//本Page Patreon經已開通，請訂閱支持本Page運作，謝謝！ 連結： https://bit.ly/2TvzIaF //
民間記者會呢排多多動作，但記者會內容全部都同抗爭無關，反而係不停呼籲所有人要備戰選舉：繼「大灣區國際關係大師」沈旭暉聯同一眾蒙面人話要齊齊登記做功能組別選民之後，又公佈民意調查指香港有六成半人支持進軍功能組別選舉、九成人反對投白票，之後預告將會訪問流亡海外嘅黃台仰，借助呢位「勇武派」嘅始祖幫飯民立法會選舉搖旗吶喊。
以香港人金魚級記憶，響度我又要提醒番大家，究竟民間會最初係愛黎做乜。話說林鄭響一連串抗爭後為咗響民望上面力挽狂瀾，所以安排警謊同埋一眾政府部門每日召開記者會歪曲事實，當時有一班民間義士為作抗衡，所以先針對性召開民間記者會向公眾揭露真相，而蒙面嘅目的，係為咗保障義士唔會因為揭露警暴或者政府部門內幕過程中唔會被點相而比差佬秋後算帳。
但去到今時今日，蒙面經已成為一班飯民議員助理騎劫民間記者會嘅手段。早前已有傳媒報導，原來民間記者會不知不覺間，經已比梁繼昌、邵家臻等議員助理滲入其中，然後再將「民間記者會」騎劫成「飯民記者會」，將佢劣化成飯民大台嘅宣傳同漂白工具！
即係你睇番成件事真係好撚諷刺：先由功能組別議員助理自己騎劫咗「民間記者會」，再用同一名義搞個民意調查，然後話超過九成抗爭者支持進軍功能組別選舉，再搵番唔需要做地區工作，收幾皮嘢一個月嘅議員助理響連登做全職打手推Post──收議員助理薪津蒙面扮義士召開記者會叫人投票響九月保住自己份工，成條產業鏈一氣呵成，堪稱香港政工作者利益衝突嘅典範。
有黃屍撲出黎護航話：「民間記者會即係咩人都可以做代表，功能組別議助理唔係民間一部份咩？比佢地搞記者會有乜問題？」
問題就在於，民間記者會係比一啲無權無勢、或者怕比人迫害嘅Nobody嘅發聲平台，你飯民想搞進軍功能組別建制內抗爭，有乜撚嘢風險要蒙面進行？除非你班撚屌就係唔想比人知道，你地其實就係飯民大台想借屍還魂啦！喂蒙面係為咗保護義士，而唔係比你班撚屌議助隱藏身份騎劫運動嘅手段黎架！
再講，你呢班飯民要搞記者會做競選宣傳，又有「民主動力」、又有「真普聯」、又有「飯民飯盒會」，仲有一堆「黃標KOL」同肥佬黎直接間接控制嘅黃媒大把牌頭可以搞，點解係唔肯打正旗號叫飯民，而藏頭露尾扮義士停咗「民間記者會」個名義？即係只有兩個可能性：
1. 你地自己都知「飯民」呢兩個字有幾趕客，要用「義士」身份黎掩護；
2. 就係想借騎劫「民間記者會」重建大台！
當我聽倒又有班黃屍話「你咁叻咁唔滿意咪你自己都搞個民間記者會囉」，啲口吻根本就同飯民響佔中當年話「你咁叻咁唔滿意咪你自己起另一個大台囉」係一撚模一撚樣！
再睇呢個所謂「民間記者會」嘅民意調查，係極度灌水誘導民意之能事：
點解民調要搵有公信力機構做？因為可以操作嘅方法實在太多，遇著有啲手腳唔乾淨、兼有利益衝突嘅團體去做，結果當然可以離真相好遠。
「民間記者會」而家話短短3月12至15日做咗26000份網上問卷，灌票水份嫌疑極大，你睇人地鍾庭耀啲收哂錢嘅滾動式調查都無撚可能做倒咁嘅Sample Size啦！而且題目又極具引導性，連一啲基礎背景都唔講（抗爭者支持參加功能組別選舉？你有無話比抗爭者知就係功能組別議員支持水炮車撥款先？）；然後又有網友反映，份問卷就算你反對功能組別選舉，都迫你繼續答你希望功能組別議員響進入議會後可以為選民做啲乜；
而所謂「投唔投白票」呢條問題就更加係明顯針對近日成班黃屍塑造出黎嘅「白票黨」稻草人：即係作為焦土派嘅我自己都未決定點呼籲人點樣看待呢次選舉，亦問過好多坊間質疑飯民嘅KOL，佢地亦都表示從來未叫過人立法會投白票──點解無啦啦會走去問呢條問題？你話唔係飯民響背後操控造勢我打死都唔信。
當呢份問卷全無學術水平、民意調查充份灌水痕跡，基本上同何君堯話有超過100萬市民支持立廿三條係無分別：飯民呀飯民，當你自己都用埋啲咁污糟辣撻嘅手段時，又有乜資格指責人地？
最後，見倒「飯民記者會」同「黃標KOL」不約而同搬出黃台仰呢隻「勇武派聖牛」打算一槌定音打壓所有質疑體制內抗爭嘅異見者，聲稱「連勇武派始祖都話進軍功能組別都無問題，你班分化撚仲有咩說話好講？」
響度又要講，我從來不諱言自己對梁天琦、黃台仰嘅犧牲，係非常敬佩、崇拜同感動
所以我永遠都記得佢響新東補選嘅時候講過呢番說話：「有一日我唔係做緊自己，就拉我落黎！」
我尊崇嘅，係當日聲言「當獨裁成為事實、革命就是義務」嘅本土民主前線，如果有日梁天琦黃台仰突然轉軚，又或者有有心人將佢地挖出黎幫飯民造勢，我當然亦會毫不留情將佢地從神壇推落黎
丘吉爾：「對他們的偉大人物忘恩負義，是偉大民族的標誌」 香港要作為一個偉大民族，就要對偉大人物忘恩負義。黃台仰、梁天琦、本民前，好多謝你地，你地對香港嘅貢獻香港人呢生都無以為報；
但唔代表我因此就會放棄監察你地。
