Search
男拔 DBS Annual Dinner Performance 🎈🎈🎈多謝一班Committee 對我既肯定🙏鄧梓峰坐我前面 仲比佢唱左幾句🤪
1979年畢業舊生！40年仲keep到 bonding, 真係好impressive👏👏👏👏👏 同佢地一齊唱 氣氛超正💃💃💃
.
我畢業後40年會係點架呢？🤔
.
Vocal x Guitar x Backing vocal
✨✨✨Follow our official IG @shalosophy_live_music for Wedding & Event Live Music Production ✨✨✨
#HKannualdinner #hkeventband #hkweddingliveband #Weddingbandhk #婚禮樂隊 #婚宴樂隊 #活動樂隊 #晚宴樂隊 @ Royal Pacific Hotel 皇家太平洋酒店
「唔好再提結婚得唔得！」
拍拖中，好多開心事都會變成鬧交嘅導火線。
結婚，係其中一樣。
記得啱啱同女朋友拍拖嘅時候，同佢有好多承諾，講好幾多歲娶佢，去邊度影結婚，去歐洲度蜜月⋯⋯等等。
步入教堂，交換戒指，承諾一生，幾咁幸福。
但最近，一提起結婚呢兩個字，我同佢都會好躁。
我會話：「我計劃緊啦！而家錢都未儲到，點結呀！」
佢都嬲：「成日都話未準備好，到底你有啲咩計劃㗎？可唔可以講嚟聽下？」
身邊愈嚟愈多人結婚，我同女朋友都已經唔再係讀書時期無憂嘅情侶，原來真真正正要踏入結婚嘅階段。
兩個人都好大壓力，甚至有少少不知所措。
漸漸地，「結婚」係禁忌嘅話題，大家提都唔想提，本來好幸福嘅一件事，反而影響到感情。
有一晚，大家都心情好好，我又咁啱睇到Facebook有人結婚擺酒嘅相，同女朋友講：｢不如今日平心靜氣傾下結婚嘅事？」
女朋友問：「你指錢呀、買樓嗰啲？」
我擰一擰頭：「唔傾呢啲，一齊再諗下結婚之後嘅生活。」
女朋友即刻話：「你要幫手做家務！」
我都提出：「妳係咪晚晚煮飯畀我食先？」
女朋友擔心：｢日見夜見，到時一定對到厭！」
我安慰佢：「但到時我介紹妳嘅時候，可以同人講，呢個係我老婆。」
不過女朋友最想，唔係婚後要過啲好闊太嘅生活，只係希望兩個人仍然可以開開心心咁愛下去，組織一個小家庭，簡簡單單咁一齊變老。
當唔去諗結婚嘅實際問題，原來仍然係一件好幸福嘅事。
我哋因為相愛所以結婚，但好多時就因為結婚而令愛情有壓力。
求婚、影結婚相、行禮、擺酒⋯⋯等等過程，其實只係好短暫嘅事，成段關係，始終都應該以感情為先。
「你可唔可以試下攬住我，叫我老婆？」女朋友有啲怕羞咁問。
我冇答佢，用行動令佢感受甜蜜。
結婚，一定要開心。
【後記】為咗知道更多關於結婚嘅細節，早排去咗 The Royal Pacific Hotel 皇家太平洋酒店 嘅婚前導賞活動，體驗下結婚嘅喜悅。酒店最新推出婚宴優惠，可以用較少budget去舉辦小型嘅婚禮，但菜色依然有水準，場地夠大又冇柱阻擋，仲有靚海景嘅戶外證婚場地，仲提供700呎豪華出門房間等等。
一條龍嘅配套煩少好多嘢，新郎新娘可以專心幸福！詳情可睇：https://goo.gl/n5RLDN
