八字唔夾的STAYCATION😟 ~ #沙田帝逸酒店
7月尾一行十人訂左3間房，為左想大家游到水，前一日打去酒店問點訂泳池~
答案係，每日中午1點可以開始訂~
問題黎啦 :
1點正常未CHECK IN, 無房No. 點訂呢？ 😟
明日 CHECK OUT 11 點， 想訂第2日都訂唔到啦……
酒店客服回覆，可以早check in, 攞左房No 去訂泳池先
於是當日九點起身，十點去到石門，飲埋個茶，12點未夠去到酒店 check in。
前枱姐姐幫我搞左一輪手續。之後話手續做左，但未有room no. 未有房攞………要3點返黎攞房……….. 搞左咁耐，咁阿姐姐搞左咩呢？
(重點係隔離一齊CHECK IN 個家人已經攞哂鎖匙上房😫)
我話客服唔係咁講。同埋，我唔使要房，我要房No. 到時去訂泳池就OK。 答案係，無…….
咁我地要求 ，無房 NO. 我地訂唔到泳池，定你可唔可以幫我地安排左一節泳池先。房唔要住都得
答案係，泳池已FULL 哂 …………………..( 1 點先開始訂，但 12點同我講已FULL ~~ 咩玩法？) 😶
中間太長~~SKIP
👉最後………… book到第2日 1 點45分去游 ，但落水5分鐘，雷暴警告要上水
👉3間房12點同一時間 CHECK IN , 第一間 1點攞到房，第2間 4點先攞房，第3間，5點先攞到房 (我地已講明唔使同層，求其俾間房我地就得, 我地都好乖3點已經即去攞房) 見不停有人上房，唔明點解我地咁早CHECK IN 但一直未有房
其實呢間酒店又唔係太差，都有吸引既地方
👉價錢抵 普通房 五百蚊，加大床都係七百幾蚊
👉新開酒店，硬件唔會殘得去邊啦~ (新開酒店，竟然無USB 插頭，估佢唔到)
👉對面係歷奇單車公園，有得踩單車 (但公園無車租，酒店租單車數量有限。輔助碌只合3-8歲, 所以去完後我即帶阿女去柴灣學踩單車囉~😂)
👉近石門，搵食容易，交通又方便 (推介陳根記，服務好，味道好)
👉無邊際泳池，打咭一流 (玩左五分鐘，全家照都無影到)
👉 酒店每人送一杯WELCOME DRINK, 我地買個CAKE 坐係LOUNGE 度食 ，D CAKE 幾好味
👉 早餐 90蚊 的BUFFET 質素唔差，要記得Check in 時訂埋, walk in 要 98 (前枱姐姐又係答我無得訂，最後好彩問左經理先知有)
成件事我只覺得酒店安排好鬼異，究竟點樣先可以訂到泳池？ 有冇人可以敎敎我😩
#staycation #BOOK泳池大作戰 #帝逸酒店
沙田單車價錢 在 大圍添好運單車積壽里3號 - Facebook 的推薦與評價
3678 likes · 47 talking about this. 專營來回沙田至大埔之單車租賃(交車點可於: 沙田/大圍/馬鞍山/大埔/大尾. ... 價錢仲係蔗渣咁嘅價錢 燒鵝嘅味道 原價$5800 ... <看更多>