關於 擰轉頭英文 ，我們在網路上蒐集到這些相關的討論、資訊與評價

#伍家姐姐
#簡稱伍家姐

屋企姐姐真係好幫得手！做嘢爽手冇投訴！心地善良兼企理！(由於最近姐姐好似開始知道我做邊行，為免有日佢search我啲social media再㩒translate嚟睇，讚咗佢先，我驚佢唔撈🤣)

呢件事，發生喺前幾日。

大約四點鐘左右，我開始準備梳洗出街做嘢。

一般嚟講，四點零鐘係每日屋企最寧靜嘅時刻，因為呢個時候小怪獸s通常食飽晒奶瞓緊晏覺；冇人喊，冇人叫，亦唔會聽到電視傳嚟嗰啲播咗接近一億次嘅兒歌，寧靜到令人有去咗寺院禪修嘅錯覺。

而每日呢個時間，當姐姐安頓好小怪獸s之後，幾乎都一定會喺佢自己房度休息下；總之，呢個時候，個廳有九成時間係冇人嘅。

講返我沖涼換衫準備出門。當我喺房入面個廁所剝晒衫褲之後，發覺自己漏咗要換嗰啲衫喺廳；阿太出咗街、(我以為)姐姐又休息緊、小怪獸s仲未識行，咁攞衫呢個任務，當然落番我自己身上啦。

唔，四點幾鐘，個廳通常冇人 —— 我心諗。

又除又著又除太麻煩喇，快手出去攞完跑返入房好過啦 —— 我心諗。

好！

一個箭步加半下轉身，一絲不掛嘅我離開睡房再穿過走廊；我同客廳嘅距離，就只淨低一道門。

當我拉開通往客廳的大門，就梗係拿拿臨執起啲衫褲啦；然後 —— 然後我聽到有啲聲喺廚房傳出嚟！

原來姐姐喺度食緊飯！

處於一個全裸狀態嘅我，硬晒(呔)咁望住姐姐喺度食飯！

我一生遇過無數危險，但實在冇一次好似呢次咁危險喇！幾乎嚇到縮咗一縮(啲毛孔)；好彩，佢當時係背住我；更好彩嘅係，我係一個受過嚴格中國武術訓練嘅人；一招「追雲趕月」，就已經喺佢擰轉頭之前極速閃返入房，兼鎖埋度門。

不過睇嚟，我啲輕功仲有少少破綻，佢始終都realized(姐姐啲英文ok，所以執正啲，用番過去式，費事佢有日睇到知道sir啲英文咁屎)有人出過嚟；隔咗十秒左右，姐姐就嚟敲門。

姐：「Sir你係咪搵我？」

我：「唔係呀。你咁晏先食嘢嘅？」

姐：「GorGor and MuiMui扭咗好耐先肯瞓，唔得閒食呀。」

我：「Oh番橋very much！eat more la！啲rice現唔enough？Not enough就cook多two個instant noodles(plural)啦！」

講完之後我先醒起，如果我真係冇出過廳嘅話，其實我係唔知佢食緊嘢㗎喎🤔

希望佢冇realizes(third person singular動詞要加s)呢一點🤦🏻‍♂️

*張相就當然唔係事發嗰陣影㗎啦，係我之後叫佢畀我影番嚟出Po嘅，設計圖片嚟🤣

我MeWe：https://mewe.com/p/ngkahim
我挨之：www.instagram.com/vinceng88
我YouTube：https://www.youtube.com/channel/UCNV_i17rTpUCiG7aIxlA_PA

有日診所唔係好多人。
有對情侶登記完就一齊坐低等睇醫生。
女嘅玩玩吓電話大聲咗少少講：「好想去旅行呀！好想去shopping呀！！」
好多人都係，我都係，我好想扮回音『我都好想去旅行呀！』，眼淚在心裡流。
男朋友拍拍女朋友膊：「收皮啦，而家點去呀」
女：「你估醫生有冇辦法寫紙免隔離十四日呢可？」
佢哋兩個一齊望向我位置，我即刻擰轉頭迴避…
男：「就算真係可以免隔離呀，我都要考慮吓先」
女：「點解喎？」
男：「thanksgiving同你去美國，即係我負責拎野？拎到隻🦀🦀咁，做咕喱，咪搞我啦！」
女：「你同我一齊去，我自己拎囉，最多你咪淨係幫吓下手拎少少野啫」
男：「我估我信唔信你？啲女人好古惑㗎」
女：「都話我會自己拎囉，你又唔信！我有邊次唔肯拎呀？你話啦！」
男：「係啦係啦，咁你唔駛飛去都買得㗎嘛，而家上網有咩買唔到呀？」
女：「我想去美國感受吓Thanksgiving嘅威力呀嘛」
男：「美國人自己都上網買啦～你不如上網買完用代運寄返黎啦，唔駛拎黎拎去，你得一對手又可以拎到幾多嘢呢？」
女：「嗯，好似又係喎…淨係Amazon都應該有唔少嘢買，老老實實你上年係咪自私買冇預我呀？點解我唔知你識搵代運嘅？唔怪得之你上年突然多咗咁多電子嘢啦！你用邊間呀？」
男：「你都冇問過我，又冇同我講，我點知你想買啫…」
男朋友show電話：「我用開呢間呀，你要買嘅用埋我個account啦，一齊運返嚟」
女拎住電話望：「B-U-Y-I-P-P-E-E…點讀呀？」
男：「唔識英文咪講中文囉，買＋易之嘛」
想感受一年一度嘅美國感恩節，唔駛親身飛去托啲戰利品返嚟嘅。你上網買完，寄去 Buyippee買+易 HK嘅美國免稅倉庫，佢哋嘅倉庫係自營，可以Repack之餘，又會用快遞（如UPS）方式運送貨物嚟到香港，即使旺季期間都係KEEP住3-5個工作天就會出庫到達香港。正常尺寸嘅貨件仲會係以實重收費計算，咁樣應該平過你親身飛去美國，亦唔駛諗到頭痛點樣免十四日隔離啊。
點擊下面條link成為會員，接收最新Thanksgiving資訊，拎埋Buyippee美國倉庫地址，咁就可以做好準備，唔會錯過Black Friday嘅折扣同優惠啦～
Buyippee而家仲做緊Thanksgiving期間（11.27-12.11）落單可以獲得20蚊嘅Buyippee points獎賞，可以當20蚊運費日後使用，快啲去睇下啦！👇👇
https://www.buyippee.com/tc/account/register/53cf5ee937f047acdebb9b5d0a0bef76

我同家姐個名一樣（上）
　　
我叫明秀，名字表達咗父母對子女嘅期望，阿媽希望我聰明同優秀，所以叫我做明秀。

有趣嘅係，我家姐都叫明秀，我諗冇邊個家庭，會有一對同名嘅姐妹。

嚴格嚟講，我都唔可以話，我同家姐同名。

因為由始至終，只有一個明秀。
　　

簡單啲講，我同家姐係雙胞胎，生得一模一樣。

阿媽經歷過無數人生低潮同挫折之後，生咗我哋。

佢將所有希望寄託喺下一代身上，希望下一代成為最出色嘅人，贏咗起跑線，再由頭帶到落尾。

呢種期望，喺家長之中都算幾普遍。
　　

但阿媽有自知之明，佢唔聰明亦唔算有錢，培養子女方面，佢真係冇乜優勢。

正當佢苦惱之際，佢早產，生產過程意外地順利，喺屋企生咗我哋兩姐妹。

阿媽意識到，只有佢自己知道，佢生咗兩個女。

所以佢只係登記咗一份出世紙，一個身份，就叫明秀。
　　

阿媽嘅諗法好簡單，如果兩個人一齊努力，經營同一個身份，就比其他人多咗時間同精力上嘅優勢。

所以佢幫我哋分咗工，自從小學開始，家姐負責讀英文同數學，我負責中文同常識。

返學都係一人返一日，剩低嗰個留喺屋企溫書。

考試嗰陣，就視乎考邊科，安排邊個去考試。
　　

我哋要溫嘅科目，比其他人少一倍，專注力更集中，成績都好優秀。

我哋仲可以學唔同嘅才藝，彈琴、畫畫等等，當然係一人學一樣。

漸漸地，「明秀」成為優秀嘅代名詞。

有時都會有失誤㗎，例如學校安排同一日有中文同英文測試，咁家姐嘅英文成績就差咗好多。

但阿媽話唔緊要，因為第日公開試，一定係一日考一科，我哋實搞得掂。
　　

如果你問我嘅感受，其實我自細都幾開心同滿足。

人人都要一個星期返五日學，我只需要返兩、三日，連功課都少一半。

而且我都可以照識朋友，同朋友出街玩。

只不過，同一時間只可以有一個明秀出門，同埋每次返到屋企，我哋都要同對方詳細描述，今日發生咗咩事，免得出現破綻。
　　

可能有人會問，就算係同卵雙胞胎，都唔係完全一樣，總會有破綻，例如指紋唔同，個樣可能有微細嘅差異。

係㗎，不過只要我哋唔犯案，唔做奇怪嘅事，根本唔會有人幻想，世上係咪有兩個明秀。

破綻源於懷疑，從來冇懷疑，就唔會有破綻。
　　

就係咁，明秀漸漸長大，成為一個優秀嘅女仔。

佢考上最好嘅大學，拎埋獎學金，阿媽好開心，人人都羨慕佢有一個咁好嘅囡。

而我同家姐都非常和諧，或者係因為我哋自細嘅經歷一模一樣，所以性格都差唔多，做嘅決定好少有矛盾。

我以為，我哋會幸福快樂咁生活落去。
　　

對於愛情，我同家姐早就有過協議，我哋將會搵一個優秀嘅男人，拍拖結婚生仔。

結婚後，我哋依然輪班，一個照顧家庭，一個喺職場奮鬥。

家庭事業兩不誤，明秀會成為最成功嘅女人。

懷孕嘅時候會有啲麻煩，不過總會解決到。
　　

開始返工之後，我愛上一個男人，佢叫有成。

有成事業有成，又靚仔又有車有樓，完全符合我哋對理想對象嘅要求，符合阿媽對女婿嘅要求。

唯一嘅問題係，家姐唔愛有成。

「有成有咩唔好？」我忍唔住問。

家姐猶猶豫豫咁答：「佢冇唔好，只係……可能冇Feel掛。」
　　

對於愛情，人難免有佔有慾。

家姐唔愛有成，喺佔有慾嘅角度出發，我應該開心。

因為未來明秀嘅時間分配，肯定係我陪住有成，家姐去做其他嘢。
　　

直到有一日，有成拎住一條片，怒氣沖沖咁質問我：「我對你咁好，你畀帽我戴？」

影片中，家姐同一個陌生男人，激情擁吻。

我下意識答：「呢個唔係我。」

「唔係你？佢著住你條裙，拎住你個手袋。」
有成冷笑：「我拍完片之後，大叫『明秀』，你擰轉頭望一望我，面都青埋，落荒而逃，你唔記得啦？」
　　

我啞口無言，事到如今，就算我叫埋家姐出嚟，話我有個雙胞胎家姐，都解釋唔到當日嘅奇怪行逕。

除非我坦白，一直以嚟就有兩個明秀，但有成只會更加接受唔到。

我正諗緊點樣解決，呢個時候，手機震一震，我收到一則轉帳提示，家姐將一半積蓄，轉去一個陌生嘅戶口。
　　

有成見我仲睇手機，好嬲咁走咗，然後我即刻搵家姐。

「我搵到我畢生嘅摯愛，佢叫阿風，佢係一個好有才華嘅畫家……」家姐滔滔不絕。

我質問佢：「我唔想聽你嘅愛情故事，啲錢去咗邊？」

家姐含羞答答咁答：「阿風要搞畫展，仲差少少錢。佢唔肯要我啲錢㗎，我要匿名支持佢。」
　　
下集：https://bit.ly/33H96sq
　　
將專頁設定為「搶先看」/ "See first"，最新故仔馬上睇！
　　
你到底愛唔愛我：https://goo.gl/SDZrU5
美女與野獸與愛情：http://bit.do/fbwSy
　　
#短故 #短篇 #小說 #陳美濤 #廣東話 #粵語 #tomatochan #我同家姐個名一樣