Search
道後溫泉，日本三大古湯之一，但係我就係冇喺嗰度浸溫泉！因為實在太好生意，人頭湧湧，完全冇晒浸溫泉嗰種舒適感，所以我只係喺嗰度飲咗杯啤酒。
咁遠水路去飲杯啤酒，呢杯啤酒梗係唔普通啦。間鋪頭就喺最出名嘅道後溫泉嘅右手邊，叫做道後麥茶館。除咗飲啤酒之外，仲有嘢食嘅，不過如果你過咗午飯時間去，佢係冇嘢食嘅，如果你唔講清楚，佢甚至趕你走！你要同佢講淨係飲杯啤酒，咁佢係會俾你入嘅，當然態度要良好啦。
如果你問我呢杯道後啤酒有乜咁特別，我可以講係香醇得嚟非常之道後。
#何嘉麗callmegaga #何嘉麗 #出街玩 #日本 #松山市 #道後 #道後溫泉 #道後啤酒 #道後麥茶館 #生日月照例唔喺香港
大榮燒肉喺今治確實非常有名，但係如果你問我，我覺得我第二晚食嘅嗰碗拉麵，更加精彩。其實係酒店嘅櫃檯哥哥介紹嘅。
嗰晚當我行出酒店嘅時候，見到周圍烏燈黑火，好似冇啖好食咁，於是就返櫃檯問吓有乜好介紹。佢問我想食乜，我話想食拉麵，佢就介紹我去光屋。
一路行過去，都係烏燈黑火，離遠見到有少少燈光，就係呢間拉麵。門口靜英英，都有啲驚，點知一打開門，原來都坐得七七八八。信心即刻翻返嚟，應該係本地人光顧居多。
選擇唔算多，都係幾款拉麵加啲餃子，幫我落單嗰個哥哥後生嘅時候，應該靚仔過劉德華（有圖），希望冇得罪華仔嘅fans！
跟住我就睇住佢煮拉麵，簡直係一場表演，你見到佢果窩湯面頭泡起嘅肉糜，你就知佢個湯好掂。拉麵上枱，我一啖飲落去，嘩，淨飲呢個湯已經值回票價。到最後雖然冇飲晒所有湯，但係都飲咗八成。食完碗麵攬住個肚腩返酒店，覺得咁肥法，真係抵！
#何嘉麗callmegaga #何嘉麗 #出街玩 #日本 #愛媛縣 #今治 #拉麵 #光屋 #老闆靚仔過劉德華 #肥都要肥得抵 #生日月照例唔喺香港
愛媛縣今治係一個好細嘅地方，亦都冇乜特別景點，今治城嘅天守閣亦都只係複製品，不行也罷。不過對於喜歡踩單車嘅人，今治就係一個名牌！
當然去得今治，而我又唔踩單車，就一定要有一間好地方食下嘢，至引得到我嚟。燒肉係我嘅飛佛。咁喺金治又點可以唔去當地嘅名店，大榮燒肉呢！佢呢個套餐4500円唔算平，但係勝在連牛柏葉都有，仲係黑色嘅，服未！
#何嘉麗callmegaga #何嘉麗 #出街玩 #日本 #愛媛縣 #今治 #大榮燒肉 #食燒牛肉會食到有牛柏葉都真係第一次 #生日月照例唔喺香港
喺日本蠔係叫做牡蠣，真係一搭船去到宮島，兩傍已經見到好多賣蠔嘅鋪頭，其中一個最勁 ... 廣島 #宮島 #嚴島神社#為食路上#牡蠣祝#只緣身在此山中#生日月照例唔喺香港 ... ... <看更多>
喺日本蠔係叫做牡蠣，真係一搭船去到宮島，兩傍已經見到好多賣蠔嘅鋪頭，其中一個最勁 ... 廣島 #宮島 #嚴島神社#為食路上#牡蠣祝#只緣身在此山中#生日月照例唔喺香港 ... ... <看更多>
生日月照例唔喺香港 在 #生日月照例唔喺香港 - Explore | Facebook 的推薦與評價
explore #生日月照例唔喺香港at Facebook. ... 得高同埋靚嘅，一定係將個腳踭踢向屁股，咁先至可以飛得比較高，當然如果你係一個彈跳力極高嘅人，就唔使做呢一個步驟。 ... <看更多>