做呀媽其中一個難題就係點樣可以令小朋友可以婉拒啲零食
請大家叫米米做定力米。
事緣要解決家中爺爺既愛既零食
米媽知道治標要先治本，減少衝突。😂😂😂
所以自細就不斷同米米洗腦兼情景模式練習。
如果爺爺俾糖你食，你要點樣回答。😂
其中一個情景係食飯前的。
今晚米煮飯前，每次都剛巧係爺爺👴🏼既零食時間，佢都會問米米食唔食，引佢食少少。（米媽通常聽到都唔出手，等米解決）
爺爺👴🏼：米米，過黎哎，爺爺有野俾你食
米：我唔食喇，就黎食飯。
爺爺：好好味架喎曲奇餅🍪，過黎食啖啦
米：唔得呀，我就食飯架喇
爺爺👴🏼：食少少唔怕啦
米：爺爺，我食完飯先食啦。
爺爺👴🏼：（唔死心）食完飯都飽曬啦、邊度仲食到。
米： 呢啲零食黎，邊度飽呀
神回😂😂😂✌🏻抵米媽錫曬米米。
（米米中意食零食，邊個小朋友唔中意，但米米好有定力，只要米媽同佢講過解釋過原因之後，就算拎餅放落佢口，佢都唔會張開口，算係一個明是非，有原則既小朋友）
當然，多得家人每日對米米既試驗😂😂
#你問米媽米媽唔會想正面同長輩衝突
#控制唔到別人請糖自己小朋友食
#所以我會教我自己既小朋友點應對
#米既考驗係每日幾次仲要想強行放入佢口😂
