剛剛去一個朋友的家聚會，女主人很熱情，亦很大情大性，大家講了好多話題，其中一個令我有一點觸動，想分享一下。
女主人是婦產科的專業人士，亦是母親，佢有點激動（可能飲多咗+佢經歷過baby blues）同洛先生講我生完仔當時一定有baby blues（我冇同佢提過以前），論點係每個女人生完仔情緒會受影響，大概3年才會回復正常，加上我喺法國生，一定好掛住香港... 洛先生當然唔同意，反駁佢，理論係生仔唔係病，亦唔會有病，休息幾日返到屋企就可以如常生活... 這個話題，我沒有太多的参予，因為我覺得同一個覺得生仔冇乜嘢，剛生完的媽媽唔需要被特別照顧的男人討論，太浪費空氣，所以我由佢兩位bla bla bla bla...
回想當時生Mimi，我覺得我係有baby blues，情況有點差，我接近一年唔想同任何人有太多接觸，包括我所有親人和朋友，基本上平均一個月一次facetime或幾個message... 我冇自殺傾向，我相信原因係我覺得我唔使自殺，我都就快會死... 情緒穩定，但心情好差，沒有發任何牌氣，對任何無理取鬧都不還口，主要原因係我對任何事都冇興趣，而且身心都非常勞累（每日大概夾埋瞓4個鐘，要照顧newborn和做家務），我只知道我要照顧好Mimi，其他事我一概唔理... 這段回憶係我“死穴”，相關人仕最好唔好再提。我唔追究唔出聲，唔代表我冇咗件事，我受到傷害是一個不能挽回的事實，即使這兩母子已向我道歉，又如何？我只能給個笑講句it's ok。老實講，對我冇意思，亦補償不到我，我只求不要再犯我，我不追究第一次，第二次冒犯，我絕不客氣。
因為這個疫情，我多了反省人生，其中一件反省事就係有咩未試過又想試，其中一個答案係如果我有機會再生仔，我希望孕期住在香港，至少我父母會為我準備有益食物，我想去邊/食乜，我的朋友們一定會陪我；雖然是兩子之母，但我未試過坐月，我想試下長期唔洗頭和食豬腳薑等等的滋味... 想還想，但只係想，理性話畀我知，我唔應該再做媽媽，兩個就好夠...
人生可能真係要有啲遺憾先完整。我當年死唔去，令我體會到咩叫重要。唔重要的人和事，我唔會再花精神和時間，只聚焦在有意義的人和事。歷史不能改寫，是借鏡，未來在自己手，可以改寫，要向前看向前衝。會傷害自己的人，其實真的不值得花精神和時間去理會，給個微笑就好了🙂
放心，我沒有再被欺負，我這些年的努力和成果，已狠狠星了那些人好多巴，佢吔亦明白到我不還手，不是我軟弱無能，是我真的不放在眼內，不屑理會，每個微笑真的是發自我內心❤️
我賣的珍珠唔係有機的，真係唔好幫襯我... Private joke🤣
