關於 應該係除非唔係出處 ，我們在網路上蒐集到這些相關的討論、資訊與評價

【《歎息橋》班底入圍「金馬創投」】

自2007年開始於「台北金馬影展」期間舉辦的「金馬創投會議」，旨在為華語電影內容創作者和電影發行商提供洽談平台，促成雙方合作。大會今年首度增設劇集（Series）項目，並於今日（9/21）揭曉本屆入選的13個新計劃（https://bit.ly/2FRPYQy），當中兩套是香港團隊出品，包括由《歎息橋》監製林保怡旗下「我們的有限公司」開發的新劇、黃綺琳（Norris）編劇、楊承恩（25）和李紹波（Fatball）執導的《心房治療師》，以及由錢小蕙和陳果擔任監製、江皓昕編劇和陳迪凱執導的《那夜凌晨，我坐上了旺角開往大埔的紅VAN》劇集版，此劇將由「瞳影畫工作室」製作。

黃綺琳接受電話訪問時直言，今次入圍並非代表已找到「金主」投資，而是需要花時間跟來自不同地方的投資者「Sell橋」。「喺嗰幾日，大家就會喺度Pitch（講解創作理念），參加呢啲創投，都係想令其他地方嘅投資者，知道你想拍呢個故仔，應該大會都會有啲獎，得獎後會有一啲獎金，但唔會夠開拍一套劇。」Norris又指，現時仍未知道《心房治療師》會怎樣落實拍攝，視乎最後找到哪些投資者，但傾向是香港和台灣合拍，「故仔上，有台灣演員同台灣地方，亦會有香港演員，林保怡係其中一個主要角色，希望新劇可以跳出香港。」Norris稍後她會親身前往台北出席「創投會議」，至於兩位導演和林保怡則會留在香港，透過視象會議向投資者解說。

到底今次《心房治療師》說甚麼？據Norris提供的創作大綱，會對故事有初步理解：身處香港及其他人口密度的亞洲城市裏，居住問題從來都是市民最關心的問題，畢竟居住環境怎樣，會直接影響自身生理和心理健康。在今次故事裏，透過任職特殊職業「心房治療師」的主角，將具備本土特色的風水玄學現代化，配合輕奇幻的背景設定及寫實人物，帶出引發共鳴溫情故事，並將台灣及香港兩地各有特色的房子向觀眾呈現。他們亦強調，新劇將貫切前作《瑪嘉烈與大衛系列－綠豆》及《歎息橋》的製作風格，再一次以創新破格的手法，創造前所未見華語劇。
_
今屆「金馬創投」的劇集項目，總共收到過百份計劃書，除了上述兩套香港劇作外，另外9部都是台灣出品，囊括奇幻、愛情、喜劇、驚悚、犯罪、動作、科幻、冒險、家庭等各種類型，包括《我們與惡的距離》導演林君陽與林文龍合導的《29張當票》、《最後的詩句》導演曾英庭的《醫學系在幹嘛》、《血觀音》監製劉蔚然製作的《刑警教父》、《疑霧公堂》監製陳思宇帶領的《冥核》；金馬獎最佳動畫短片得主王登鈺與金鐘編劇詹傑攜手的動畫劇集《秘密耳語》。而電影《紅衣小女孩》和《目擊者》導演程偉豪，將與金馬獎最佳改編劇本得主傅凱羚合作《詐欺先生》；《翻牆的記憶》姜瑞智與金鐘編劇吳洛纓合作《我願意》；《你的孩子不是你的孩子》導演陳慧翎的《祝妳幸福》、前年橫掃金鐘獎的《花甲男孩轉大人》，導演李青蓉將有新作《我的意外女兒》；《我的蛋男情人》導演傅天余的《濕身》，《切小金家的旅館》導演林冠慧的《魑魅魍魎》。

今屆「金馬創投」將於11月16日至11月18日於台北舉行，得獎名單11月18日在閉幕典禮公布。

圖片來源：導演二五Instagram

【《歎息橋》系列報道 】
＊《講畀大東廳》第六集 ─ 專訪林保怡、周家怡：https://bit.ly/2X2pNMV
＊《講畀大東廳》第六集（YouTube版本）：https://bit.ly/3erpPUv
＊《歎息橋》 ─ 一場沒有多少人願意嘗試的港劇冒險：https://bit.ly/3effBGu
＊《歎息橋》伍詠薇趕走潘燦良一幕有出處？：https://bit.ly/2LF3R3Y
＊點解《歎息橋》叫愛情懸疑劇？
https://bit.ly/2yxyDs9
＊第二集導讀 ─ 黃定謙太入戲「驚到喊」：https://bit.ly/35W9FiM
＊第四集導讀 ─ 若要人似我，除非兩個我：https://bit.ly/2T63R0N
＊第六集導讀 ─ 全劇最重要的角色鍾家俊：https://bit.ly/2X3giM6
＊第八集導讀 ─ 何樂兒終於知道自己是蠢材：
https://bit.ly/2Xj7gKW
＊不敢踐踏草地拾回自己皮鞋的苗嘉嘉：https://bit.ly/2Ty9ANk
＊第十四集導讀 ─ 情感殘障青年李子勇：
https://bit.ly/3dd5To7

（23092020）

Norris Wong 黃綺琳 Fatballslim 25 金馬影展 TGHFF

#游大東影視筆記 #游大東 #歎息橋 #金馬創投 #台灣 #林保怡 #黃綺琳 #fatball #港劇 #心房治療師 #yautaitung #那夜凌晨我坐上了旺角開往大埔的紅van #陳果

［殘年急景］2019年回顧前的回顧，工作篇

1. 睇返舊文，居然係冇寫過2018回顧。I mean，在medium上冇寫，FB Page冇寫，即係同冇存在過冇乜分別。雖然我在個人FB係有寫的，抄呀 Yickhong Lam 個形式，一個月四張相，每個月回顧。今年都會繼續佢呢個形式貼自己FB，但同時間我亦回歸舊方法，唔依時序咁寫篇，就係神機測字咁，諗到乜就寫乜。

2. 當然以往經歷，發現，其實都係冇乜好寫。特別係人老咗，而我又冇小朋友。有小朋友嘅可以寫下，嘩，佢識屙屎啦，嘩，佢識叫老母啦，嘩，佢搞大女同學個肚呀，包你成日有嘢寫。

3. 年少呢？考試又可以年年寫。而家唔通我寫阿丕嫂幾分？WFC？年少呢，考會考又可以寫，A Level又可以寫，大學畢業又可以寫，轉工又可以寫。係，而家我轉工都可以寫，但的確人老咗轉工頻率低咗的，簡單經濟定律者

4. 仲有，年少，換女又可以寫。咁當然年老換女都可以寫，但我冇嘛。同埋即係，咪話我睇死你，你係年老換女嘅，你都唔敢寫啦。我敢架！我冇之嘛！

5. 咁，咪話，人大咗，咪紅白事多咯。但又，我呢個年紀，朋友又多數結晒婚喎，但又未死。雙親都健在，所以都係冇乜好寫。

6. 我亦唔似啲中二病小朋友咁，將啲細細嘅事寫到驚天地泣鬼神可歌可泣搜神記咁。

7. 剩返仲有乜？咪轉工，去旅行，財富，健康，屋企人，之類。一年睇咗幾多套戲，去咗幾多次日本，食咗幾多粒星，咁咯。都係你股票價格怎麼，你炒過芥菜幾棵嘅天花亂墜（http://bit.ly/2P33S6c），仲有乜？去片。
________________________________________
8. 首先係工作，今年係大改變嘅。上年（2018）九月我半裸辭離開咗星展，事後諗返都其實係必然結局，畢竟我嘅花紅係零雞蛋一隻。呢個唔係侮唔侮辱嘅問題，你畀夠錢你可以盡情侮辱我的。就真係期望管理嘅問題。我當初肯去，中途肯搏（都有搏過下架），就當然唔係price in 零花紅條數啦，中途亦冇人同我提過呢樣嘢。咁既然係零花紅，就唔同你咁落力啦，冇花紅就唔包呢啲服務，只係包我朝九晚六架咋。仲同你年初二返工留夜？卒之hea做到八月我就裸辭（其實係半裸）。留意仲係講緊2018

9. 以上種種，在我舊作，辭職記第四部有提過　（http://bit.ly/2RyeolE）

10. 講過係半裸辭，因為當時有搞start up的朋友請我。人工少一大截，但工作量一樣少一大截，fair enough．又咁啱另一朋友又有另一檔文青嘢搵我幫手，人工就濕星，但做嘅嘢都濕星，也是fair enough。

11. 2018年10月我就開始做呢兩檔嘢，一路去到2019年3月。發生咩事？舊老細call我出山。唔係對我影響最大，我視佢亦師亦友亦父咁滯嘅老馮（老馮種種，舊文有提）（http://bit.ly/2ZhNG1n），但始終舊文（同一篇）寫過，舊老細搵你過檔，證明你都唔係十分非常差，可以自滿一下。

12. 於是乎，我就義無反顧咁，脫離我半年嘅start up文青生涯，又再返到去萬惡嘅金融界，又再返返去中（？）環。都真係義無反顧的，人工不錯，壓力不算太大，露畸唇OK，又有房坐，跟返舊老細。仲要同返舊嘅下屬合作。What can you ask for more?

13. 少少可惜嘅係另一以前得力下屬，我決定加入時佢就走。希望唔係因為我去佢走，係喎，佢兩個都齊齊去我舊老細嘅公司，早過我添，嚟嚟去去都係嗰班人，馬房嘛，識人好過識字。我當然有啲婉惜，有想留佢（咁梗係$啦，唔通講心咩）。但正如當年老馮搵我回巢我婉拒。雖然以前跟住佢係好舒服的，啲麻煩政治嘢佢擋晒，但我都係寧願出去做小頭目，因為鄧不利多嘛，舊文寫過（http://bit.ly/2RuYicf），覺得不能永遠活在佢陰影之下，要自己楝支旗出嚟，直接去食嗰啲麻煩政治嘢。咁我嘅得力下屬都半行上呢條路（雖然佢唔係做小頭目），都明嘅。人各有志，不出惡言。

14. 加入呢間公司大半年，好難話完美，但根本就冇完美。我只能講句我絶對滿意，冇乜好投訴，佢冇虧待我。當然同以前星展年代，真係出個報告就幾十人打嚟問，call 個press con就幾十間報紙嚟，兩回事。但舊文講過了，我由耆英去到台灣佬，就係唔習慣。以前耆英唔勁但有人識，太古廣場三期，廁所乾凈到可以訓覺（我試過），出入都靚女，拎張卡片出嚟都有人識。後來東盛，灣仔中國海外大廈，廁所就恐倫布，樓下啲阿姐一樣，拎張卡片出嚟仲要解釋係乜東東。嗰時咪因為呢種心態去咗星展。舊文有講過。（http://bit.ly/2GEyyUG）

15. 然後呢？見山是山，見水是水，望盡天涯路了。講威？星展夠威啦掛，真係出報告第二日上晒報紙，press con 人人嚟聽你鳩up，仲做到我由細到大夢想嘅嘢

16. 登登登凳，係乜？就係轉工上報紙！嘩哈（http://bit.ly/2P2LQiz）

17. 我得承認，係十分幼稚嘅一樣嘢，但我甚至將呢段新聞，發返畀啲陳年冇聯絡嘅舊情人。用意好明顯，「我而家巴撚閉啦，你後悔啦」。幸好我啲舊情人都好厚道，除咗恭喜我，一般都係唔回我，仲有個話「餵緊奶，遲下傾」。係咪另類嘅反擊，話畀我舖，佢更加巴撚閉？冇人叫我「呀大佬你唔好咁幼稚啦」，應該因為明白「愛的反面不是恨而是漠不關心」。

18. 但，成件事最幼稚在，轉工上報紙，「其實唔難」。主要係天時地利人和，你同記者熟，咁啱嗰期又冇新聞，咪有機會。我細細個睇鬼報，見人地啲appointment，嘩，做乜呀邊個轉咗去邊會見報咁威嘅？雖然我唔係鬼報，但都可以十分自豪地同老豆講，嘩哈，那天我會，含淚說聲，我做到　（http://bit.ly/2P6G9lA）

19. 而對上一次，我諗起李克勤嘅呢句「那天我會，含淚說聲，我做到」，就係唔記得幾多年前（未結婚啦下），有次在九龍站Ritz Carlton（少年唔知以前在港島呀可？）爆房，自覺已經超越咗風流成性但周身冇蚊嘅老豆（http://bit.ly/2RweD0r），好想影返張相，問下佢，「你成日講你後生時幾咁多女，咁你爆過Ritz Carlton未？」，可惜我唔係同佢住，「否則可以掟條女個胸圍上佢塊面」

（唔知出處嘅，呢度（http://bit.ly/2sXPaCU）。謝霆鋒真係型，好撚型，好撚好撚型。趕時間嘅2:30分開始睇）

20. 講咗咁多，都係嗰句，見山是山，見水是水。做過星展，喂，東南亞最大市值企業喎，真係算一線尾。又如何？係呀巴閉呀廁所靚（其實唔靚）開press con幾廿人嚟人人識你，又如何？係呀去到新加坡淡馬錫都畀面見你呀。但撫心自問，係咪開心？唔係。

21. 我諗，我嘅職場生涯，so far，可能同啲女仔嘅心路歷程差不多。最初教書，誤打誤撞，胡裏胡塗就初夜畀咗個MK仔，但人地冇迫你，我都係快樂的。後來偶爾去咗金融界，去到蕉行，先知道世界唔止MK仔。跳得下草裙舞後，喂，原來咁都得架喎，原來自己都有啲吸引力喎，原來之前自己太冇自信。於是去到耆英，開始囂啦，開始老撚奉，我十八廿二青春無敵副架生咁正（加上雷曼爆煲前十分好景），你畀面色我睇？最後咪畀人中出即飛，豉椒炒魷。

22. 跌倒過後，仍要生存，搵過頭住家。其實唔差，「之後，我以為我已經接受了，尤其是遇到你，我以為我可以做一個踏踏實實，平平凡凡的快樂人。我跟自己說，眼前的東西已經是上天再給我的恩賜，是我再一次的機會學會珍惜。」（http://bit.ly/2YqV7E4）

23. 對，離開耆英後，其實新東家也不錯，冇乜壓力，但我總係諗住以前嘅榮華富貴聲色犬馬，總係想去返嗰個世界。「事實是我不甘心，我也不能夠忘記，我不能夠無聲無息踏入黑夜。於是，玉蓮，我走了，去找回我上半生失去的東西」。結果真係有機會。但去到之後，發現自己都唔再係十年前嘅自己。況且，呢啲浮華，仲係咪我想要嘅嘢？又或者，我係咪要佢畀我我先搵到？（呢句嗒真啲啦，送畀讀者的，記住支持埃汾）

24. 於是乎，見山是山，洗盡元華（元秋都洗埋），去到而家咁。其實真係滿足的。我都唔係十年前嘅我，仲有人肯埋我張單，不介意我以往亂七八糟嘅過去（話說回頭，我歷年辭職都算愉快的，唔信你問返歷年老細），仲肯畀頭好住家我，what can i ask for more？

25. 所以今年呢，我係滿意嘅。至少在工作上．因為最重要係，唔敢講每一日，但一般嚟講，我都搵到，最難搵嘅嘢：「心中嘅平靜」（http://bit.ly/2PdYRYm）。你搵唔搵到？定係要靠吸毒先搵到？靠畀錢先搵到？

26. 而你見我寫一大篇講工作，不能否認，工作似乎都仲係最重要嘅嘢。留意，呢個「工作重要定乜乜重要」之類嘅問題，唔係咁易答的。甚至根本冇可比性。除非迫到埋身咯。結果迫到埋身寫文，我第一樣就寫工作，仲寫咗一大篇。其他嘢夾埋都未必寫到咁大篇

27. 因為工作就帶來$嘛，有錢就解決到好多好多嘅問題。就係咁簡單。你畀我中幾千萬六合彩？我即時啤件小熊都仲得。

28. 我一直認為，冇年少輕狂嘅年代（其實而家可能都輕狂，不過唔年少），就冇今日嘅我。我其中一個核心信念就係，been there, no thanks。你唔使好波過美斯先可以批評佢，但，我認為你玩得贏個制度，做到學霸（又嚟了），就可以講，都係不外如是，其實唔難。你真係有過好多女，你就可以講，「其實都係好煩」。否則只會淪為「我選擇唔泡李佳芯」嘅笑話。太監話性生活傷身咁咯。

私隱：誰管、點管、有乜資源管？

最近有兩單大嘢：國泰資料外洩、環聯出現保安漏洞。我起了條題，問三個問題，並嘗試找答案。

誰監管私隱？

答案本應明顯 — 香港個人資料專員公署（公署）。但有意見認為環聯事件「金管局責無旁貸」，我不想爭辯，不如看看環境證供。

私隱專員根據《私隱條例》第12條發出「個人信貸資料實務守則」，裏面有獨立章節講「信貸資料機構為資料保安及系統完整性所採取的措施」，並指明「信貸資料機構須自費聘用由專員核准（或專員選擇由其委任）的獨立循規審核人進行定期循規審核」，而且「每次進行循規審核開始後三個月內向專員呈交審核報告，供其考慮及/或評論」。環聯作為信貸資料機構，好明顯係完完全全受公署監管。

如果唔係環聯，而係其他被監管機構（例如銀行/證券行），咁又邊個管？有賊打劫銀行，斷估你會覺得應該搵差人，由警方建議銀行如何做好防盜。但點解私隱外洩就覺得關金記事？因為有個「重疊位」 — 數據安全。不同監管機構對數據安全各有要求，目的都是履行各自的法定責任。例如金記要確保銀行體系穩健和存戶保障等等，而公署則是保障私隱。兩者要求可能近似但未必完全相同，而銀行就要同時滿足兩者要求。所以要分清楚權責範圍，當牽涉到私隱問題，合規與否及如何改正是公署的權責範圍。如果銀行蠢到唔聽公署話，金記從企業管治角度已可出手，但這是後話。

公署點管？有無資源管？

嘗試從公署的年報找答案，裏面有case studies，值得睇，學到嘢。但有三個驚起（驚到彈起）位。

第一個驚起位是人手和資源。原來公署只有75人，涵蓋傳訊及教育、投訴、合規及查詢、企業支援、法律、和政策及研究六個部門，而且一年開支只有八千幾萬 （證監開支係佢20倍，17億幾）。以咁嘅人手資源，一年可以處理到萬六宗查詢、千六宗投訴、273個循規審查及調查行動，仲有時間做68次傳媒訪問，真係堅過梁栢堅！但大話怕計數，inputs（資源 x 方法） = outputs（質 x 量）。雖然我深信公署職員必盡力工作，但75人要完成咁嘅量，除非「方法」好特別，「質」難免有所犧牲。

講到「方法」就發現第二個驚起位，公署在「執法」和「監察及監管符規」兩項工作的策略都有這句：「夥拍其他規管者，憑藉他們的法定權力、制度和執法權力，履行公署的責任」。我對此策略感到很奇怪，公署怎能把法定責任外判給其他規管者？其他規管者知唔知、有無同意？公署與其他規管者有無合作備忘錄說明如何分工？《私隱條例》有無賦予公署足夠權力履行責任，點解要借他人之力？ 這策略會否導致受規管機構與不受規管機構出現雙重標準（因後者無得借力）？對於這些問題，希望公署能多說明，讓公眾理解。

第三個驚起位是有關Facebook的調查，年報提及「Facebook HK 並不控制香港帳戶資料的收集、持有、處理或使用，所以不能被視為《私隱條例》下的「資料使用者」; 雖然Facebook Ireland是香港帳戶的「資料使用者」，但沒有香港帳戶向公署表示受影響，故《私隱條例》 相關規管條文未能適用於是次事件。」這結論可能建基法律觀點，但從風險管理角度看就不太合理。要預防風險，公署不應只看結果，還要看有關安排，在最壞情況下可導致什麼惡果。另一個是操作問題：如真有香港帳戶表示受影響，公署究竟有無辦法搞得掂負責人員不在香港的 Facebook Ireland？
我非常尊敬及同情公署，管私隱即是管晒全世界所有可能有港人個人資料嘅機構，單是擁有大量個人資料的機構如金融機構、航空公司、旅行社、電訊公司、超市、藥房等等都唔知有幾多間！得咁少資源，除了扮管同埋屈其他監管機構幫手，仲有什麼辦法？希望公署能想清楚應該點管，要幾多資源管，然後積極向政府爭取。

鄭發
歡迎轉載，請註明出處 #貼地風管

時常想像七老八十那些年，日子是怎樣過。會如這清晨行人道上，衣衫襤褸的老漢；抑或如斑馬線上，推着紙皮車過馬路的老婦？或許運氣好一些，可如被一個年輕小伙子攙扶着步進茶樓的婆婆；又或如眼前正步出茶樓門口，恩愛的老夫婦。這對老夫婦沒有手牽手，老爺爺姍姍地走在前頭，老婆婆則緊隨在後，婆婆雖然落後，但從步履間可見她的腳力較好，然而，她選擇默默地守護在老伴身後。追隨二人的身影，終於來到一座米色建築物前，抬頭一看，是九龍城街市。

二人有默契地沿着電梯直上二樓，轉彎來到一個檔口前，不少迎面而來的途人都親切地打着招呼。如果是九龍城的老街坊，必定認識老爺爺，他有一個稱號——「蛋王」，人人喚他「錦叔」；老婆婆就是「錦嫂」。二人如此相依，說是愛情故事，倒不如說是一份情義，就如悉心孵化出的雞蛋，破殼時傾湧而出。


行行出狀元
這是多麼恆常的一天。夫婦二人七時正就會到附近茶樓飲茶，八時正回到檔口準備開檔功夫。檔口由數個鋪位連成，燈一亮，上方掛着「錦記蛋莊」的老舊招牌醒目起來。錦嫂先將最外圍的乾貨填滿，先是米油鹽糖這些日用品，整齊堆疊於層架內。然後是上方的香料及豆類，以透明小袋包裹着，香料有丁香﹑桂皮﹑花椒﹑草果等；豆類則有西米﹑薏米﹑花面豆﹑鷹嘴豆等，種類繁多，但都有條理地分門別類，寫好標籤價錢掛好。拐個小彎，上方掛的是較為值錢的山珍海味，有花膠﹑海帶﹑沙爆魚肚等，接着，她又走到中央的雪櫃前，將蓋面的布打開，裏頭有螺頭﹑蠔豉﹑生曬蝦乾﹑鮑魚等。更珍貴的，他們有三十年的老陳皮賣，而且價錢相宜，多是識貨之人才懂門路。檔口幾乎整理好了，此時，方見錦叔緩緩地把一盤盤的雞蛋推出來。雞蛋，當然是小店的鎮店之寶。所謂行行出狀元，錦叔亦因為對雞蛋相當有研究，而有了「蛋王」的稱號。


現時，檔口只賣三款雞蛋。第一款是內地的湖北蛋。優點是體積較大，蛋黃帶甜。缺點則是運送時間較長，而且內地運送期間的保存較惡劣，導致質素參差；第二款是歐洲蛋，西班牙出產，算是歐洲當中最便宜的雞蛋，蛋殼色澤偏深，體積較小，但勝在運送時，用貨櫃雪藏運來，所以較少壞蛋出現。雖然雪藏過的雞蛋味道比較遜色，但西班牙蛋蛋殼較厚，所以保存得較好，仍能保留蛋味；第三款則是香港蛋，元朗出產，他表示香港蛋不是任何地方可以買到，坊間不少都是騙人，用大陸蛋假裝，就連錦叔都被人告過兩次，指其賣假蛋，現在網絡都仍然在流傳，他有點勞氣地拿出一張證書，上面標明了雞蛋的出處：「你睇吓呢張證書，你話邊有得假呢？」如此多人掛羊頭賣狗肉，此蛋必定是好蛋。他解釋本地的雞場，現在只餵飼粟米，不會餵飼廚餘，所以煮出來的雞蛋較香較滑，而且較安全，只是價錢貴一點，賣三元一隻。

然則，如何分辨雞蛋的好與壞？錦叔托托眼鏡，得意地道：「我好多嘢都知，已經達到神化，一睇隻蛋表面就知好唔好。」至於門外漢，則要先從「買」入手。一般方法就是照燈，照燈能看到蛋黃有沒有黏殼及散黃，因為黏殼就會有細菌，變成黑色，所以雞蛋在燈光下要晶瑩剔透；此外，有部分商家為了賺錢，會照樣出售受精蛋，受精蛋煮熟後會呈一半水，一半實肉狀態，不能進食。故此照燈時要留意蛋黃有沒有紅筋，有紅線的話就是受精蛋。再來就是聽聲，拿起雞蛋輕晃，如果有「噗噗」聲，就叫響殼，代表雞蛋暗藏裂縫。煮雞蛋時，主要看打出來的蛋黃是否好看完整，以及蛋白是否清澈夠膠，他舉例指，現時泰國蛋的質素很差，因為那邊天氣較熱，雞喝水比較多，蛋液就會較稀，一旦壞了甚至會變水。

此外，很多人關心蛋黃是否偏紅，以為偏紅代表靚蛋，但原來蛋黃偏紅是人工造成，因為加了蕃紅粉，他謂：「最初嘅蛋全部都係白蛋黃，後來有人教佢哋養雞時用紅粉餵雞，蛋黃就變成紅色啦。」故此，靚蛋與否，跟蛋黃是否偏紅無關。他強調，買回家的雞蛋不要放在雪櫃門，因為一開一關﹑一冷一熱就會令雞蛋變壞，保存得當的話，雞蛋放在雪櫃一個月也沒有問題。放好了最後一盤雞蛋，已經將近九時，小店正式營業。

情義我心知
開檔後，錦叔反倒清閒，老人家都愛講舊陣時，難得有人當聽筒，他便滔滔說起。
錦記在一九五五年至五六年開業，至今已經七十年，養了錦叔一輩子。他猶記得自己仍是小伙子時，就已經跟着母親穿梭於街市間。媽媽在日軍攻打香港前是當小販的，當時窮苦人家有臘味就賣臘味，過年就賣糖果餅乾，他讀書時已經幫忙擔雞蛋出來賣，每晚都做到凌晨兩三點，幾兄弟姊妹從小做到大都是這樣做。然而，大哥卻爛賭成性，欠下了一屁股債，家人把家當都拿來填數，當時仍在讀中學的錦叔，沒有錢買貨到街市上賣，於是就去找一些相熟的買手求助：「佢哋聽完就話得啦，我幫你，我畀雞蛋你賣，冇錢找數我哋幫你承擔！嗰個年代啲人好講義氣。」做習慣了就繼續做，於是，他開始了全職賣雞蛋的生涯。先是在九龍城的臨時街市租個小位置擺賣，黃大仙的居民﹑九龍城寨的人都跑來買雞蛋，當時生意最好，而且周圍都有雞蛋檔，很多人見沒甚麼好賣就賣雞蛋。後來新街市落成，他就搬入現時的鋪位，上街市至今剛好三十一年。

賣雞蛋看似簡單，但其實很多問題要面對。一來，因為需要存貨空間，要有很大地方才做到，租金及人工卻愈來愈貴；二來，買賣雞蛋風險高，譬如入貨十箱雞蛋，當中可能有一箱是壞蛋，供應商不會退貨或退款，虧款要自己承擔，加上現時的人要求高，人人都知道衛生二字，不同以前隨便有得吃就好，爛了的雞蛋都有人買，他笑言：「有人食臭蛋架！仲叫我唔好掉留畀佢，真㗎！其實炒熟食冇事，反而更易消化。」；三來，雜費重了，放雞蛋的紙卡，現在要三毫子一個；至於最艱難的，就是沒有來貨，以前大陸沒有貨來的話，香港就沒有雞蛋賣，所以要靠賣家的眼光，錦叔自豪地表示，自己確是比人勝一籌，他去買貨時，其他買手都會找上他，問今日環境如何，倘若看時勢不太好，就要多入貨。如此愈做愈難，他也唏噓表示這一行站不住腳，多數行家都做不住而倒閉了。至於他可以屹立至今的原因，就是信譽。就如有禽流感時，蛋檔理應第一個遭殃，其他檔口都做不住，他反而生意更好：「人哋話我賣好貨，相信我，靠唔靠得住，有人知道嘅。」成功之人，在於願意扶持別人。

錦叔於街市有他的江湖地位，因為他是一個相當重情的人。他直言，太好生意他也不想，不能佔盡街市的所有客人，寧願自己虧一點，讓人家也賺一點，他豪氣地說：「原本賣菜唔可以賣雞蛋，應該屬於樓上乾貨區，但人哋都係搵食啫，我冇理由倒人哋米啊？冇咁自私嘅，我咪扮睇唔到囉！我就係咁樣做人。」或許早已接受只有辛苦，沒有發達的事實，對於錢財，他不是太緊張，但求賺夠養活兒女，一家平安就好了。

他一輩子，這是這樣為家庭﹑為別人。想起自己最困難的時候，就是要背起整頭家。這就由認識錦嫂開始。二人未結婚時，錦嫂在旁邊的菜檔賣菜，二人如此認識而相戀到結婚。當時女方的父母相繼離世，留下兩個弟妹要她照顧，錦叔於是也擔起她的家，供養他的弟妹，更拚命地工作，早上六時起床，一直做到凌晨五時回家睡一會，又回來工作。回想起來，他不禁嘆聲辛苦，需要很大的能力才做到：「而家唔得啦，八十九歲啦！」只是，凡事有借就有還，舊債他扛起了，於是得了肺癌，電療了十次，氣喘﹑精神沒有年輕時好。他說，是因果。他不是相信鬼神，而是信人緣，所以除了日捱夜捱外，也忙於交際應酬，畢竟做街市生意，人家不打擾你，除非當你是兄弟。應酬多，街市佬煙酒不斷，老來還是要承擔其果。他調侃現時還能走路，不用柺杖已經很好。只是，捨不得退休。做慣了捨不得熟客，多年感情，大家又常常聊天過日辰，令他覺得還有一點生存活力，不做了會寂寞。然而，四個兒女都不肯接手，他開口：「能夠做幾多就做幾多啦，應該仲做多一兩年啦，九十一二歲已經頂盡啦，冇啦，等死咋嘛。」

說起死亡，他也不畏懼，他說，人都規定了一個時期，一雞死一雞鳴，這屬必然。那時候，他也就功成身退。

採訪：黃寶琳
攝影：胡浩賢

錦記蛋莊
地址：九龍城衙前圍道100號市政大廈1259號鋪
電話﹕2382 2637
營業時間：星期一至五7:30am-7:30pm