關於 梁評貴獎棍 ，我們在網路上蒐集到這些相關的討論、資訊與評價

//本Page Patreon經已開通，請訂閱支持本Page運作，謝謝！ 連結： https://bit.ly/2TvzIaF //

我成日都話，想知道究竟飯民做咗一件事對呢個政權有無殺傷力，最好就係睇下對家有乜反應。過去半年黎，共產黨以下一眾走狗同藍媒對郭榮鏗喊打喊殺，好明顯拉布阻止李慧琼連任內會主席就係觸及佢地痛處；但由5月8日垃圾會決心粗暴剪布開始，成班建制經已唔當飯民係咩一回事，而只將成件事當做鬧劇看待。

大家要記住，516內會再剪布，響技術上其實已係不必要，因為李慧琼經已透過粗暴剪布以前任內會主席身份執行現任主席職務，而且《國歌法》又已提上大會，所有戰略目標經已達成。但中聯辦仍然要搞多次飯民，目的就係要將所有香港人對「響立法會體制內抗爭」嘅寄託完全殲滅──話9知你35+定40+，我地就係會夾硬黎，吹咩？

而響飯民果方面呢，吸收咗5月8日醜態百出嘅潰敗、網絡洶湧嘅批評，如果佢地唔想9月大敗的話，就點都要交啲功課出黎。尤其係有咗5月8日嘅經驗，乜進步都無亦說唔過去──結果呢？進步就的確係有，但就係由87分進步到去87.1分呢個程度囉：

1. 黃碧雲係唯一一個有著件運動風褸嘅政客，似乎佢都好擔心自己嘅選情，一早已諗住搵機會就湧，同班飯狗支持者交下戲，結果衝就真係衝咗，一下就無

進步指數：無限（因為之前係0，所以+0.1都會係無限倍）

2. 尹兆堅終於唔插水無Call白車，但最後以為自己夠大份可以造成保安壓力，結果五條友一樣可以抬佢出去；又剝衫曬腩可獲最上鏡大獎

進步指數：1.2

3. 胡志偉全程做反人牆唔知做乜9，扎哂馬響度扮沈思者，唔知以為佢忍緊屎

進步指數：1.1

4. 陳淑莊拎個大聲公出黎嗌，成功申請被趕出場

進步指數：1.01

5. 公民黨、毛孟靜同一眾功能組別議員全程手指指舉牌兼嗌口號，雖然都有借d意提早收工，但對佢地黎講叫做有OT架啦

進步指數：1.05

6. 不知名議員有大叫食屎狗，但都仲係唔敢爆粗，驚DQ掛

進步指數：2

我係會叫飯民呢種心態做「四方果心態」：即係好似一舊四方果啫喱咁，我地班市民狂鬧踢佢幾嘢，佢就震一震、郁一郁、比個反應你，交咗戲就當盡咗責任，然後依然固我。

有好多飯民見倒班議員比上次積極咗，好似湧得激烈咗，望住尹兆堅個肚腩經已濕哂，「喂人地都盡咗力、比保安抬走埋啦，你仲想點？」：所以先會有尹兆堅上D100誇誇其談自己點英勇、勇到比人剝衫嘅過程。

但如果你過去大半年你有去過前線發夢，就無可能分唔出大多數所謂「衝擊」其實只係扮下嘢，湧兩湧攞倒個靚畫面，等第日個助理有片剪就算9數，然後就縮番後面繼續食花生，結果真真正正係「堅衝」，持續撞向保安最後被粗暴對待嘅就只得三位：陳志全、許智峯同埋朱凱迪。

更令我失望嘅係，就算係以「交足戲」黎講，呢班飯民響整個內會粗暴剪布過程中，係全無抗爭意志，只係建制做啲乜佢地就作出番一個無力嘅反應，一早已打定輸數。黃屍最鍾意問人：「錦鯉有咩高見？」我而家就話你聽佢地點錯失四大機會：

第一，5月8日一役已令大家明白，搶奪主席台呢個戰略位置有幾重要。只要建制進佔主席台，佢就可以動用主席權力亂咁趕人；掉番轉你霸住個主席台，飯民就唔駛被動衝擊而係以逸待勞。但響5月8日，郭榮鏗就覺得自己身嬌肉貴拒絕同李慧琼爭櫈仔；5月16日呢？

朱凱迪話陳健波早響11點15分已響保安護送下搶佔主席台，我想問你班飯民廢柴係咪完全無諗過早起幾個鐘頭，所有議員助理分幾Team人一早封哂果幾個出口令佢地不得其門而入？又或者響乘佢地開門果刻竄入去搶先一步搶佔主席台？結果你地就係連呢樣嘢都懶，然後同我講抗爭？

第二，再一次，明知保安會粗暴對待，你地明知自己會衝，點解仍然唔聽我建議，入議事廳前先上好哂裝，著好哂護甲、安全鞋同護膝手套？廿幾個飯民，就係得黃碧雲有意思著番件運動褸，然後尹兆堅仲為自己剝衫露肉而沾沾自喜，黑心啲講，你地比保安撞傷係抵撚死架喎，因為連最基本保護自己嘅裝備都無，怪得咩人？

仲有臭魚、屎蜢呢？搞咗咁多次連呢D「最低武力」都無人肯拎入去，仲話搞抗爭？

第三，仍然有班功能組別同女議員極其錫身，行行企企手指指嗌幾句「陳健波打矛波」就算9數，所謂嘅「新策略」就拎塊黑布出黎唔知做乜9；所謂「衝擊」亦完全無分工合作，一切都只係為咗交戲搏上鏡，而唔係真係有心攻佔主席台，結果出現咗朱凱迪比人撞到仆街，而楊岳橋竟然可以企響側邊食花生全無救援之心嘅荒謬場面。

都係果句，我唔理立法會保安有幾野蠻，廿幾個飯民得三條友有心衝擊，就算現場保安減半都無撚用啦，你衝唔贏唔緊要，但你無盡全力射波渣流攤先至係最可惡。

第四，你話你地係斯文人，只會響體制內抗爭，OK，咁潘焯鴻問得好呀，當日你地花咗市民幾十萬攞咗法律意見，點解唔響5月8日粗暴剪布後立刻JR？點解唔響梁君彥第二次攞咗英國大律師意見夾硬搵陳健波主持內會嘅時候，再攞一次法律意見再同佢抗衡？係咪連你地自己都覺得攞幾十萬搵法律意見係一件極其ON9嘅事？係就唔該向市民回水！

仲有我作為一般升斗市民，明知你地響議會無得同共產黨抗衡，至少都希望你幫我地出下氣丫，反正都預咗政府夾硬黎，點解唔響郭榮鏗仲做緊內會臨時主席果陣DQ李慧琼，然後宣佈直接選出飯民內會新主席？無錯共產黨之後十成十會推翻呢個結果，但係咁同而家有分別咩？當人地已撕破哂面具同你玩到盡，而你仲嘗試用道理同對手玩，咁唔係叫理性，係叫無哂抗爭意志！對住一班無哂抗爭意志嘅人，我做咩9月要選番你地入去？

第五，呢個亦都係最重要一點：點解可以去到今日都唔號召群眾包圍立會？5月8日又唔叫，5月16日又唔叫，成撚日話議會戰線同街頭戰線係相輔相承，唔叫群眾聲援你，同自斷一腳有乜分別？而家傳緊527國歌法動員，但問題係之前有幾個機會你都唔去做，搞到527先第一次號召群眾（仲要唔知堅定流），想成勢都無可能啦！

即係唔好再講咩送頭送頭，群眾有能力自行判斷自身安全，你班飯民政棍唔敢叫人去立會聲援你地，就係怕被DQ被告煽惑公眾妨擾之嘛！咁撚怕死就唔該退位讓賢啦！

最後當然要講講響成場516鬧劇入面，完全袖手旁觀嘅鄭松泰。即係無論熱狗響呢件事上面點七都好，至少佢都有一套政治邏輯：當日你班飯民成日屌９熱狗勇武抗爭嘛，話佢地衝擊立法會係搞禍件事丫嘛，咁今日咪聽林卓廷所講，堅守「人類文明底線」乜都唔做囉。

即係而家成班黃屍走去瘋狂譴責鄭松泰為乜？就係要搵佢做遮醜布，以「至少比熱狗好」黎掩飾自己嘅無能之嘛！我覺得你鬧鄭松泰係無問題架，但如果佢係抵鬧，咁響呢兩次內會鬧劇入面，行行企企果班功能組別「五散人」莫乃光梁繼昌陳沛然李國麟葉建源、剩係識猜枚手指指果班公民黨張超雄梁耀忠，直頭唔知去撚咗邊嘅涂謹申，全程覺得自己身嬌肉貴唔撞得嘅毛孟靜陳淑莊，全撚部都無資格再做垃圾會議員，同鄭松泰一樣，都應該立刻全體總辭謝罪！

講番鄭松泰，佢話佢只係會響議會做番自己嘢──個問題只係，今時今日個垃圾會已變成橡皮圖章，你做嘅「自己嘢」仲有咩意義呢？你嘲笑班飯民響度做戲扮嘢，但問題係當你連「戲」都唔交，我實在搵唔倒咩理由要投你一票。冚家焦土吧。

【人物】湯駿業跳出舞台 泰國走鬼賣西多士
2018-02-20 LifeStyle Journal

打工仔每天為兩餐營營役役，窮盡一生努力都未必有出頭日，所以做老闆是不少人的夢想，但創業之路往往困難重重。

「當年我們是零蚊做老闆！」一向喜歡跳舞唱歌的湯駿業，2003年和邵美君、梁祖堯創辦風車草劇團，既是老闆，又是演員，歷年來創作和演出無數具本土特色的舞台作品。

在劇場成名後，近年積極參與音樂創作，除了唱歌出唱片，最近更和拍檔梁祖堯擔任ViuTV電視節目《老闆咁易做》主持。提起做老闆，他感受特別深。

「近期日日忙睇樓、排戲，搵新studio。」訪問地點位於牛頭角大業街一幢工廈內，那是風車草劇團的studio，一想起3月底被逼遷，湯駿業不禁皺眉。

對許多劇團來說，要持續發展藝術，一個穩定的「竇」（排戲的場地）相當重要。他無奈地說：「劇團在這裏已經3年多，如今又再被逼遷，整幢大廈被大業主買了，要改裝成酒店。沒有辦法，現在很多工廈都改成酒店，我們無大財團支撐，惟有靠自己，演完3月的音樂劇就會搬走。」

踩入電視做主持

湯駿業於香港演藝學院主修表演，2003年畢業後跟師兄梁祖堯、師姐邵美君創辦風車草劇團。「回想當年，我們入紙申請政府funding，但我們得到的回覆是，提供不了資金，但有場地搞show和豁免費用。」

就這樣零成本下，3位對演戲充滿熱情的年輕人硬着頭皮冒險。「第一次在牛池灣文娛中心劇場做《風吹憂愁散》，共800幾名觀眾，扣除各種宣傳費和人工，我們賺到3000元，最後全數請了團隊吃飯。所以是盲舂舂做老闆，賺不到錢，但賺到經驗。」他一臉滿足地說。

除了演戲，他和梁祖堯都饞嘴，熱愛下廚，憧憬過在香港開餐廳做老闆，但想到租金昂貴，又要物色和培訓人才，還辛苦過做戲，無奈放棄了。幸好，最近兩人因拍攝ViuTV節目《老闆咁易做》（逢星期三晚上10時30分ViuTV99台播映），一償心願。

節目中兩人只有2000港元的資本，走到泰國租了俗稱T2的Volkswagen Type 2老爺車作為移動餐廳，又在當地夜市賣小食。雖然過程中出現不少「甩碌」情況，例如兩人不懂開棍波車、做生意時被人驅趕，但憑着港人極強的應變及適應力，兩人最終成功回本。

湯駿業笑言：「做生不如做熟，無論表演抑或下廚，都是我們感興趣的事，將自己喜歡的東西與人分享，無往而不利。」他指，做老闆最難的是計數和搵客源：「去泰國賣當地小食，如青木瓜沙律、串燒，周街都是，我們沒有生意。」

他想起去英國旅行時，有鬼佬賣咖喱魚蛋，1英鎊一粒。他和梁祖堯為了止蝕，思考有什麼本小利大的食物，靈機一觸想到西多士。「在便利店買麵包、牛油、肉鬆、紫菜、不同口味的薯片等弄成西多士，一來材料易買，二來未見市面有人賣，阿祖更即興炮製，結果整隊crew都覺得好美味，推出市場反應超好，只是200多泰銖的成本，全部賣清。如果回港做生意，我相信這個有得做。」

無牌擺賣被監視

投身演藝界前，湯駿業做過樓面、散工、便利店職員和推銷員，更揚言是不要臉的推銷員。「中學時期第一份暑期工是賣電器，那時紫砂燉盅熱賣，店內阿姐教我銷售秘訣是先用味道吸引人，並指明要煲鱆魚節瓜瘦肉湯，不可以煲冬瓜湯，於是每朝我到街市買指定材料開舖煲湯，果然很有用，一煲冬瓜湯真的無人問津。」

泰國是港人熱門度假地點，因為拍攝節目，他第一次到象島、尖竹汶和羅勇，更首次體驗小販走鬼滋味。有晚他們遇上當地休班入境處職員，對方指攝製隊沒有飲食牌，不准拍攝和售賣食物。「我們是走鬼，當然無牌，待他離開後，即時問附近餐廳老闆可否繼續擺檔，餐廳老闆應允，但原來那個人在遠處一直監視我們和影相，我們無奈提早收工。」

另有一晚，他們計劃於夜市擺檔賣串燒，忽然下大雨。「大家都濕透，心情超灰，阿祖說照賣，我提議轉地方，大家意見不同，不過他是大廚，最後聽他話到街市買材料，並用1000泰銖買了帳篷，幸好最後雨勢變小，當晚做了1500泰銖生意，扣除食物成本，應該打和。」

旅程中他不忘於當地紅樹林附近暢泳、遊船河欣賞自然靚景，最難忘是到訪清邁大象庇護所。「大象是泰國旅遊業重要一環，以前幫人砍木，現在泰國政府不再砍木，同時要保護大象。於是有志願團體將本來在園林砍木的大象，放回自然環境棲息，在這裏我們見到大象開心周山走，遊客可以探牠們，而牠們不需要服侍遊客、背遊客上山。」

不過，拍攝期間他遇見野蠻遊客。「有個女遊客為了想大象講多謝，先餵香蕉，再用鐵針拮大象耳後，令大象痛到彈起，樣子似講多謝，我很不鼓勵這種將快樂建於大象痛苦身上的做法，太殘忍。」

3月再演音樂劇

拍完電視節目後，他忙於排練3月的原創音樂劇《哈雷彗星的眼淚》，故事以客機穿梭未來世界為背景，一家人重拾記憶為中心，一如湯駿業過去作品貼近港人生活。

他演盡小人物角色，舞台劇導演司徒慧焯曾形容他「節奏感強，排戲時有正面思維，什麼角色也做到」。他在《小人國》反串毒舌小女人最為經典，在《姬絲汀．羅和她的三個好友囉》反串亦大獲好評。

他卻認為：「我有很多limitation，不夠高大，不夠靚仔，不夠成熟穩重，做什麼都覺得不夠好，所以要求每件事都掌握好。」他最欣賞的演員是Philip Seymour Hoffman和Daniel Day-Lewis：「他們一旦進入角色，就忘記自身是誰，將自己轉化成角色，我都希望找到自己的特色、方法來演活每個角色。」

要數自己的舞台代表作，他毫不猶豫地說：「Avenue Q（《Q畸大道》）的Princeton，在美國百老滙睇這套音樂劇，就覺得表演難度高，既要演得感人，亦要唱歌一流，更難的是人偶合一。我要控制木偶的講話節奏、眼神是和我同步。」最後他很滿意演出，不僅成為他的代表作，更憑該劇提名舞台劇獎最佳男主角。「不知道之後重演有沒有人睇？」他充滿疑惑地說，看來除了逼遷問題，他要擔憂和解決的事情多着呢！

如果我係佐助型毒撚
雪人應該毒撚型佐助

這三年來做過的事，能令我無悔驕傲嗎？
　

不！傲驕或者都有少少，無悔就絕對講唔上，最後悔嘅，就係識咗一班黐線佬。

呢個社會係歧視毒撚嘅，所以當一個黐線佬單機黐線，我哋叫精神病發作，但當一大班黐線佬集體黐線，我哋就叫維持社會秩序，唔信你望下香港警隊。問題嚟喇，如果係介乎一個黐線佬同一大班黐線佬之間、幾丁毒友喺度互相揈丁丁呢？我哋有組醫學專有名詞去解釋呢個症狀：圍爐取暖。諾貝爾獎得主邱吉爾話過，沒有最黐線，只有更黐線，幾丁毒友搬埋個爐去沙漠圍，啪多幾箱過期靜心口服液都唔撚掂啦。係我唔好，我早就應該聽老母話要帶眼識人，家陣近墨者黑，玩鬆咗個屎忽，真係後悔都無用。

有見及此，我要另外撰文逐個鞭屍。為免 too long didn’t read，有興趣嘅朋友自己碌落啲啦。
　

一直有人問小弟（到底呢個句式我用咗幾多次？好心唔好成日扮晒有好多人走過嚟問我嘢啦死毒撚！）點解咁耐以嚟都無同曼波雪條合作。首先你哋要搞清楚，唔係咁耐以嚟都無合作，係咁耐以嚟你哋都未有得聽啫。由開 Channel 一週年構思到兩週年，再製作到三週年，時光這個壞人終於批准我喺遲咗13日嘅情況下放呢隻歌出嚟同大家見面，真係謝天謝地。舊年玩30日歌單嘅時候提過，小弟最初係想喺有生之年將「雪人」放入詞，後來食撚錯咗藥先用咗嚟做高登名同筆名，如今終於撥亂反正，足見主耶穌對我嘅恩典，阿門。

講開又講，Manball 同 Mercury 收到詞後都問我係咪食錯藥。嚴格嚟講，前者只係喺心裡問，後者問埋出口，Meanne 就直接去咗問曹宏威。我唔明喇，點解唔可以係之前三年嚟做嗰21隻歌嘅時候我都 keep 住食錯藥，今日終於唔記得咗食呢？我無食錯藥！我不知幾正常呀！
　

僅以此作送畀所有未黐夠線嘅黐線佬，特別係 Tommy Wiseau。

---------------------------

（以下內容冗長沉悶，並涉及大量粗鄙劣拙的小圈子語言，敬請家長及浸大校方留意。）
　

最近咁啱睇咗《荷里活爛片王》（The Disaster Artist），順手睇埋14年前嘅爛片經典《瘟室》（The Room）。

電影本身無咩發人深省的大道理，只係輕輕帶出咗一個問題：你為誰而創作？Tommy 仔憑住災難級嘅藝術思維，拍出一部柒到觀眾要恥笑嘅電影，為咩呢？老實講，拍嘢可以柒得過笑波子嘅人，根本就係神指派下凡嘅勇者。最難能可貴嘅係，Tommy 仔唔似王晶、Logan Paul 嗰類專門挑戰創作水平同觀眾容忍程度下限嘅垃圾創作人，佢係真心有抱負、有熱誠去拍部電影出嚟，只不過天分同熱誠唔相稱，結果將悲情故事拍成瘋狂喜劇啫。如果 Tommy 仔唔係個天真到有幾分低能、仲要隨時都拎到600萬美金出嚟燒嘅人，你唔會相信「夢想」兩個字原來可以擲地有聲。但又係同一個老問題：為咗夢想，你可以去到幾盡？

電影尾段講到 The Room 首映禮後，觀眾劣評如潮，但掌聲當動。Tommy 仔行上台，講咗一句：“This movie never happen without my best friend Greg.” 大師又好，爛片王又好，無人陪佢哋發癲，世界又點知佢哋真係癲？
　

呢三年嚟，要多謝（鞭屍）嘅人實在有好多，好多亦都已經多謝過好多次，但一直都無機會正正式式做一次呢件事，噉不如由頭嚟一次丫。
　

歌詞之所以有別於新詩，關鍵就係旋律同音樂。我知道我就噉 post 啲改編歌詞出嚟，下場會同貼喺燈柱上面寫住「死臭雞蔡X蓮欠債唔還錢落地獄」嗰類街招無咩分別，所以先硬住柒頭皮想令啲歌詞有聲。多謝所有喺呢條 channel 出過聲嘅主唱人，其實小弟真係無嘢可以回報你哋，出現喺呢度既無人氣亦無迴響，你哋依然無揸過流灘（就算有都唔好話我知，thanks），又唔同小弟計較。可能喺觀眾眼中，錄一首四分幾鐘嘅歌同行入K房拎起碌嘢鳩歌一曲無咩分別，但我好清楚錄歌要花幾多心機喺入面。燒咗你哋咁多時間同心血去完成小弟一堆又一堆自私兼小家嘅心願，講起都覺得慚愧。
　

Himz，你係呢條 channel 嘅開荒牛，通常破處嗰下都特別刻骨銘心。其實我哋理應早就相識，但緣分呢家嘢就係咁仆街㗎啦，就算我哋早啲熟絡，我都未必有資格同你合作，依家都總算係不遲亦不早啩？

Looper 兄、柒叔，我次次都搵你哋唱啲騎呢怪雞主題，搞到你哋有份參與嘅作品變晒砲灰，真心好對唔住。請你哋畀多少少時間小弟，我相信始終有一次我哋嘅合作會中。

Binary 兄，我哋由喺膠登錄下歌仔，去到終於一齊做歌，其實都唔算經歷咗好多，但每次同你傾計都好似搵返個老朋友一樣。放心，唔係笑你老，純粹想兜個圈讚我自己心境年輕啫。

花生兄，小弟到依家都唔敢相信我有同你合作過。作為最後一個有機會同你合作嘅改詞撚（《心聲的引子》唔算數吧？），我想話，攪屎棍真係好正，你哋千祈唔好放棄。

KingBeck，小弟寫廣東話改詞，從來都無諗過會有香港以外嘅人類留意到，多謝你帶小弟衝出香港。衷心祝福你嘅新旅程順利愉快，但記得千祈唔好放低音樂啊！No music no life！

傷爺、無丁，文字係無辦法講出小弟對你兩位嘅愛，要知道盲嘅都睇得出，呢條 channel 有一半人走入嚟都係為咗聽你兩個。多謝兩位喺無數夜深為小弟做心理輔導，又從來唔干涉小弟寫啲咩狗屎垃圾。
　

當然唔少得要多謝所有幫過小弟寫字幕嘅朋友仔，特別係齊下巴打。小弟兩度請你一齊玩，唔單只係因為你係我朋友，仲係因為你對你自己手字好執著。做自己喜歡嘅事情就應該執著到底，呢點係你啟發我嘅。我甚至懷疑，你可能係呢三年嚟影響得我最深嘅朋友，縱使我哋唔算有太多一齊玩嘅機會。（事實證明小孩子唔打機係會損害朋友之間嘅友誼，煩請所有家長立即注視呢個嚴峻嘅社會議題。）只可以話，你出現喺我嘅生命，遠比你手字出現喺我啲創作嚟得珍貴。我知丫，你實係當我鳩噏緊。
　

睇到呢度都仲未撳下面條 link 嘅你，我想話你知，你嘅人生真係好枯燥。
　

多謝所有無出現過喺我 channel 入面但同我呢三年內發生過關係嘅變態佬。首先多謝咁多位戇鳩詞撚，我無諗過寫改詞真係可以呃飯食，呃到你哋出嚟一齊食飯、飲酒、講詞經。水兄、梁夕、凱笑兄、流觴師傳、DC 兄，搵你哋出嚟吹水總係吹到唔捨得停，希望你哋個老婆都係噉。OK 爺、Lomin 大佬，你兩個話我知今日嘅年輕人仍然好有想法，仍然好值得敬重。多謝山卡啦幫我改名做程嘉洋。多謝其他只係喺網上神交過嘅高手同詞撚，單機無雙、一聲冷笑、纏玉兄、小淇兄、QBear、困獸鬥、沙爹嘔、手指有愛液，以及所有一直為改詞默默努力嘅詞撚、歌手、剪片手、混音師等等。多謝 Mustc 喺我仲未知想點玩落去嘅時候已經唱小弟嘅詞。就係因為有你哋一齊玩，先可以玩得咁開心咁過癮。#metoo

之後多謝膠登音樂台。好多人唔知道小弟當初喺嗰邊玩過，係呀，「出詞發燒友」呀，個名勁尷尬嗰件蛋散呀。小汀、Tommy，你哋係全地球頭兩個願意將小弟嘅拙作製作出嚟嘅人，嗰一刻我就好似一出世擘開眼就見到老母微笑嘅塞竇窿一樣，終於知道世界上係有人在乎我。請原諒我無同你哋一齊捱落去，我認我係不孝子，毛都未生到條就想飛，但你哋都繼續支持我鼓勵我，令我真心相信小汀會係一個好老竇。父親節快樂啊。
　

多謝豬鼻，雖然同你嘅合作啱啱先開始，但我哋好似已經識咗好耐噉。其實你做到嘅嘢絕對比你想像中多，唔好再睇死自己喇。BTW，個海軍仲有無搵你？
　

多謝心事台五條友（呢度無人知道你哋係乜水㗎喇，自己對號入座啦）。呢四年我成日彈出彈入，又好似好嫌棄你哋噉，但你哋點都會搵返我返嚟。我都知有時我係個好難被理解嘅人，因為我自己都唔係好理解，多得你哋仲有耐性收留我呢條撚樣。特別要多謝 Harry，如果唔係你煽風點火，又幫我做晒所有前期功夫，成條 channel 根本唔會出現。你成日好擔心你隻雪人公仔（icon 嗰隻）幫唔到我走得更遠，但我想同你講，我已經走得更遠。
　

唔好話我知你仲睇緊呢篇垃圾呀。珍惜光陰啦，年青人。
　

仲有兩個人。

一個係插畫巴打 Mercury。總有人會以為小弟係有心走「藝術路線」，但都係嗰句，小弟從來唔覺得自己係做緊藝術，呢啲錯覺完全係出自你一個人嘅努力。兄弟嘅嘢唔使下下講出口，亦都唔太需要旁人理解，我哋兩個明白就夠喇。Next。

另一個唔開名喇。我知你好憎我多謝你，但我鍾意呀，吹咩？包括你在內，基本上無人可以理解你一直以嚟嘅鼓勵對我有幾大意義。或者喺其他人眼中，我哋係兩個完全唔同世界嘅人，但我同你都知道，就算我哋行緊兩條睇落唔交疊嘅路線，事實上都係同一條路線，只不過係喺各自嘅舞台上做自己最擅長嘅事。出面嗰啲負皮、指控、壞印象，同我眼中嘅你從來都係兩回事，我更加相信你唔會屈服於呢啲 bullshit 之下。可以同你一齊努力一齊玩，係我呢世仔到目前為止最光榮嘅事。
　

仲睇緊？成個網媒生態畀你搞彎晒喇！
　

當然仲要多謝終於可以正式合作嘅 Manball。由我屎忽痕打上你個台度鳩噏一整個深宵，到後來無所不談，都係我做咗改詞之後最意外嘅收穫。曾經有朋友送過小弟一句：「帶刺的你，其實最善良。」我總覺得你比我更有資格收養呢句說話，希望自此之後你可以同真嗣BB互拮。（嗱，唔好 #metoo 我呀！已經寂寂無名㗎喇！Tag埋就身敗名裂㗎喇！）得喇，請食飯丫嘛，知㗎喇。

最後最後最後，再一次感謝所有一路上支持小弟嘅聽眾們，你哋當中有啲仲成為我好朋友，有個仲幫我寫埋字幕，實在無言感激。
　

點解我好似講緊遺言噉？我曾經同 Mercury 草擬過一個 channel 未來發展藍圖，提議呢條 channel 做到第25隻歌就關門大吉，而當時嘅諗法係，你哋依家聽到嘅呢隻就係第25隻歌。藍圖歸藍圖，發展大計早就同鄭若驊一樣，僭建到不知廉恥。但我仍然想將呢隻歌當係最後的歌，送返畀我呢班可愛嘅戰友們。沒有你們，我甚麼都不撚是。多謝你哋。

（論文字數：3603）