Search
藝人張振朗出席佛誕嘉年華活動，擔任嘉賓在台上演唱國語歌，首次現身大型佛誕活動的他坦言非常緊張：「因為要唱國語歌，好驚講錯嘢，之前都有預備。」他又表示今天腸胃不適，臨出場前也要先去洗手間，說：「尋日拍《馬家開飯》食咗十幾個鐘，可能食得太多嘢，拍劇拍40個鐘都冇咁辛苦！（做運動消耗番？）其實已經瘦咗，睇番《踩過界》嘅片，嗰時有肌肉，而《全職沒女》就係肥腩！」
問到女友陳芷尤有否指他肥？他說：「當然肥好攬啲啦！自己都想肥啲，操番大隻啲，健康啲。」
此外，張振朗表示最近忙於為劇集《全職沒女》宣傳，經常與拍檔陳瀅四出做訪問：「好開心，依家多咗人識，冇再扮任何人，做番自己。」他又指與陳瀅拍攝的宣傳搞笑片，在無綫Facebook專頁「See See TVB」上載不久已有90萬次瀏覽：「喺片裏面我着得好性感，得條孖煙囪，畀陳瀅掌摑同攻擊下體，好搞笑！」
藝人陳瀅及張振朗到油塘宣傳無綫劇集《全職沒女》，陳瀅以白色吊帶背心，外披牛仔褲女神Look現身，與張振朗玩遊戲時，應遊戲要求姣振朗，又拉開振朗外套拉鍊，更伸手要除振朗件Tee，令振朗露出孖煙囪，尷尬得面紅耳赤，兩人玩舖床遊戲時，陳瀅更來一個海棠春睡的甫士作End Pose，非常屈機！而羅蘭與楊證樺亦玩得相當投入，兩人卿卿我我，恍似一對忘年戀人。
.
陳瀅踢爆振朗選擇性面紅，她說：「拍劇嗰時佢成日喺啲女工作人員面前換衫換褲㗎，有布簾佢都唔會用！試過見到佢底褲，係好緊好緊嗰種，我懷疑佢係露體狂。（佢想姣你？）我都好開心拍呢個劇令『你姣我呀？我姣你唔起呀？』，變咗網民討論話題，起初我睇劇本都有擔心，怕呢句對白唔知出嚟效果會點，都要衝破自己嘅框框，我啲朋友睇完都話，睇得出我係好畀心機豁出去講呢啲對白同演呢個角色。
.
張振朗解釋自己着窄一窄的底褲有大條道理，他說：「窄啲唔會走光呀！（點解換衫唔拉布簾？）趕時間嘛，而且我喺屋企換衫都係咁，我當咗TVB係我屋企。（係咪露體狂？）我懷疑係陳瀅偷睇我就真！（緋聞女友陳芷尤有冇睇過你換衫？）吓！基本上好多同事都睇過，睇吓佢好唔好彩啦！」
藝人張振朗於尖沙咀為無綫劇集《全職沒女》進行街頭宣傳，他表示劇集收視不俗口碑佳，起初擔心自己的演技太誇張，但幸好觀眾接受，而且最開心的是終於可以令觀眾覺得他不似張智霖，可以搵到自己，發覺自己有喜感。
談及復活節長假期令收視下跌，他不擔心，至於在劇中的裸泳戲掀起話題，他笑謂：「拍嗰陣有啲尷尬，我係怕醜仔嚟㗎，係史上最大膽嘅戲，我諗諗吓係咪應該要行性感，都有幾場戲我淨係着under，好似白白淨，幾好lam！」
談到戲中被陳瀅挑逗，女友陳芷尤可有不開心？他解釋：「係好朋友，唔會唔開心嘅，而且都係工作啫！」又笑言陳芷尤在《心理追兇》中亦有咀戲，笑笑口否認裸泳戲是為了報復對方。
談到他的「性感尺度」，他指今次已經裸泳，難以再性感，更謂監製希望他拍攝時肥肥哋，白白淨！
