日子就是這樣過。就夠了。
這兩天，天氣特冷。昨晚31號除夕夜。米米話好想好想係米媽房露營⛺️，佢真係非常之想。
但係米爸一直堅持話天氣太凍，地下太寒，點都唔俾。 米米望著米媽。
米媽原本都話唔好喇。不過見米米嘗試以退為進，話我真係好想，不過如果媽咪你都話唔得既話，咁我就聽晚先黎露營啦。 之不過我真係好想呀。😂
米媽其實唔係次次都會應承米米，不過想說除夕夜，好想聚埋一齊。子女在旁，比咩都重要。
於是同米米講，不如我地嘗試一下。如果成功就可以，好無。
跟著就大工程喇。😂😂
先係地下先鋪一大張厚地墊。再上面開營幕，入面再放子床既床褥，（估唔到剛剛好！）
之後再鋪一層羽絨被。 米米再著睡袋，再蓋羽絨被，拉埋成個帳篷，天窗有空氣，就完成！仲溫暖過我地。😂😂
花花就，日頭過黎玩，夜晚訓前又黎玩，不樂亦乎。
兩姊妹呢兩日玩到顛左～～
#永遠唔好第一時間就用理性去拒絕小朋友既天馬行空
#無謂既堅持有時唔係好需要
#嘗試一齊去試下都無傷大雅
#童真無價
#陪伴無價
