【新界北特襲式環評諮詢今日截止】 #召集意見師
未來邊境地方將會大興土木，除咗新界北新市鎮外，新田／落馬洲將會有個「發展樞紐」，「推動」創科事業。將來有乜「創科」搞到出來無人知，但已知嘅問題已一籮籮，呢個巨型樞紐（320公頃），極為接近候鳥天堂米埔拉姆薩爾濕地。而根據《環境影響評估條例》，呢啲咁大型嘅項目必須要有「環境許可證」先可進行。呢個評估點做，變得至為關鍵。
關於新田／落馬洲發展樞紐嘅環境影響評估，原來政府已經低調上架《環境評估研究概要》（LINK: https://bit.ly/3uM0GeO） ，咁厚嘅文件，公眾得兩星期提供意見，最後今天（3/6）。而且當中有好多問題，例如缺乏全面嘅環境考量。急需大家一齊做 #意見師，一齊交意見，𥄫實佢唔可以比佢hea做！
▍應作地區策略性環評
今次「新田落馬洲發展樞紐」附近地區同時仲有北環線，落馬洲河套地區、 古洞北、 落馬洲管制站，等大型基建同發展，佢哋嘅累積影響會唔會統計係今次環評到，仲適唔適合搞多個樞紐？份概要無講。
缺乏策略性環境影響評估 (Strategic Environmental Assessment, SEA)，鄰近一帶工程嘅環境影響被豬肉式斬開，見樹不見林，環評可能變得更易通過。環保署近年都推廣緊SEA，甚至出動埋大嘥鬼宣傳【註1】，明明隔離就係國際重要濕地，無理由幕前搞PR，幕後評估就hea 做。
▍正視周邊棕地作業存在及影響
新田附近有大片棕地作業，而且不斷擴張。規劃署90年代時已經做過研究，證明棕地作業會導致候鳥減少【註2】。係新田落馬洲發展樞邊界外，有大量嘅棕地，政府並無公佈計劃處理/重置，佢哋嘅現況，同對環境嘅影響亦無被記錄，棕地連埋新田落馬洲發展樞紐工程對環境嘅疊加影響可能極大。所以今次環評必須做一次認真嘅現況研究，咁先知道工程嘅影響會唔會超出可接受水平。
▍基本資料唔該做好
研究概要只係標示咗三條主要渠化河流(channalized river，已經人工改造)，反而周邊嘅天然溪流就無提及。人工改造河流就量度，天然河流就唔理，咁有趣？
我哋翻查政府官方地圖，發現該區根本唔止咁少水體。例如係石湖圍以南一帶嘅較明顯自然溪流都竟然無被標示，會唔會數漏本身要評估嘅嘢，就自然唔會有環境影響？呢啲最基本嘅地理資料都有錯漏，令人質疑將來環評嘅全面性。
時間有限，大家盡做，請把握機會提交意見，保衛我哋嘅濕地同候鳥天堂。
#地方嘅環評需要意見
#咁大件事冇人講
#所以要大家一齊講
【提交意見link】：https://www.eiaopubliccomment.gov.hk/eiacomment/ch_Project_Comments.aspx
【註1】https://www.epd.gov.hk/epd/SEA/tc/files/EA_Trilogy.pdf
【註2】規劃署 協議后海灣地區魚塘生態價值研究 協議編號CE72/94 1997年9月
-
🔍研究到底 月捐支持民間研究工作
https://liber-research.com/support-us/
🌪FPS ID：5390547
🎩HSBC PayMe 捐款支持：https://bit.ly/32aoOMn
👣Follow Us: https://linktr.ee/liberresearch
所以要大家一齊講 在 愛情並非尋覓，它不能準備..... AKIRA與林志玲決定結婚的瞬間 的推薦與評價
所以 其實沒有像大家講的那種一定要先計畫好未來什麼的，沒有，我們單純的就是覺得，我們要在一起，我們決定要在一起，不管怎麼樣，都要在一起。 ... <看更多>