烈火戰車
自從豬豬會行之後，真係好頭痕，佢每日都推住佢架粉粉walker 行嚟行去，個背影好似執紙皮嗰啲阿婆咁。
豬豬以為自己哈利波特，喺9 3/4 platform，架車明明已經撞牆，佢仲要不停狗撞，屋企啲牆都傷痕累累了。 同埋我發現佢都幾黑心㗎，會揸住架車撞向可憐的小狗。
每次開房門， 廁所門，豬豬都會亂入。 每次入房，去廁所，都要同佢鬥快閂門。 阿媽老喇，唔好咁玩啦。
開放式廚房係一個問題，豬豬鍾意玩洗衣機，焗爐，仲有不停開閂個垃圾桶，好不情願，我終於喺廚房裝咗個豬閘 (有興趣可以pm我攞link ，$100，幾好用) 。
自從廚房加裝閘門之後，每次入廚房( 即使只係沖杯茶) 都會有四隻眼望實我，好搞笑呀。
#育兒日記 #育兒生活 #新生兒 #寶寶 #寶寶日常 #育兒好物 #育兒神器 #成長紀錄 #全職媽媽 #媽咪 #親子 #育兒 #嬰兒 #新手媽媽 #Hkmom #hkmother #hkmommyblogger #hkmomblogger #hkmommy #成長日記 #寶寶成長日記
