今晚呢個post係為新手叔仔巳寫，佢買了 #PhillipsXXL空氣炸鍋，做了一隻焗豬手覺得衰咗，佢的食譜不是出自文迪，所以唔關我事🤣🤣🤣，佢sent 咗條影片俾我睇👀，我發現幾個問，所以襯呢個機會，同大家分享下空氣炸鍋小貼士：（歡迎分享給AF之友。）
1, 焗豬手需要排油和脆面，應該用網架焗豬手。
2, 因豬手接近發熱線，如果搽蜜糖會好易燶，所以焗全雞或豬手盡量避免搽蜜糖，如果一定要搽蜜糖，時間一定要短和經常打開櫃桶目測。
3, 想焗出來的食物效果最佳，不用錫紙或牛油紙墊底，熱氣流先發揮最佳效果。
4, 如果懶洗鍋，錫紙只能放網底。
5, 煎pan配件幾時用？想食物有煎效果，就要用煎pan，例如煎三文魚扒、煎牛扒和豬扒。
6, 如果食物太輕身，請放入烤焗盤，可防食物移動。
7, 牛油紙/烘焙紙不能太大張，因為牛油紙接觸到發熱線會燃燒🔥，好危險😱。
8, 煮完飯可加熱水浸洗配件或飯後等空氣炸鍋巳攤凍才可以洗配件，配件不能🔥熱辣辣用❄️凍水洗🚿。
9, 發熱線都是攤凍後，才可以用濕布抹下，再用乾布抹乾。
10, 當清洗所有配件後，用布抹一抹不用乾透，放回機身，啟動AF溫度150度焗5分鐘，關機完成。（這個方法可幫助吹乾配件。）
11, 大清潔就要反轉部機，可以用梳打粉開水，輕輕噴下頂部，過一陣再用布抹走油份或用即棄廚房抹油紙清潔，再用濕布清洗多一次，吹乾後才可以使用。
另外分享下AF噴油樽和煎pan效果，之前在淘寶訂購的噴油樽，不小心打破了! 現轉用了 #百益橄欖油噴霧裝，今日測試焗油甘魚魚鮫，效果好似都唔錯。利用煎pan都可以煎出坑紋效果，放完食物要用鑊剷壓一壓塊肉，印出坑紋，食譜未寫，如果有需要我先寫文字食譜俾大家參考。
（睇回應都有得著。）
