我病好啦～ 所以又黎寫文發癲啦（大概是「自從有了精神病後，整個人都更精神了」的既視感）
首先，要講明以交友為目標，如果係約企一晚就完全唔係以下的套路了。
Gel頭唔係重點，信我，我冇一張profile pic有gel頭，一樣好似東華籌款熱線咁忙碌。其實影相重點唔係個人樣，一張相你chok到癡線、gel晒頭著埋戰衣登台咁款，再加PS裝甲，其實太戰鬥格一樣會嚇跑人家，畢竟男女都好，無人會想同「太扮野」的人交朋友哦，所以裝扮整齊企理「做自己」就好。
你話重點唔係人樣？咁唔通係個背景呀？冇錯，背景才是重點！因為大家明白本尊點都會執一執先出鏡，所以初步合眼緣就可以，而背景往往才是真正在說你是誰哦！你想人家覺得你斯文，可以放咖啡店拍的照；想人家覺得你穩重，可以放工作時不帶有公司背景的照片；想走暖男路線，可以抱寵物合照（順道秀一下苦練多時的老鼠仔）或是家裡的照片；想走陽光路線，這個最簡單，做運動時的照片就是了！
有些照片通常要避免，例如大合照後把其他人裁掉、骯髒的鏡子自拍、替自己打格仔的照片（唔想出樣都出個側臉啦好嘛？）、正在吸煙時的照片，都應該要避免。留意返，有人食煙係食得好型，但通常呢啲人就算唔揸住枝煙，本身都好型，所以你都係死左條心罷啦。
最後，唔可以唔讚01的記者清純到一個點，其實最受歡迎的約會字眼「Fun」，並唔係解作「歡樂」，而係「魚水之歡」。例如早年陳冠 在美女IG留下「you seem like fun」意思應該唔係話佢望落好歡樂囉... 提提各位純情少男少女及純情記者，唔好亂咁喺自己profile寫Fun呢個字，不然好易被「騷擾」的。
最後的最後，提提大家如果識外國人，佢地嘅fit係冇肚腩就叫做fit，但香港人通常look for fit的意思，係起碼38寸胸肌加清晰可見的腹肌，請大家小心文化差異。
#香港競爭超級激烈
#大佬你冇腹肌就係fat
#想迫死誰了
#我幾慶幸結左婚唔駛再操gym
#埋街食井水
#結得快好世界
#話說呢啲apps真係好似見工咁
#咦原來我見工的功架係咁樣練返黎
#習得奇怪的技能了
#將戀愛這技能修完滿
#自然可以應用在其他地方
#問愛戀易學難精可否惡補
#識唱一齊唱
我幾慶幸結左婚唔駛再操gym 在 倫敦人妻先生手記- 我病好啦～ 所以又黎寫文發癲啦（大概是「自從有 ... 的推薦與評價
我幾慶幸結左婚唔駛再操gym #埋街食井水 #結得快好世界 #話說呢啲apps真係好似見工咁 #咦原來我見工的功架係咁樣練返黎 #習得奇怪的技能了 #將戀愛這技能修完滿 ... <看更多>