如果大家有印象嘅話，應該記得之前我話要飛東京，見證一位老友嘅結婚簽紙儀式，冇錯！就係娶日本妹嗰位巴打，首先喺度祝佢哋永結同心，嗱嗱聲「必」個港日混血BB畀我玩吓。
今次日本之旅原本諗住輕鬆hea吓，不過同行嘅另一位朋友康仔就搞到我好困擾，佢見人成功娶個日本妹所以勁葡萄，嚟到之後晚晚捉我落bar，喂呀！我日文係有限公司，加上唔後生喇，有得睇冇得傾，會唔會仲殘忍呀？
後來有一晚佢終於唔去飲嘢，改為去新宿食dinner，諗住可以唞下啦，點知佢帶咗我去一間叫「相席屋」嘅餐廳，可能呢度有日本通已經知道係咩嚟，但我當時真係唔知，喺度簡單描述幾句。
「相席屋」係類似放題形式嘅餐廳，食物種類同味道就算罷啦，因為呢度主打speed dating概念，當客人一坐低，餐廳方面就會安排女仔同我哋搭枱食飯，期間仲可以不斷轉枱，總之大原則係男士入場要畀錢，全場女士就免費食飯，雙方覺得啱傾可以自由交換聯絡，就係咁喇。
我知道之後個心離一離：「康仔，我係咪得罪咗你而我唔知呀？」
康仔：「熱鬧啲唔好咩？你平時做headhunt都成日要接觸陌生人啦，寬容啲，笑下啦！」
我：「老尷喎大佬，平時做headhunt我唔使講日文。」
康仔：「明㗎喇，知你平時嗜好係行沙灘執貝殼同埋做義工，總之今晚盡情享受啦，信我，你一定唔會後悔！」
其實同康仔踏上旅途嗰一刻，我已經後悔咗㗎喇，佢喺今次東京之行嘅唯一貢獻，就係介紹我用無合約嘅自由鳥 Birdie手機 Plan，喺香港上台交月費，上網都算快，而且旅行數據又唔係貴，日費計之餘仲可以用勻全球超過60個目的地，相席屋當晚就係靠佢嘅data救我，點解？我唔識日文，對面個日本妹唔識英文，成晚要開住個google translate交流，真係好浪漫囉，食完餐飯仲攰過返工。
我：「多謝你呀康仔，不如唔好再搞事喇好嘛？」
康仔：「係咪好介紹先？」
我：「其實我淨係鍾意港女，港女係全世界最好，沒有之一。」
康仔：「我係指自由鳥，喺香港已經叫你用，數據P2P服務可以將用唔晒嘅數據send畀你朋友，即係我，有禮物有戲飛畀你搶，無合約無行政費 ，推薦畀friend又有錢分，即係好似相席屋咁，我有好嘢都介紹畀你啦，最近好多公司宣傳日本移民，又話十幾廿萬搞得掂，使鬼咩！娶到個日本妹之後，將來咪可以搞永住囉！」
其實旅行同埋生活係兩回事，溝通到先係最重要，有共同話題差好遠，而且搵食環境都需要考慮，我headhunt公司有唔少日本客，深深體會嚟日本玩同埋嚟日本工作係兩碼子嘅事，你揀電話plan都識揀個最適合自己㗎啦，揀一份工作，甚至係揀一個老婆，道理都係一樣啫！
日本之旅結束後，唔使再晚晚對住邪惡軸心康仔，可以返自己間屋，唔使再去相席屋，我今次真係自由了。
#自由鳥Birdie #自由鳥Mobile #無合約 #無約嘅雀仔最自由
詳情：https://r.brd.hk/officedaily
