《終於食到令我滿意嘅上海菜。湘川滬》
我都幾鍾意食上海菜，但係要搵到好食嘅上海菜就真係有啲難度，一係太油一係就太乾，以前都幾鍾意食夏麵館，但係最近一次去食嚴重跌watt😟啲小籠包勁不新鮮好似翻蒸咁，真係好失望😞
本來都對食上海菜冇乜好大期望，直至早前我朋友帶我去食呢一間在天水圍的上海餐廳，真係成個胃口返晒嚟！真心得！
食上海菜我一定會食佢嘅小籠包，呢個係最考功夫同最見證到間餐廳係唔係真材實料！但係佢呢度嘅小籠包絕對冇令我失望！皮薄餡靚，隔住個皮見到入面嘅湯琅琅下勁吸引，中間嘅肉和湯又夠鮮，我最鍾意咬個小孔，然之後吸晒佢啲肉湯先！超級正呀，$38/4隻，我真心可以食好多籠😎
前菜雞絲粉皮$55又係另一道我食上海菜嘅食嘅菜式， 以為佢會好細碟，點知份量可以叫一個女仔夠食，粉皮夠煙韌雞絲都幾多，最正係啲青瓜刨成絲，加埋醬撈埋一齊食非常清爽。
跟住我們點了半隻脆皮風沙雞$98, 皮得夠脆唔會話好油，肉質都算幾嫩，最正係佢上面嘅風沙即是炸蒜，香口得來又唔會太乾👍
食咁多肉我哋仲叫咗個沙鍋津白什錦煲$88， 份量好大，不，係超巨大！今年除咗津白仲有粉絲同埋豬腩肉，粉絲索曬所有嘅湯非常之入味👍😍咁大一鍋先至$88，當湯當菜乜都好啦😋
主糧方便我哋叫左炸醬拉麵🍜$45, 勁多炸醬同埋青瓜絲，佢嘅拉麵有啲似米線，煙煙韌韌撈埋濃濃炸醬都幾好味😋
總之呢一餐我同朋友都覺得不錯👍平時食上海嘢總有一兩道失手，呢度每道料理嘅份量同埋味道都平均中上，可見大廚嘅品質管理非常到位，如果食上海菜吃貨推薦呢間俾大家😋不過我見佢嘅分店只剩下天水圍同埋粉嶺，想食好嘢嘅朋友就去遠啲啦😅
___________________________________
店名：湘川滬 (天水圍)
環境🏝：8/10
服務💁🏼♀️：8.5/10
價錢💰：7.5/10
食物質素🍝: 8.5/10
整體🙆🏻♂️：8.5/10（吃貨推介👍）
地址：
天水圍天恩路12-18號置富嘉湖二期2樓216A及F舖
