【英國佬留低啲乜比啲舊殖民地】
英國人曾經侵略世界上九成地方，衰之餘放低咗乜？
維多利亞女皇時代嘅英國領土，係世界歷史以黎最大嘅皇國。而事實上，英國响歷史上，又侵略過世界上九成嘅國家。嗱，唔好屈我戀殖．我唔係講香港！因為英國佬留低嘅，好嘅衰嘅香港都無晒。我只係想大家討論下英國嘅侵略，對世界深遠嘅影響。要明白歷史上，大型侵略之後而對後世有影響嘅國家係唔多嘅。
一講英國侵略世界嘅歷史，大部份人都會聯想到黑奴販賣，鴉片，茶葉稅，高壓殖民等等比人講到今日嘅衰嘢。不過同時間就係因為要方便行使殖民管治，英國又強迫嗰啲殖民地推行好多英式嘅制度同英語。唔知係習慣還是好用，好多脫離咗殖民嘅國家依然原用。
就係講英語，佢未必係全世界最好嘅語文。但係就就因為英國人四周圍殖民，就令到世界上除西班牙語外另一個國際通用語言。大家可以唔鐘意嘅，但係又唔可以否認係一個現實（通用同多人用係唔同嘅）。從前經濟強大嘅日本同今天嘅中國都好想日文同中文世界通行，不過最叻都係可以去到告示牌嘅地步。
咁對好多國家同地區影響最深嘅，當然係普通法同法治精神啦。美國、加拿大、澳洲厘啲自行發展附合自己需要嘅國家都唔洗講。就算好多「當家作主」獨立咗嘅國家，無論點失敗同扭曲依然扮都要扮到係用緊厘個法制同原則。
重有政府行政結構，甚至金融系統同普世價值觀厘啲咁細微嘅都無謂講。其實諗下諗下，英國人當年侵略嘅錯的確係對現代的確有深遠嘅影響。我講嘅係世界，唔鐘意可以去問美國，加拿大，澳洲，新加玻，馬來西亞，印度人，英語，普通法，法治同行政係唔係受當年英國殖民影響！
記住我一定唔係講緊香港，因為依家連香港連「當家作主」都談唔上（係被人作主）。而且普通法，法治精神，行政結構，甚至英語，有邊樣關依家嘅香港事？
Photo: The Telegraph
#戀乜嘢殖呢
#係事實黎嘅
#對世界影響
#並非講香港
#香港無影響
#因為有一國
