搖滾悲情童話中的迷糊情慾對象
畢列谷巴首次執導，就已經盡顯其絕頂聰明。
首先，電影主題選取，係講述跟搖滾明星談戀愛。喂話明rock star，生活雜亂無章、性格衝動狂妄、煙酒毒撈埋一舊，就梗㗎啦。同佢拍拖，過程都係離唔開終日party，日日搞嘢，搞完仲要嘆酒店room service；無拘無束放浪嘅歲月，加上刻意玩夢幻幕幕有驚喜嘅燈光設計(留意本文組圖)，又點會唔浪漫，點會唔愛得要死呢。
況且Lady Gaga揀得同搖滾明星一齊，就預咗來互相傷害吧，狠狠咁愛過轟烈，愛死罷就。私人飛機飛來飛去車來車去，抱起就咀，day day出入靚屋靚酒店，兩口子瘋狂食玩砌(音樂呀)嘅畫面，邊個唔鍾意睇呢。
另外，畢列谷巴處理以歌說故事方面出奇地高明。Lady Gaga用歌聲演戲，時而靦腆欠缺自信，時而出賣自我，到最後獨當一面；只要你俾支咪佢，Gaga就自動上身，交出優質靚貨。加上歌曲旋律歌詞配合故事流程，將電影分段刻劃出層次分明，性格獨特嘅色彩同氣氛。
"to sing, to communicate, to have a conversation" -Lady Gaga談及以歌演戲。
電影以酒癮毒癮作為悲劇嘅中心。畢列谷巴全程迷糊情慾對象，搞極都搞佢唔掂，成為主線愛情故事嘅最大障礙。但係，我地可以怪佢咩?你冇上癮咩?戲中Lady Gaga上咗出人頭地嘅癮，一樣越走越疏遠。你同我夠有手機癮啦，一樣傷身。標籤遊戲從來都係強勢標籤弱勢，酒癮毒癮受千夫所指，破壞婚姻天理不容。但係其實染上金錢權力癮，先至最邪惡，最扭曲人性。
整體嚟講，星夢情深愛得轟列充滿狠勁，啲歌動聽又有意思，男女主角養眼有戲味，鬼哥俾81分。
今次cap預告片圖，一齊欣賞下燈光點樣刻劃呢部搖滾悲情童話嘅夢幻質感。
#星夢情深 #畢列谷巴 #BradleyCooper #LadyGaga #aStarIsBorn
戀愛預告歌詞意思 在 陳百強Danny Chan -《戀愛預告》Official Audio｜深愛著你 ... 的推薦與評價
... 天空每朵白雲滿寫醉人曲譜夜空星星向月兒說甜蜜是這 戀愛預告 愛情常向窗邊低訴恨他不知道但願今夕在情人夢裡寫下癡心記號窗外天空每朵白雲滿寫... ... <看更多>