[節目重溫][#白手黨]
「近墨者黑，中學草草畢業」
年少輕狂，Stephen失敗既青少年時期也是因為細過群啲損友，掛著週圍玩，，從來唔認真讀書，到中五之後畢業以後為了幫忙養家就投身社會了。一開始時，子隨父業做地盤散工，工作唔穩定，一個月返得十幾日；當時馬父用「震機」鑽地，返到屋企大脾通紅，腳都震晒，非常辛苦，令Stephen好難忘，覺得長大後自己也要盡力做好工作養大仔女。無奈地，學無所成又無專長的Stephen之後只能輾轉做些收入較低既工作如做快餐店侍應、辦公室助理、酒店炒散等等，見到其他同事華髮漸生，不禁諗，四、五十歲之後自己仲係唔係繼續做侍應呢來養家呢？
「壯驥伏櫪，志在千里」
機緣巧合，Stephen後來投身珠寶公司，做咗四五年，係佢學到最多野既地方：做人、買賣、談判，都為之後創業準備打好基礎。回想當年，Stephen 連中文打單也不會，星期六一個人獨自留守office 只係為了打一張中文單。他感覺好深刻，因為自己連小小中文字都唔識打，便要付出更多時間同努力去勝過別人。係17,18歲已開始出來社會工作既Stephen每月收入只有6千多元，憑著堅毅每月儲下3,4千元，到了廿六歲他買了自己第一個住所，一個位於將軍澳的居屋單位，首期約20多萬。買完樓用盡積蓄，Stephen諗落其實打工賺錢真係每個月有數得計，點解自己唔試下創業呢？所以廿七歲開始研究到底要點做老闆，曾經有諗過開報紙檔、漫畫店等等。當時有位對Stephen好重要而影響深遠既人，Johnny Chan，佢話生意大有大做，細有細做「兩張檯拍起，已經可以開公司，就算蝕都只係蝕自己人工同時間」。最後決定同珠寶公司舊同事兼現在的拍檔Stanley Leung共夥創業，繼續做珠寶，終在廿九歲成立「Star Diamond」。
「念念不忘，必有回響」
創業頭半年，Stephen同拍擋幾乎零收入，只得一團火捱落去，，「既然仲係後生，點解唔博下呢」。當時講好「開業一年，守業兩年」——如果失敗了，就會出返去打工賺返萬幾蚊月薪。 開業之初，Stephen同拍檔都唔會留係公司拍烏蠅，拍擋同我輪流打電話同見客。但生意一直未如理想，繼續多個月接近零收入既日子。皇天不負有心人，有日，忽然有人打去公司搵佢地幫忙買貨，佢話「我打過去你舊公司，佢地無辦法做到，你有無辦法？」 。原來該名客人是以前舊公司的一個客戶，是英國其中一個較大鑽石批發商，當時完全沒有把握既Stephen二話不說就接下生意，然後馬不停蹄到處為客人找貨，最終能順利完成訂單。經此一役，佢地羸得信譽，英國客人仲「打本」支持Stephen開廠同請人手。Steven回想，如果唔先付出，咁就連機會都博唔到。
「一勤天下無難事」
Star Diamond發展迄今，業務慢慢交畀年輕人做，例如接單、跟單——後生既同事都展示過自己能力，所以Stephen好信任佢地。Stephen坦言，其實港青都好聰明，但有時只肯用「小聰明」，唔肯用心機同時間，例如喜歡用短信請假或辭職，忘記要「尊重」自己「尊重」老闆。他寄語年輕人「「一勤天下無難事」，既然像他這樣「又無學歷、又無父幹、又無資金、又無技術」的人也能在人生道路上創出自己一片天地，年輕人一定要靠自己努力，趁著後生，好好準備，咁先可以把握機會並規劃好自己的人生。
「回饋社會，支持青年創業」
Stephen其實已經做義工好耐，特別係服務「唐氏綜合症」患者，佢覺得做義工可以改善自己心靈——希望「人生燦爛一點，唔想渾渾噩噩就咁過一世」。現時Stephen在青年商會服務，專攻青年創業，希望可以畀多d資源支持香港青年創業，特別係覆核「商業計劃」。Stephen分享最近有個青年想搞補習社，雖然有心想做，但好「空白」，其實Stephen覺得創業最重要係「七成研究，三成行動」；Stephen亦打算化身「天使投資者」為年輕人出錢出力支持其創業夢。Stephen更指出其實政府、坊間亦已經有唔少機構、講座、計劃為青年創業提供人脈、知識等，年輕人不要輕易放棄夢想Stephen 還有一個心願，就係雖然他公司發展已經不錯，但佢自己竟然連一個學位的砂紙也沒有，他坦言「我將來會讀返個學位，否則可能是我人生的一個遺憾。」
最後節目主持人Laurence希望Stephen傳奇式的經驗可以勉勵各位無「父幹」的年輕一輩，想把握機會，一定要早有準備及努力工作。
影片：https://youtu.be/mLOVwgns0hg
拍擋石盤 在 寶可夢大師-石盤推薦配點 - YouTube 的推薦與評價
寶可夢大師-石盤推薦配點 · 寶可夢大師pokemon master| 鳴依&君主蛇石盤配點推薦刷滴晶隊伍| 啟羊CHIYANG · 寶可夢大師pokemon master| 艾莉絲&雙斧戰龍拍檔 ... ... <看更多>