剛剛 Sundream Motion Pictures 驕陽電影 有一套講及梵高（Vincent van Gogh）嘅電影上映。
幾十名畫家點樣逐筆逐劃畫出一套兩個鐘頭嘅戲出黎固然已經係一個大賣點，但係梵高嘅名畫《星夜（Starry Night）》對醫療界黎講有一個更加獨特嘅含意。
一點點嘅筆觸、一切都比黃黃綠綠嘅光暈包圍住、映襯住暗藍色嘅天空，呢一堆都係《星夜》出名嘅地方，而長久以黎醫療界都有一個陰謀論，就係其實呢一堆特徵都係因為梵高服食過量心臟科藥物「地高辛（Digoxin）」而導致。
Digoxin 係一隻好古老嘅藥，主要係用黎醫治心臟衰歇、心房顫動等等嘅心臟科疾病，係屬於聯合國世界衛生組織基本藥物標準清單嘅其中一項，但係因為佢副作用比較多，而家都已經逐漸比其他藥物取代。服用過量所產生嘅副作用裏面，其中一樣就係「黃視症（Xanthopsia）」。
黃視症會令患者睇嘅所有野都會遍黃，所有野都會好似有光暈包圍一樣。另外，過量 Digoxin 都可以令到患者視力模糊，加加埋埋，就出現左礦世名作，《星夜》是也。
同樣嘅「陰謀論」其實唔止梵高。
莫內（Monet）係法國印象派嘅代表人物，最著名嘅就當然係佢一系列描繪睡蓮嘅畫作。如果大家有研究佢嘅生平，你會發現佢後期嘅畫作越黎越有「朦朧美」，而顏色都開始無咁大膽，開始偏灰偏啡。其實呢幾個特點都係符合左白內障嘅徵狀，當白內障越黎越嚴重，睇野就會越黎越矇，顏色亦都會無以往睇得咁仔細。
當然，叫得陰謀論，其實呢一D野都係坊間傳聞，大家當講笑就唔好當真。只不過我地醫學生溫書靠呢一堆冷知識，真係會記多好多野！
心臟科藥物 在 心臟病發就靠它？神奇藥丸真能救命？健康2.0 20161204 (完整 ... 的推薦與評價
氣溫驟變，很多人擔心心血管問題產生，瘋狂購買救命藥傍身，但這些藥真的有效嗎？正確服用方式是什麼？什麼樣的人才該服用呢？☆節目來賓☆【 心臟內科 ... ... <看更多>