螞蟻替代大笨象為長線價值投資優質股
11月3日，部分時間有陽光，天氣乾燥有風，早晚天氣明顯較為清涼。隔晚美股扭轉上周跌勢，本周開局總算有個好開始，三大指數反彈，不過納指反彈力度明顯遜色，升幅只有0.4%或46點，而道指跟標指則升逾1%。道指重磅股反彈力度較為強勁，科技股表現則較為反覆。
雖然侵侵喺民調一直落後拜登，而部份市場參與者當正拜登當選，但侵侵喺幾個關鍵搖擺州份未見大幅落後，唔排除今次大選結果跟2016年一樣，令拜登支持者失望。古天后則最關注係點票期間，會否出現爭拗，選舉結果不確定性定必令市場大幅波動，不過古天后有信心，當震盪跟恐慌逐漸消退後，市場會逐漸克服憂慮，並喺就業、收入增長、貨幣政策以及新一輪財政政策支持下逐漸走高。事實上，美股亦有大好友表示，美股上周拋售潮已近尾聲，預期選舉幾日內就有結果，為年底前升市定下基礎，標指年底可望升至3500點。
除咗美國大選之外，美國聯儲局議息亦係市場另一焦點，不過喺疫情反彈下，斷估聯儲局嘅貨幣政策只能鬆不能緊，貨幣政策維持寬鬆，甚至再放鬆對股市有利，基本上無乜值得擔心。至於破世界集資紀錄嘅螞蟻集團(06688) 股價及相關新聞 ，喺預計周四H股掛牌之際，傳出暗盤交易較招股價出現50%溢價，當入咗飛嘅缸邊友，未知抽中與否而先興奮嘅同時，中證監隔晚發表公告指中國人民銀行、中銀保監、中證監及外匯局聯合對螞蟻集團實際控制人馬雲、董事長井賢棟、總裁胡曉明進行了監管約談。
雖然通告未有披露約談內容，但上市前嚟見面，難免惹起市場猜測，馬雲等人係咪被監管機構照肺。新股上市前夕被監管部門約談實屬罕見，惟暫時內地監管部門未有進一步披露，加上螞蟻集團本身屬於巨無霸新股，又採用「A+H」方式上市，且近日捲入潛在美國制裁的風波，出現咁嘅情況又唔係完全無可能。
一般投資都視螞蟻為一間金融服務機構，但實際上螞蟻係致力打造為推動現代全球服務業數字化升級，包括金融服務及日常生活服務嘅技術平台。公司願景係建立未來數字基礎架構服務，公司產品係技術，而非金融服務。通過螞蟻嘅超級應用程序—支付寶，公司向消費者，小型和微型企業(SMB)跟金融機構建立聯系，並通過多種方式提供有價值服務。
隨著中國經濟轉型為以內需消費驅動、小微經營者群體的崛起，消費者和小微經營者對於金融服務的需求快速增長，預計未來對於信貸、理財和保險產品的需求仍將顯著提升。金融服務數字化為金融機構創造了新機遇，令機構可實時發掘及滿足客戶需求，更有效率地服務更廣闊嘅客戶群體。螞蟻通過與金融機構合作夥伴合作，並利用核心功能(技術基礎設施，動態風險管理，智能商業決策系統以及廣泛和精準的觸達與連接客戶群)，主要喺微貸科技、理財科技及保險三個領域，提供數字金融解決方案及服務。而螞蟻跟阿里巴巴(09988) 股價及相關新聞 保持戰略層面緊密協同嘅合作夥伴關系，為其業務各個部分產生了強大嘅平台網絡效應，實現共贏局面。
不過以螞蟻咁大嘅集資規模，中獎嘅缸邊友咪諗住H股上市首日會好似之前嘅B仔新股咁爆升一倍，按噚日市場傳聞嘅暗盤價120元，升到去呢啲位已經難能可貴。投資螞蟻要睇長遠數字平台及阿里平台協同效應持續增加等多重因素，古天后當然係睇好其前景，喺長線投資組合JATMX以外，呢隻螞蟻A，將會成為新成員，螞蟻呢隻科技金融新經濟股，代替過往大笨象(00005) 股價及相關新聞 傳統長線投資金融股嘅地位。
古天后
#300likes30shares #古天后 #古天后日誌 #頭條財經網
利益申報 :
筆者為證監會持牌人，於本文章刊登之時，筆者個人或/及其客戶可能隨時買入或賣出相關證券及衍生工具。
免責聲明 :
本網頁純屬個人網誌，一切言論並不構成任何要約、招攬、邀請、誘使或任何建議及推薦。讀者請獨立思考及自行作出投資決定，如因相關言論或文章招致任何損失，概與本網誌或本人無關。
依家我嘅聊天室已經停止免費試用, 直接課金入來聊天室啦：https://bit.ly/2BmeAhZ
立即下載秒投：https://link.stockviva.com/L9J41qUp01
對聊天室有任何疑問，可以直接聯絡秒投小編：電郵 cs@stockviva.com
注意：本人僅在 "秒投App" 及其網站內開設聊天室，本人並沒有與其他網站，或以外的平台，開設過任何通訊群組，亦沒有任何所謂的「私人whatsapp 群組」「Telegram 群組」等等，為保障大家利益，切勿加入任何類似群組。
彈力貸邀請制 在 [情報] 國泰彈力貸 - PTT 熱門文章Hito 的推薦與評價
分享國泰推出的彈力貸https://bit.ly/3jiaIie申貸方式: APP即可申貸、對保、 ... 這個現在是邀請制，銀行會先預審資格如果不確定自己是否可申請的話，建議打電話到他們 ... ... <看更多>