【 #他們的愛情故事 - 加埋就快150歲！德國老夫婦堅持著情侶裝 】
有時喺條街見到啲公公婆婆老咗仲會拖住手，內心就會暗暗羨慕流晒口水：第時80歲都要咁樣拖住BB！（一定有人要㗎你估你？無恥！）其實之所以會覺得啲老夫婦咁sweet，除咗因為一齊咁多年都咁恩愛，仲鍾意佢哋唔怕肉麻。你知啲老一輩最興話：都幾十歲人咪搞啲肉麻嘢，但我就係80歲都要拖手啊，吹咩？
.
而最近德國就有對超Q老夫老妻意外爆紅，因為佢哋加埋就快150歲，但唔只會拖手，仲會風雨不改襯好一set復古情侶裝出門。爺爺Günther同奶奶Britt一齊著住同色系禮服，帶住煲呔同小禮帽，就好似80年代電影入面啲紳士淑女咁，非常有質感！
.
呢對時尚夫婦嘅成名之路，其實要追溯到2015年，時尚雜誌Vogue嘅攝影師喺柏林尋找街拍對象，最後鎖定咗呢對可愛夫妻。爺爺受訪時被問到點解咁潮，非常溫馨咁回應：「我們不是時髦前衛的人，只是懂得如何做自己，這樣穿很開心！」簡單一句，就演繹咗佢同老婆嘅穿搭哲學。或者最好嘅愛情，係兩個有趣嘅靈魂都可以唔在乎人哋目光，喺對方面前毫無保留咁做自己～
.
#高質情侶裝 #唔係著同色tee嗰種 #爺爺仲話老婆係柯德莉夏萍 #括弧80歲 #如果有人問我點解咁潮我實好爽 #老人家愛情 #老夫老妻 #情侶裝 #情侶 #愛 #愛情 #語錄 #拍拖 #香港
.
即like 港式情侶 HKstyleCouple 緊貼更多港式愛情生活資訊❤️！
IG : https://instagram.com/hkstylecouple
歡迎Dm投稿戀愛趣事，我哋等緊你㗎😙！
港式復古穿搭女 在 港風穿搭重點2023-在Facebook/IG/Youtube上的焦點新聞和 ... 的推薦與評價
港式 妝容，強調的是自然嫵媚的女人味，細看整體妝感其實很淡，重點在眉眼與. ... 女復古港風穿搭分析：女復古港風穿搭，穿衣服其實也是有技巧的，穿衣服的宗旨就是變得 ... ... <看更多>