十年前有個人叫施幸余
佢威到短池比賽可以游乜破乜（當然背蛙除外）
長池50蝶可以零點零幾咁破香港紀錄
28.88, 28.55, 28.50, 28.49, 28.48, 28.45, 28.35, 28.28 ......等
獎金拎到笑（無錯那個是破香港紀錄有獎金的年代，謝謝教練會）
為香港去比賽之餘，仲巴閉到代表埋香港做嗰一個上北京拎全運會火種，又做埋全運會開幕禮持旗手（溫馨提示：唔係奧運呀，嗰個係師姐蔡曉慧。因為好多人都以為係我所以要強調一下）
全部都係可遇不可求既機會……雖然嗰陣已經17歲，但其實都仲係傻下傻下
你當我係曬命，但重點係
我要多謝我父母，自細就教我唔好驕傲，就算做咗香港第一，都一直幫我定更高既目標，等我繼續虛心學習，唔好囂。
可能有時會令佢地失望，因為我估我應該有寸過一排（可能其實而家都好寸但我唔知），但就算到而家，最少我無因為太寸而輸唔起，沒有在需要堅持的時候選擇放棄。可以在父母和大家的支持下繼續無悔地追夢，游到27歲都仲話要搏去奧運，應該係香港游泳史上第一人。
若我字典中，「堅持」是排第二，那麼「感恩」就是排第一。我相信沒有宗教信仰的人亦應懂得感恩，心存感恩之心，難關之門自會隨心境而打開。
謝謝所有幫過我，給我機會的人！
#仲要多謝傑仔當年好俾心機整呢個網 #嗰陣要搵成績一定係上hkswim #其實諗諗下200自1分55又真係幾快 #如果前後計我推前咗個紀錄7秒 #我仲未夠感恩所以200自既心理關口仲未肯開 #隊友們還記得真情流露嗎 #PleaseHelpMeToBeABetterPerson
