＃做實事
＃靜靜地贏
當有人問我做過咩既時候，我次次講，樣樣講，一係可以話：你使唔使少少事都拎出黎講。再唔係，佢地可以選擇睇唔到。
就講好耐之前一件事丫？有一個國家既獎學金，係回歸之後，係將香港同澳門既名額放入中國入面計，話既然香港同澳門已經回歸，香港同澳門學生，應該當中國學生處理。事實係，鬥背書，香港人唔會同中國人鬥得贏。咁做，即係呢個獎學金，以後都唔會有香港人份。當我叫學成返黎，我都同官方人員開始有少少接觸，我第一件可以希望佢地考慮既事係，可唔可以當我地係APEC區，我地教育背景唔同，英文數學等等教程都唔同，視野又唔同，香港學生都值得有一兩個席位丫？
之後，就有香港學生可以去返啦。拿，表面任何文書，係冇改動架。大家唔出黎claim 成功爭取，靜靜地贏，等香港d 相對冇咁有錢既學生都可以拎獎學金去留學，好似我呢種人咁，有得以讀書去盡量自我提升，我算唔算做左件好事？
我自問我自己唔使落十八層地獄，升返兩層，我估呢件事，都應該積返d陰德值卦？
但而家，靜靜地贏冇用架。要畀人拉，拉完好多人洗版，就叫係功勞。
係呢個香港，唔係真係需要做實事，大家都只係要偶像派。
P.S. 而家真係有人光復上水啦。唔知以前去過光復上水遊行既人，知唔知有個蠢人，開左一間鋪，叫 上水貨舖 Be WaterMart ？ 正正就係水貨街。賣既，係香港製造既產品。我既《未敢忘記 2019／20》最後既貨尾，係佢地度寄賣，所有收益都會交由 未研香港 Made in Hong Kong Great Again 再本土製造人力資源既孵化用途。呢d 叫唔叫實事？果個話我老，人身攻擊我果個中大數學系自稱phd 那一名自稱高級知識份子，有冇睇到？果隻牙石KOL，係咪盲撚左？（應該都係。）有時唔係唔識還拖，而係覺得還拖，根本就唔係做實事。我成日都想同佢地講，咁憎我，做d野出黎幫人囉。幫到既人，全部都記得我。只係當佢地害我既時候，我都會好好記得。呢篇特登用廣東話寫，唔知廣東話文學雜誌既讀者又會唔會覺得我影響左佢本書呢？
水貨街 在 2022．8．4行水貨街.関閘廣場 - YouTube 的推薦與評價
4K Shanghai Spring Virtual Walk Tour 2022 at Local Shopping Street 上海春天漫步-四川北路商业街-多伦路文化名人街-甜爱路-鲁迅公园. ... <看更多>