大家就算不是基督徒，也一定聽過摩西分紅海的故事，究竟這個故事是真實性有多高?現代科技確實找尋到相關證據，但主持人卻發現，這個"紅海"可能另有其海!!?
1/1 (三) 21:00 【解開聖經之謎: 分紅海】
摩西分紅海證據 在 SJKen的美食與旅行手札 Facebook 的最佳解答
摩西分紅海證據 在 張晨("鳥"不起) Facebook 的最佳貼文
《突然失常短故 － 紅色暴雨上班族》
一起身，就見到紅色暴雨警告。我第一反應係「Yeah！放假！」
但再冷靜返落嚟……先記得紅雨只係唔使「返學」，但都係要「返工」。
立即陷入絕望境界，我一邊自言自語：「唔x返啦！射波呀！」然後一邊默默更衣，著好皮鞋。
紅色暴雨就好似一種曖昧關係咁，谷住谷住，明明大雨，但又冇假放，
你承受咗個過程，但享受唔到個結局。
的確係令人受盡委屈，找不到相愛的證據。
落到大街，情況簡直係鬼哭神嚎，The day after Tomorrow。明明黑雨嘅雨量，但掛紅雨嘅模樣，都算係一種日常。
無情嘅雨水、趕返工嘅人類、冇車嘅巴士總站、加埋一對對濕q晒嘅襪，都充份表達我哋優秀嘅民族性。
巴士總站雖然冇車，但有一條長長人龍，我知呢次好彩啦，證明就快有車！跳起！Yeah。
可惜20分鐘過後，只有一條長長長長長嘅人龍，架巴士連影都冇。中晒伏……
一條長人龍只係視覺陷阱，多人等絕無意義，它不會扭轉交通擠塞的心意。
不過唔等都等咗咁耐，已經洗濕咗個頭。
終於，一架戰車緩緩駛入總站，感覺就好似摩西分紅海一樣，每個打工仔都充滿住救贖嘅表情。
「快啲上車啦喂！」如果人生有所謂最光輝嘅時刻，巴士司機最光輝，就係呢下啦。
打工仔爭先恐後，衝去車廂之內。可惜我前面個女人，偏偏係嗰種唔得爽手，唔識「一踏上車門順手收傘」嘅秘技，而係開住遮行上車，將雨水四濺車廂。再慢慢搵8達通嘅粉皮。
佢上車到「嘟」一聲足足用咗45秒，我諗塞車原凶應該就係佢！
而我又心急，係咁想上想上咁，佢又的住晒！
講真我嬲豬了，等我表演下咩係「一秒上車啦！」
當我起跑之際，個女人又突然停步，令我進退失據！
一嘢踩落水氹度！皮鞋同水面產生化學作用，我隨即跣底！
人向前傾，反射動作我想捉住一啲嘢，於是伸出左手！
但我忘記咗手中有傘，傘頂嘅尖端部份直插向無辜嘅巴士司機！
傘尖由右眼出發，一直插入後腦！
「我的媽呀！都叫媽子唔好買啲咁尖頭嘅遮架啦！家下搞出人命啦！」
睇見司機係咁標血，但依然一息尚存！仲有得救！
我心中相信大家呢一刻都會大嗌：「咁邊個call白車呀？」
「喂！！！咁邊個揸車呀？」坐喺車尾嘅西裝友大叫。
What？司機打橫瞓喺度！你竟然唔係諗「白車」，而諗「邊個揸車？」
如果呢家有條法例叫《虐待司機》，呢條爛坦肯定要入赤柱監獄，面壁思過至少三四十年。
但群情洶湧，大家都喪叫「邊個揸車！」
「我問你哋，係咪唔理司機生死！」
「再唔開車，我哋個個都死呀！」
oh，好殘酷嘅對話！我已經幻想到大家遲到，被鬧被炒被冷眼嘅畫面。講真，我咪又係一樣……
「好！個司機係我捅嘅。我有車牌，等我嚟揸啦。」現場，爆發一遍歡呼聲。
西裝友過嚟同我擁抱，我攬實佢。
大家冇講一句，但一切心照。友情度突然爆標。
司機被安置喺車尾，生死各安天命。
我坐上司機位：「各位！起飛啦！」
我幻想住自己係高達駕駛員，細細聲講句：「巴士高達，易key嚜s！！」（出發嘅日文讀音，好似係）
但，其實我好想同佢哋講：「我有私家車牌，但並冇巴士牌……」
算啦，車已開，一切已經太遲！
第一個紅綠燈位，我見到綠色人仔，果斷踩油！
成車人We嘩鬼叫，我心諗咩料呀，唔通我型過龍？
西裝友即刻鬧爆我：「綠色人仔你做咩行呀！」
我即時反駁：「綠色人仔咪行得囉！你識唔識過馬路架！你做咗幾多年人呀！」
「你家陣係架車嚟架7頭！」西裝友一喝。
「咦，係喎……我係車唔係人喎……」
呢一下，令車廂瀰漫住不信任嘅氣氛。
更大鑊係後面開始有警車追捕，相信我剛才衝紅燈太瀟灑嘅關係，已經釀成9車連橫爆炸性大相撞。
真係生靈塗炭……
突然前面一架警車打橫切入，想逼我停車！
西裝友同時大叫：「停車呀！」
咁緊張嘅moment，聖人都會出錯！我將加油當咗剎車。
巴士完美嘅衝力，好似羅馬啲半裸戰士咁，將架警車撞到飛天循地！
警車入面嘅人都被拋出車外！仲咁啱畀我輾埋入車底！
西裝友大驚：「走呀！」
我一聽，就加速！
但西裝友又擔心撞人不顧，更大罪：「都係返轉頭。」
我一聽，就倒車！
佢心大心細，「走呀！」「都係返轉頭！」「走呀！」「都係返轉頭！」「走呀！」「都係返轉頭！」「走呀！」「都係返轉頭！」
我就「加速！」「倒車！」「加速！」「倒車！」「加速！」「倒車！」
架巴士好似跳緊Tango咁，係咁前前後後，我相信車底嘅幾位仁兄，都已經變成堆「免治牛肉」。治療都可以免了。
如果以GTA做例子，呢架CRAZY BUS嘅追緝指數已經去到5粒星。
燈衝咗、車撞咗、人都殺咗，已經冇咩好驚，我風馳電掣，逢車撞車！
「喂！！你飛咗站呀！」後面個女人驚呼。
我心諗，後面九千幾架警車，點停呀！
心神一亂，直情行錯埋路！
同時警隊已經出埋飛虎隊、直升機、潛水艇、警訊嘅製作團隊，誓要將我哋一網打盡！
我要穩定軍心：「大家放心！！我哋一齊殺出去！！！」
大家一聽！眼中都露出堅定嘅眼神，同聲大叫：
.
.
.
「畀我落車呀仆街！」
估唔到佢哋仲咁理性，不過我已經冇晒常性！
一個甩尾，由高速公路飛落大街！擺脫警車！再開到200km直衝！我要闖出一片天。
呢個時候，萬物都安靜了。
差人們都已經停車熄匙，一切都告一段落。
「現正改掛黑色暴雨警告，請大家留喺安全嘅地方。」
收音機傳嚟呢段聲音。
大家……唔使返工啦……不過……太遲啦……
因為行錯路，巴士已經駛入咗警局，我……已經喺安全嘅地方。
聽日嘅報紙，或者會將我寫成恐佈份子，ISIS，或者呢世都冇人會知……
呢班Crazy bus嘅人，只係一班唔想遲到嘅打工仔。
教練……我……我…好想返工呀……
PS. 呢排寫咗叫《不存在的職業》嘅小系列故事，冇嘢做時可以望下：https://goo.gl/xh4bbt
ig: cheungson88
摩西分紅海證據 在 Howtindog's Channel Facebook 的最佳貼文
《東方》早兩日的一篇文章, 竟然提及Ron Wyatt, 稱之為考古學家, 話佢喺紅海發現到黃金馬車同化石. 其實紅海之外, 佢亦都係約櫃、挪亞方舟、耶穌一滴血液的發現者. 記者唔係blogger吹水, 上google搵下關鍵字就當做咗research, 咁點得o架?
... 至少都要睇下howtindog的短片先寫文啦 sosad. 我喺最早期就已講過Ron Wyatt, 例如:
https://www.youtube.com/watch?v=6CY1BReIcx4
https://www.youtube.com/watch?v=4lwse5GVmq4
https://www.youtube.com/watch?v=Q7RZ00M33Zk
https://www.youtube.com/watch?v=rlaSq0n83MA
https://www.youtube.com/watch?v=JSKqgtuc8Oo
=============
【on.cc東網專訊】 3000多年來，外界一直認為「摩西分紅海」這神迹是虛構故事，惟近年不斷有科學家及考古學家提出真實證據，例如在紅海底部，發現埃及軍隊遺物，甚至人骨化石。
......
早於1978年，考古學家懷亞特表示，有照片證明紅海海床上，有黃金馬車、人骨跟馬骨化石。瑞典科學家摩勒（Lennart Moller）亦曾帶着研究人員，踏上摩西當年走過的路，調查紅海底部，並發現許多屬於埃及軍隊的遺物。
source: http://hk.on.cc/…/bknint-20161008070703946-1008_17011_001.h…
