轉載：專跟電費問題既記者朋友話：每年加電費都好難忘。
今年由發電燃料開支入手。2008年時任環境局局長邱騰華力撐「西氣東輸」計劃，用管道從9000公里外輸入天然氣，否決中電興建造價逾百億液化天然氣接收站建議。當時邱騰華拍晒心口話「（西氣東輸）協議有助減輕未來電費上升的壓力，對中電客戶來說，應是好事。」
2013年中電開始從國企中石油逐步引入「西氣東輸二線」天然氣。當時記者接觸到國企中海油的消息人士，佢已經質疑液化天然氣越來越普及，而2014年港燈換新買氣合約，從卡塔爾和澳洲買天然氣，價錢一定平得多。
結果消息人士預言全中，2014年港燈換新買氣合約後，5年間比起中電買氣成本平4成，「西氣東輸」變貴價氣，如果中電跟港燈採購，5年間可慳120億買氣燃料費，個價錢等於當年中電建議興建液化天然氣接收站造價。
中電電費無平到，邱騰華當然無後果，之後歷任特首辦主任、商務及經濟發展局局長。
香港最終走回頭路，斥資逾50億興建海上液化天然氣接收站，從世界各地買液化天然氣，希望可購買到價格有競爭力天然氣。但西氣東輸個合約為期20年，係咪可以話唔要就唔要？現任環境局局長黃錦星星期二被立法會議員問起「西氣東輸」好貴，仲厚臉皮話有「先見之明」，已拍板興建海上液化天然氣接收站。而個站要2021年尾落成。
明年兩電都增加天然氣發電比例，中電由29%增至50%，港燈由3X%增至50%。原本兩電計好晒要大幅加價，但撞正社會怨氣衝天，於是兩電用盡儲備，政府大灑金錢，明年每戶每月補貼210蚊電費。用電唔多家庭幾乎係免交電費。但加咗嘅電費遲早要還，當政府唔再補貼，市民自然會感受返真實電費加幅，有學者話會係雙位數。
電費補貼會唔會成為「新常態」？以後持續用公帑去幫兩電掩飾加幅？紙包不住火，總有一日補貼唔到落去，但到時可能係新一屆政府嘅問題。
港燈 發電比例 在 【港燈南丫發電廠燃氣聯合循環第11號發電機組併網 ... - YouTube 的推薦與評價
【 港燈 南丫 發電 廠燃氣聯合循環第11號 發電 機組併網儀式】【HK Electric Lamma Power Station L11 Synchronisation Ceremony】. ... <看更多>