#讀者來函
你好啊，第一次msg 你。一路有睇開你個page 都知道你2+轉左想提供一個平台俾大家。所以有啲意見想睇下你可唔可以幫手spread.
我普通人一個，係社會打滾一段時間，但係我唔係好入流嘅香港人。我無連登acc，平時都係睇人轉。所以平時有咩想法都spread 唔開去，都係同fd傾。
最近香港市民發起夜晚10-11點呢段時間實行「口號接龍」，係窗邊大叫口號，隔空接龍。想為香港打氣，團結社區。其實香港人一向夜訓，一個鐘口號無傷大雅。但係我覺得效能唔高。
因為來來去去都係叫「光復香港，時代革命」「香港人加油」。老實講，啲阿公阿婆，淺藍叔伯師奶，點鬼知你講咩，咁vague。。。 同一陣線嘅唔使叫呢啲都心照。所以我覺得呢個自發活動應該發揮更大拉攏力量效果。就好似四面楚歌咁，唱到心入面，動搖脆弱無point 嘅藍色立場。
改叫各種罪行，新聞標題等，煽情感人語句。等師奶公公婆婆，阿爸阿媽叔伯兄弟唔用腦都聽得明。「黑警毆打無辜市民」「警察行私刑」「打人走佬唔執法」 「警察非禮我個女」「知法犯法 罪大惡極」「天子犯法 與民同罪」等等比我亂吹得更好嘅口號。念經咁，潛移默化，瓦解佢地。爭取更多支持同理解。
如果唔係，下下「革命、革命」反而本末倒置，令人誤會甚至有位入。本來唔出聲由你嘅沈默港豬聽得多反而覺得煩，仲call 狗入村咬你。社運都要搞公共關係，好似賣廣告咁，唔係作假，起碼唔好自己做壞自己形象。
我地唔係要造反，我地係要平反。係鬼都知去到邊個國家都要俾人管，但係我地要嘅係維護法律體制、社會公義、基本人權，就係咁簡單。藍絲日日指住我地話港獨分子bla bla bla 真係會有催眠作用。兄弟們唔可以自己上當，衝出黎話「係啊 點啊」咁就PK啦。中計返唔到轉頭。
以上係我愚見，如果人妻覺得合理可行，請考慮下幫忙share。 如果有問題，我都樂意聽下你意見。 💪🏻
————
人妻先生的回應：
的確，尋晚我呀媽都問我「咩叫時代革命」？佢聽人嗌得多，佢都有跟著嗌，但佢始終不明白什麼是時代革命。
我們談到川普的成功，其中一個原因係佢用好低B嘅英文，咩「bigly」都講得出。你會笑佢係幼稚園英文，但事實係連文盲和低教育水平的人都會聽得明佢講咩，換句話說，佢就是來搶「文盲」票，而他的確很成功。
既然大家常說要民意、要爭取中間派的支持，我們在這一小時裡的口號，除了「光復香港、時代革命」之外，不如加入更多警察罪行的咆哮？
事實上，我個人挺喜歡這種咆哮。有時候就咁嗌下都好減壓，香港人在這段期間壓抑太大了，嗌下有個渠道宣洩情緒，也是好的。
#歡迎pm我發言
#當然無稿費
#我寫左成年都冇錢收
#邊度嘔到稿費俾你 🤣🤣🤣
