壹傳媒集團的全面控制權。
擁有壹傳媒集團嘅全面控制權代表啲咩呢？蘋果篇報導已寫得相當清楚：包括可以全面控制董事局任免權、在股東大會推動各式各樣議案、全面主導蘋果日報編採方向。甚至極端一啲，好似我之前寫嘅康宏環球股權爭奪戰一樣，搵啲理由令壹傳媒被證監除牌，用15%就可以吞哂成個壹傳媒資產。
好勒，上面都係一般傳媒報導都會提及／抄襲嘅資料，下面我會講一啲非一般讀新聞KOL會講你聽嘅重點：
1.目前要控制壹傳媒嘅股權大概需要幾多錢？如果以街貨7.58億股、市價每股計算0.212港元，過半股權概只要8000萬港紙
2. 壹傳媒目前擁有5億現金流，然後仲未包括廠房設施在內各式各樣有形無形資產，換言之先唔好講陰乾壹傳媒從來係國家任務，用15%股權造倒食十幾億資產蛇吞象，邊個接呢單Job做都發撚過豬頭炳。
3. 邊個而可以救倒壹傳媒？之前盛傳David Webb擁有5%壹傳媒股票，雖然之後曾被攤薄至不足5%，但理論上佢仍為282第二大股東，只要佢加埋其他黃絲股東擁有15%左右股權，就足以制止壹傳媒被惡意收購。
但好不幸卻係，從多方渠道得知，David Webb已響之前282多次股價大升时候沽出大部份持股，就算樂觀估計佢都只係剩番1–2%股權左右，令呢次股權爭奪戰一開始就陷入劣勢，我希望我收嘅風係錯啦
4. 掉番轉，梁振英響過去一星期多次高調以壹傳媒小股東身份向執法機關多番投訴壹傳媒，明顯有備以來。雖然可以肯定689個人持股一定未到需要公開披露嘅5%股權，但你估國安處響宣佈剝奪黎智英投票權之前，會唔會事先通水梁振英？（我估架咋，唔好告我）
你估梁振英咁心急壹傳媒復牌，係純情地想282復牌咁簡單，定係進一步搵人頭收集街貨，為全面控制壹傳媒舖路？
5. 響講我地之後可以做乜前，我先要同班黃屍狗算清一下舊帳。當日我呼籲大家買282股票撐肥佬黎，比黃標KOL同黃屍狗瘋狂攻擊：我先被黃世七抹黑引入共產黨收購壹傳媒（屌你老母我叫撐蘋果嘅民主支持者買282，你掉番轉黎講，有無無恥啲？），再被無敵神駒老屈我引人入市接火棒，然後又有一班懶醒嘅KOL（包括黃世七）撲出黎話「買壹傳媒股票幫唔倒肥佬黎，只有訂蘋果日報先幫倒」
結果今日你地啲訂閱費造就壹傳媒擁有5億現金流，然後689及其團伙只要用幾千萬就全部可以CAP撚哂落袋──我而家想問你班傻尻黃標KOL及其黃屍狗FAN屎，究竟邊撚個益咗共慘黨？
今時今日究竟擁有282股票定係你交嘅蘋果訂閱費，對保護蘋果幫助大啲？今日壹傳媒呢篇公告，就係對黃世七、無敵神駒（再加個濕尻D100花膠台財演，唔開佢名廢事益撚咗佢）呢啲對金融市場完全零認識嘅垃圾KOL，一巴又一巴摑去佢地面上。
然後好撚悲哀嘅係，我講真話、真金白銀拎錢支持，就比黃屍狗抹黑；果班不學無術，尻吹呃課金嘅黃標KOL卻賺到盤滿鉢滿，呢種無知之惡，就係黃屍令香港落得今日下場嘅共孽，只可惜無辜嘅我仲要跟埋陪葬。
6. 例牌最多人問嘅一個問題：咁我地可以做啲乜？老實講，做嘅嘢唔多。假若當日有人聽我而唔係幫濕尻KOL講，有37900人入咗一手282死揸到尾，咁今日經已穩揸過半數街貨響手，689點撈貨都無撚用；如果果5億蘋果訂閱費，有兩成係擺咗響股票入面，今時今日亦唔駛為筆錢比689鯨吞而心驚膽跳。
但結果我當日被屈係共產黨嘅鬼，呃人接火棒嘅老千，無撚人聽我嘅呼籲，咁而家撈街貨仲有無用，689會唔會一早已穩操勝券，我已無從估計。
7. 唯一可以肯定嘅係，聽日282九成九又要停牌，而復牌一刻，股價一定會升到爆廠，但我覺得自己對壹傳媒又好、對香港又好，經已仁至義盡，所以我唔會響度再呼籲大家購入282股票，免得犯國安法收場。你班黃屍狗唔值得我為你地而犧牲，繼續班黃標KOL尻噏食你嘅精神鴉片啦，係咁。
