我有好多柒事不堪回首
話說好幾年前無嘢做走去果啲航空公司招聘日，晨早流流成村人好似輪米咁等度高同interview，眾所週知度高之前係要除鞋，隻手掂到條線先達標去下一區繼續排隊等in，當我掂完條線諗住著返對鞋果時了覺我對鞋唔見咗😑邊個攞咗我對鞋嚟著呀.....係咪痴孖筋，我唔著鞋嘅狀態行到下一區嘅隊尾尋鞋，一路行有啲人眼利已經望到我冇著鞋陰陰嘴笑🌚，去到隊尾終於搵到果個人，呀頂佢仲好疑惑咁夾硬塞隻腳落我隻鞋度，大佬呀！瞓醒未呀！！
我：「你係咪拎咗我對鞋阿？」
佢：「阿..唔怪得唔啱著啦...sorry」
(附近怖滿恥笑聲🙂)
.....明明唔同款 我都鄧佢對鞋傷心。
/
結果果日話人數太多，留低資料擇日再安排面試，感謝大家到來，屌我成朝做過啲乜嚟。
#案件列作傻人發現案處理
#有買旅遊保險有冇得賠😞
