今次嘅 #甜覓行 @sweetyquest 之旅嚟到位於白馬行龍安圍嘅Lofi ，喺呢個以白色、植物同大量木元素貫穿嘅空間內，你可以攝取一杯由全人手拉扞咖啡機沖泡出嚟嘅咖啡、可以以飄住東瀛風嘅餐點醫肚；亦可以品嘗供應量貧乏要靠先食到捕獲嘅手工甜點，無論如何，如果你要為慵懶嘅時光搵個好坐嘅落腳點，Lofi同佢地嘅無所事事貓店長都表示歡迎㗎。
琥珀卷$45
色澤溫潤醇厚嘅琥珀卷，由金萱烏龍味嘅蛋糕體成為焙茶忌廉內餡嘅容身之地，蛋糕扎實而且帶濃郁嘅茶韻，恰到好處咁中和咗忌廉嘅膩感，配茶或者咖啡咁食係正確嘅方針。
Double Matcha Cube $65
呢個綠色立方體，由來自京都嘅抹茶粉擔大旗，蛋糕同忌廉分段落咁交疊對映，綿密同濕潤嘅口感相輔相成，濃郁香醇嘅茶香同𣊬間回甘嘅韻味相繼喺口腔內爆發，令抹茶狂迷為之動容。
甜覓行
呢趟覓甜之行當然唔會咁短啦，更多內容我擺咗喺專業嘅甜品糾察隊甜覓行度，嗜甜嘅嬰兒們快啲去八下跟手follow佢地啦！
#macaufood #macaufoodie #macao #macaofood #澳門obxxob #foodporn #instafood #澳門美食
