（醫院過敏科的真實體驗...下🙈）
上次出完post~大家都好奇32萬，西醫最新的治療方案是怎樣的，現在我就用一個患者的身份跟大家講解一下～
（事先聲明：我沒有任何實質的醫學背景，以下是我上個月到養x醫院過敏科的真實經驗分享。身體是自己的，你們決定如何治療我管不了，這是我的個人感想而已😆）
首先，是比較貴的生物製劑治療方案。
西醫見你有開放性傷口，都會覺得「好嚴重」、「好易細菌感染」、「一定要制止咗先」。
而生物製劑，就係佢哋口中最新最冇副作用嘅方案，係打針嘅，係針對你嘅發炎細胞抑制發炎嘅原理，話比類固醇更安全無副作用，三歲小朋友都可以打。
價錢係大約一萬蚊一支針，第一次要打兩支，之後每兩個星期打一支，療程冇話幾時完，要打到你全身嘅濕疹敏感都好返晒先可以停，大多數病人九個月至一年就可以停。（我當一年咁計，價錢就已經係25萬左右，未計任何藥費）
但咁貴嘅療程，你以為已經標又治本嗎？醫生話唔係嘅，以上生物製劑只係做到一個即時抑制嘅效果，係未能完全「根治」過敏嘅。如果你想完全根治過敏，需要進行一個為期三年嘅舌下脫敏療程。
醫生會根據你嘅igE驗血報告，睇吓你嘅身體對啲咩食物又或者環境因素有即時性過敏反應，從而再整返適合嘅嘢（醫生堅稱係天然嘢），好似食藥咁日日食就得，醫生話效果好好，幫佐好多病人解決過敏，但一定要完成三年嘅療程。呢個療程大約係$8xxx三個月，啫係九萬蚊左右三年。
然後佢又好搞笑地食咗誠實豆沙包，同我講話外國都有啲人完成咗三年療程之後，可能過幾年又有少少過敏反應，會再返嚟再幾個月嘅脫敏療程，又可以再延長個免疫效果幾年咁。
咁都唔洗講我最後有冇做啦，就係冇😆
除咗價錢，我仲有以下嘅考慮：
1. 我真的不相信西藥沒有副作用
你就是打死我也不再相信西藥沒有副作用， 10年前佢哋都話類固醇好安全，而家咪話類固醇唔安全，以上所謂最新嘅療法都係得幾年貨仔，係有副作用都未真正顯現出來啦...
而且當我問咁可否懷孕？醫生都窒咗一下，話唔建議喺治療期間懷孕...
2. 有不成功的例子
以上治療方法係外國已經一段時間，比較多實際案例，香港只係一至兩年左右。 有睇過外國谷，其實都有失敗嘅例子...
3. 一時定一世？
選擇以上方案嘅患者，通常都係頂唔順戒類固醇過程中嘅地獄過渡期，真係唔想影響正常生活而選擇以上方案。 但你問我，見過鬼真係好怕黑，我真係好怕好怕... 西藥幫到我一陣，之後又會復發 / 有副作用，到時要再戒藥，就會辛苦過而家100 倍....
4. 年紀
其實我諗過好多次，如果我係40歲或以上先發得咁嚴重，想下半世好過啲，可能我都會選擇繼續行西醫嘅治療方案 ... 但我係二十頭已經認識類固醇上癮，呢兩年努力一粒西藥、小小藥膏都唔肯用，都係為佐養好身體.... 我真係唔想咁後生就要長期依靠西藥
5. 我過敏的只有塵埃？
如果我嘅驗血報告係滿江紅，做脫敏療程可能都抵啲啊，一次過可以食返好多嘢，但我竟然只有塵埃沒有食物敏感，完全唔覺得要因為啲塵做一個三年嘅療程...而且塵埃一365日都有㗎啦，但我唔係365日都發喎... 咁做佐真係對我有用？
6. 深信身體的自癒能力
捱過佐N次大爆發，之前爆到九彩都好得返，冇事嘅時候，素顏我都好有信心，所以醫生一話我會感染呀咩咩咩菌好嚴重，我都一笑置之... 醫生呀，我夠知用藥就好啦，我唔用藥都好返N咁多次，仲叻過你呀😆😆
第二次去見醫生，除咗傾左以上治療方案，因為當時雙手仲有開放性傷口，佢都堅持要開藥俾我～然後我就用千幾蚊換佐堆藥返嚟看門口啦～當時我心諗... 真係touchwood 發到我頂唔到先再用啦唉... 好再，呢排就好返好多喇～所以堆藥都係繼續看門口😆
Update:
之前也有人在這邊留言，用了以上方案後康復了，所以我不是說這種的方案沒有效，但我心目中的康復不是一時，而是至少療程後3-5年沒有任何發作，也沒有任何副作用，對我而言才是值得這個價錢的治療方案。而根據我個人的資料蒐集和看過的案例，似乎沒有達到我心目中的理想效果，所以我不考慮了。
始終身體是自己的，你們也可以自行選擇如何治療，我只是提供多一個參考😘
