「就望到了，就能望到了…終會踏足這峽灣。」
有時真係好羨慕一種人，佢頑強既生命力，
就算經歷驚濤駭浪、高山低谷，佢依然
屹立不倒。我成日係到諗呢種人究竟
佢地諗緊咩？又係d咩信念令佢地可以
咁硬淨？無錯，就係一份希望，就好似
呢間以極光命名既餐廳「Aurora ·
Fusion · Restaurant」。保持住一顆
曙光，探究既心態，將西日兩地
文化結合，令平凡之中顯得不平凡！👇
-
📌Christmas · Set - $1088/2pax
♦️S t a r t e r -
▪ Creamy Chicken Voi-au-vent Puff ·
Button Mushroom · Fresh Parsley Tomatoes -
▫ 第一時間即刻試左餐廳新推出既
聖誕big set，呢個價錢可以性價比
最高既價錢享用七道菜，再加兩杯酒。
第一道先試左個充滿法式前奏既「白菌
雞肉酥盒·柚子蕃茄杯」。酥盒外皮非常
鬆脆，配上奶油汁同白菌，入口濃郁
精緻；而旁邊既蕃茄杯其實係柚子啫喱
加左茄清，可以中和酥盒既甜膩，
質感幼滑；兩者配搭幾夾。
-
▪ Seasonal Oysters · Lime Foam -
▫ 再黎第二道就係「時令生蠔·青檸泡沫」，
餐廳會挑選每個禮拜最靚既生蠔，以供貨
產地會不定。而今晚試左由法國水中花
No.2既生蠔做主角，成個份量有手掌咁大，
幾有驚喜；而大廚會即埸噴上青檸味既
泡沫，連埋一齊食做到入口甘甜，肥美
鮮味既感覺；加上水份充足，
真係忍唔住一啖一件呀！
-
▪ Assorted Sashimi · Platter -
▫ 今晚重頭戲之一既「時令刺身·拼盤」亦係
成個set既精髓，事關每樣刺身都係好有
睇頭，質素仲要唔係hea你，用既魚類
都係非常矜貴。當然都係因應季節而有
唔同既水產啦，而今晚分別試左大拖羅、
帶子、阿根廷紅蝦、笛鯛。大拖羅入口
油脂瞬間散發，肉實爽彈；帶子鮮甜，
有咬口；阿根廷紅蝦最有驚喜，仲大隻
過支叉呀，食落肉質最彈牙，無得輸；
而笛鯛亦好少食到，質感偏腍滑爽身，
鍾意食刺身必定一秒愛上。
-
♦️Hot · Dish -
▪ Fishermans · Pie -
▫ 最經典莫過於一窩新鮮滾熱辣既「經典
農夫·海鮮批」，佢係用左大量薯蓉同埋
帕馬森芝士整成。而裡面餡料覆蓋住
好多唔同既海鮮，加上天鵝絨魚醬汁
同青豆；食落芝士味相當濃厚，薯蓉
質感又夠順滑；而外層帶少少焦香，
面頭仲會擺放兩大塊蒜蓉包，
芝士控一定要試！
-
♦️Main · Course -
▪ Bucatinin Pasta · Sea Urchin · Lobster Sauce -
▫ 而主菜係呢個set可以3揀2，第一道主
菜我試左呢個「龍蝦汁飲管粉·加拿大海膽」。
飲管粉入口比普通意粉更加有咬口，
有少少似魚麵咁，幾特別；而加拿大
海膽食落肥美鮮甜，加上龍蝦汁
將成個意粉豐富左個層次，唔錯。
-
▪ Red Fish in Saikyo Yaki Style ·
Edamame · Risotto -
▫ 另一主打「西京燒赤魚·枝豆·意大利飯」
利用西京燒將魚既鮮味迫哂出黎，唔需要
額外調味，魚肉夠哂腍滑入味；而Risotto
配上枝豆，擺盤色彩即刻豐富左，飯粒
又夠結實；大廚巧妙地將日式配搭意式
創新概念，呢個值得一讚。
-
▪ Grill Sous Vida US Prime Roasted Beef ·
Mashed Potatoes · Black Pepple Mushroom -
▫ 黎到重量級環節既「慢煮美國極級燒
牛肉·薯蓉·蘑菇黑椒汁」，大廚先將牛肉
起左兩塊薄切，就咁睇紋理清晰光亮。
一放入口牛既香味濃郁顯現，肉質
爽彈煙韌，唔會太乾太老，口感真係一流；
再配上薯蓉同埋個汁底，整體夾埋
一齊食，完全將味蕾昇華更高層次！
-
♦️D e s s e r t -
▪ Chocolate Lava Cake · Rum Grape
Ice-Cream -
▫ 所有甜品控都難以避免呢個「朱古力
心太軟·冧酒提子雪糕」，事關一切開
就有煙出，裡面既朱古力瞬間流哂出黎，
朱古力既濃度岩岩好；再配上冧酒
提子雪糕，清新怡人，唔錯。
-
📎 Aurora · Fusion · Restaurant
📍尖沙咀亞士厘道35號地舖
心太 軟 前奏 在 一首任贤齐经典老歌《心太软》前奏响起，勾起了无数人的回忆 的推薦與評價
... <看更多>