暑假又到尾聲喇！
今年暑假香港發生左好多事，愁雲慘霧籠罩著整個香港..... 但雷囡s仲細。煩惱就由我地大人去擔憂啦！生活還是要過，雷囡s暑假都係要過。
今年依舊冇離開香港，喺香港搵間酒店住下，#偽旅遊 一番！ 每年暑期揀本地酒店，揀來揀去最終都係揀呢間！ 貪佢有個大泳池，仲有2個水上滑梯。加埋個嬉水樂園。咁就夠雷囡s玩足3日2晚！
而且 #黃金海岸酒店 係我覺得最似 「旅行」嘅酒店！ 酒店旁有個沙灘，房客可由泳池直接出入。雖然唔係 #水清沙幼，但都叫做有沙灘吖！
行多幾步就有 #黃金海岸商場，行下街，買下汽水啤酒零食超方便！仲有好多唔同餐廳可以揀，唔洗一日三餐都喺酒店食！ 選擇多，豐儉由人！ 平平地食個麥當當都仲得😆 。
酒店價錢唔貴，閒日最平六百幾（暑假淨房）。如果好似我地今次咁，揀星期五入住星期日退房就貴少少（星期六貴一倍），3日2夜計埋$26xx (淨房)。
俾小小貼士大家，個人認為呢間酒店上官網book就最抵。7日前85折！其實7日內都係85折😆！ 仲送埋 playhouse 一節！
因為擔心天氣同政治問題，雷囡爸爸型到上左車，就到酒店先上網book。哈哈，唔知係咪因爲即日訂房，細房冇晒嘅關係，我地升級左露台大房，2張大床，加張 #傻爸爸諗出嚟嘅碌架床。連浴室都有花灑淋浴🚿+ 浴缸🛁，好正👍🏻
呢度每年唔同卡通主題，今年係 PJ MASKS , 星期六仲有 睡衣派對（主題房套餐）。我地冇book主題房所以冇得玩，但都有得同 PJ MASKS 握手影相！我地游完水返房見到，小囡即時要衝去影...都唔諗下媽媽我個頭亂晒🤦🏼♀️ 冇計啦，小粉絲見偶像大晒！
換完衫出嚟佢地走緊，雖然冇得合照，但佢地好好，同我地握手say hi, 好Nice呀😍 雷小囡開心到暈😆😆
仲有網上訂房送嘅playhouse #鯊魚冒險島 ，真係想玩的話，就要搵個少人嘅時間。我因為貪心想玩盡啲。留返 Checkout之後先玩。個個同一時間check out ,差唔多時間入去...真係超多人。 所以未能盡興。希望下次有機會真正體驗啦！
就係咁，雷囡爸爸每年嘅暑假親子活動，就咁游水游左3日2夜喇！
之不過，但係...我地嘅精彩暑假仲未完㗎！ 遲啲再同大家分享埋另一間本地酒店啦！
#影片中加播左2年前嘅雷小囡
#9個月大同2歲9個月大嘅分別
#都係以前可愛啲
😒好少同爹地去街嘅雷小囡，呢3日唔要我...
😤車！仲好，我可以放下假！
#鏡頭背後永遠是殘酷一點的
Hong Kong Gold Coast Hotel 香港黃金海岸酒店
黃金海岸商場
#PJMasks
#睡衣矇面俠
#雷囡媽媽
#我的偽旅行
#本地酒店
#親子遊
#親子酒店
#親子住宿
#暑假旅遊
影片中加播左2年前嘅雷小囡 在 狂氏電影綜合症候群 的推薦與評價
鑣火》，但係估唔到竟然有個小彩蛋喺今集，就係個女主角就係當年鑣火嘅小女孩！加分 ... 現今這一代的年輕影迷看了20年前的魔戒，都驚嘆於《魔戒》三部曲的「真實感 ... ... <看更多>