［強積金系列：負130%回報？濕濕碎］
明報原文（丕窩）：不要跟荷包作對 ／文．高志堅 http://bit.ly/2SEvbAd
「幾個星期前，朋友跟我說收到強積金供應商的通知，2018年投資回報是負130%。我驟耳聽落，怎會有負130%，不可能輸清光兼「輸凸」。原來負回報130%是指所有去年的供款都因為投資失利而輸掉，連2017年底累積的強積金也輸了一部分」
————————————————————————
我同高志堅見過，但不相熟，應該係我識佢佢唔識我一類。但本post唔係批評佢，費事啲理解能力太低嘅標題黨搬弄是非。
想講嘅係所謂「負100%回報」（即係，輸突），佢咁講我咁信，如是我聞，佢朋友亦都話只係聽強積金公司講。如果係的話，都真係幾嚇人同誤導。而其實，呢種「輸突」，係十分常見嘅，遠比你想像中常見
首先，聽落廢話，但都係要講。一隻股票只能下跌100%，有限公司嘛，你可以輸嘅就係你買嘅錢。供股？你可以唔供。公司畀人告？普通股東係唔會上身的，你唔會要用自己錢去賠多啲出嚟。總之我買咗一萬蚊，我可以輸嘅就係一萬蚊。
聽落仲係好廢？咁不如諗下掉轉。一隻股票只能下跌100%，但可以升幾萬倍。所以沽空嘅點解咁危險，點解會跳樓（但點解仲有人沽空？型咯，英雄主義）。買正股嘅，唔做槓杆，輸極有限 — 就係輸晒。聽落又係好廢，但不妨諗下借孖展嘅人，或者買樓嘅人，你就知呢句唔係咁廢。可以負資產可以輸到要填孖展嘛
所以所謂「輸突」，只係誤導。同埋，其實好受你供咗幾多年強積金影響，越供得耐你就越易「輸突」！
（最後2018年都係大跌嘅）
文中冇講佢位朋友供咗幾多年強積金，就當係十年。咁好簡單，即係你成個組合，一年跌10%，就會「輸突」。一年跌10%好多？呢啲就係大家對數字嘅盲點啦。實則真係家常便飯。2018年埋單當然係唔止，更加唔好講咩股災年。2008金融海嘯跌一半唔使講，但好似冇乜大件事嘅2011年一樣跌20%，2015年都要跌7%。
而知唔知恒指一年高低位波幅有幾大？答案係，差不多35%。真的，你可以去計下，每年高低位平均爭35%，亦即係每年你捉到高低位，「一年賺三成幾，其實唔難」 — 你捉得到的話。現實中只有一種人可以年年捉到高低位 — 就係老千
如果你係供咗廿年強積金嘅（OK，我知未夠廿年，唔好煩啦好冇？），咁即係你一年跌5%，就會「輸突」。5%？一日都跌咗啦。即係等於而家恒指一日跌千幾點，少見，但唔係冇見過
聽落又好似好危險，但掉轉，2017年，一年可以「賺突」全年供款又唔見你講？更唔好講2009年之類。
股票幾時都係有風險，想要冇風險嘅好簡單，就係放曲奇餅罐，保證冇風險 — 保證輸死，跑輸通脹。正確做法應該係擁抱風險，同佢共存，將呢樣嘢由劣勢變為優勢。唔係得個講字，而係記得time is your friend
遲下會同大家講下點配置強積金，但放心，絶對冇利益衝突（住）。唔會叫你幫襯邊間，更加唔會叫你搵我幫你整合（我好得閒咩）。其實都不妨畀埋個重點：
重點好簡單，除非你就快退休就快死就快移民。否則，做嘅嘢好簡單。揀最高風險全股票嘅環球基金，搵最低收費嘅，然後唔好搞佢。
最低收費呢點大家易明，環球都係，雖然未必明白係比你想像中更加重要。另外兩點就複雜啲，有啲人聽到風險就驚，請參考返早幾段，我真係隔幾篇文就講一次：冇風險就放曲奇餅罐，保證輸死。學術啲就話你知，你嘅「冇風險」只係講nominal，未計通脹。計及通脹的話，股票長期跑贏債券同定期存款，而仲要係風險更低！（樓就另一回事，比較複雜）。嚴謹學術研究，唔係上youtube鳩up幾句。
至於唔好搞佢，又係請循其本。總有啲友見股災就調去啲債券組合，見到股票升又配返100%股票 — 最後十居其九，都係摸底沽摸頂買。不如照下鏡（我都照下），你咁撚醒time the market，就發咗達啦，做咗牙醫四十歳退休然後出嚟講跌八成啦下話？
無數統計同研究證明，即使係專業投資者（包括基金經理），在time the market 方面，計及洗費，表現不及ETF。
所以大家凡夫俗子，就真係唔好花時間為呢啲嘢操心，人生仲有好多嘢比股票更美好，例如一年去幾次日本，例如美食美女（或美男），例如好嘅書好嘅電影，例如朋友老婆仔女屋企人。當然最好就係唔使供強積金，但犯法的，除非移民（咁我一直都叫人移民）。未移民或移唔到民嘅，就利用強積金嘅特性：強積金就係幫你分段入市average cost紀律投資。唔敢包你退休夠用（其實我幾敢包實唔夠！），但應該好過你自己去估個市幾時得幾時唔得。
點解股票明明長期係升（事實），又跑贏通脹（事實），但買嘅人都係輸多贏少（包括我）？因為人性。人總係手痕屎忽痕，以為自己好醒（包括我），好景時又加碼跌市時又想斬纜。亦因為咁，點解啲人買樓易贏錢：除左槓杆外，層樓你個個月供，冇得話賣就賣，佣金又貴，好多人都係渣幾十年。你有冇識邊個渣一隻股票渣幾十年？好少。
所以強積金雖然先天邪惡（我是Liberal嘛，當然支持自己嘅錢自己管，輸仆街嘅自己抵死，例如買bitcoin，例如信恒指跌到四位數沽空），但唔強都強咗，係點樣令個過程舒服啲。就係將劣勢變成優勢，將強迫變成紀律 — 因為好多人（包括我）真係冇乜紀律。
投資失利 跳樓 在 [新聞] 疑投資失利女從住家14樓頂墜落亡- 看板Stock 的推薦與評價
1.原文連結：
https://tw.appledaily.com/new/realtime/20190301/1525812/
2.原文內容：
新北市永和區一名47歲吳姓女子，今日下午1時許被發現倒臥永貞路360
巷內，民眾報警處理，警消人員到場發現她已明顯死亡，調閱監視器發
現，吳女從住家搭乘電梯上樓，隨後從14層頂樓墜落，死者女兒表示，
母親日前曾說投資失敗心情不佳有尋短意圖，警方仍在釐清案情。
警方調查，死者與母親及女兒租屋在該棟大廈二樓，今日中午左右，死
者搭乘電梯上樓，並整理頂樓所晾曬的衣物，隨後翻閱女兒牆墜落，初
步排除他殺之嫌，而在家中的母親及女兒都感到錯愕，指認無誤後，死
者女兒透漏，母親之前因為投資失利，賠了不少錢心情非常不好，多次
苦訴尋短，警方已採集相關事證，並報請檢察官相驗。
（突發中心陸運陞／新北報導）
《蘋果》關心你
自殺解決不了問題，卻留給家人無比悲痛。請珍惜生命。
再給自己一次機會
自殺防治諮詢安心專線：0800-788995（24小時）
生命線協談專線：1995
張老師專線：1980
3.心得/評論：
自殺解決不了問題，卻留給家人無比悲痛。請珍惜生命。
--
※ 發信站: 批踢踢實業坊(ptt.cc), 來自: 118.166.176.10
※ 文章網址: https://www.ptt.cc/bbs/Stock/M.1551447759.A.C63.html
... <看更多>