❤️失落的父親節👨🏼
而家係凌晨1點，剛清潔完為老爺奶奶既父親節晚餐碗碟，雖然唔算係咩野大製作，但係兩老都食得好開心，老爺係我煮飯既啟蒙老師，佢最鍾意傳授我煮餸技巧，奶奶以前煮菜都好叻，但自從糖尿病，再加上冇記性，屋企既大廚已經變左係老爺…..老爺每日除買餸煮飯之外，還要照顧奶奶食藥，打糖尿病針，記錄每日糖尿指數…等等…每日比我更忙..所以我係超級敬重我呢位”萬能老爺”..
忙完父親節，人靜落黎，其實我係唔會太開心，因為我會諗起已經二十幾年冇同爸爸慶祝過父親節… 記得剛畢業出黎工作，有一日，突然收到爸爸患上肝癌消息，當時自己腦裡完全只係問號?肝癌會點?
直到爸爸需要住院，我每天放工都會去探佢..同佢傾計，佢身體愈來愈虛弱，說話無力，當時自己好心痛，但又覺得完全幫唔到爸爸，又唔敢係佢面前表示自己好擔心，只會不停希望爸爸快D好返，腦裡只諗起爸爸買俾我既第一部鋼琴，第一對溜冰鞋，第一次帶我出國旅行，第一次唔准我去追星…最刻骨銘心既係媽媽跟我講，爸爸最後留給我既說話，叫我記得每年都一定要檢查身體，特別係”肝”..唔可以放棄…”
親愛的爸爸👨🏼我有照你叮囑，要注意身體，要留心肝臟嘅健康…我今年已經做了一次肝臟檢查，加埋超聲波，上個星期剛睇報告，醫生話 “個肝好靚仔呀”..每次既報告，其實我都好想親口講你知，我知道你聽到的…..…
有經歷自然成長快左，做左媽媽就更加明白做父母既感受，所以大家唔好奇怪我點解咁著重健康，當聽過朋友同我講有三高，飲咗寧夏紅一段時間之後回復正常水平，佢叫我可以試吓，keep住飲(好似而家我都成日同大家講)一段時間，一開始其實我只知道杞子可以護眼，後來睇真D其中一個好處就係提升肝功能，一聽到可以”護肝”，我二話不說就去親身試，飲左一段時間，發現對身體健康好左，我就再分享俾家人飲，始終身體係年輕開始就應該去保養，效果係最好！而家愛運動既霖霖，讀中五既哥哥都已經每日飲用，專注力跟活力都明顯改善左。
對我來講保護健康唔止係我對爸爸嘅承諾☺️有好既身體，我就可以安心睇住小朋友成長，身體真係要KEEP嫁，未雨綢繆係好重要，始終「保健」比「補救」容易吧☺️
#謝謝大家用心看
#有時係需要抒發下
#純分享
#圖文不符
#明天又是新一天
#正能量
#lovekellyskitchen
