今日要介紹嘅呢間印度香料美食（Indian Spice Macau），原來已喺皇朝區屹立咗超過十年，同皇朝酒吧街只係一街之隔，離觀音蓮花苑亦只需要6分鐘嘅路程。店主Gagan係土生土長嘅印度人，家族喺印度經營嘅餐廳令佢萌芽咗對餐飲業嘅興趣，亦賦予咗佢管理餐廳嘅經驗，咁啱家姐因爲工作關係來澳發展，佢就跟隨其步伐，喺機緣巧合下嚟到澳門開展咗佢嘅餐飲業生涯，創立咗當年喺澳門首屈一指嘅其中一間印度餐 - 印度香料美食。
-
印度香料美食主打印度北部嘅美食，部份餐點潛伏咗波斯風味，博大精深嘅香料應用，令美饌成就出口味複雜、多元同充滿生命力嘅面貌，令食客們體驗驚喜浪接浪嘅印度香料之旅！
-
點爐烤牛油全麥麵包 $35
點爐現制酵麵包配蒜蓉牛油 $35
香濃番茄雞粒 $115
特殊香料多汁羊排 $55
印度特色灸烤乳酪大蝦 $145
-
特殊香料多汁羊排
選用脂肪分布平均嘅紐西蘭羊排，淨係醃製過程已長達二十四小時，入口不帶羶氣而且鮮嫩欲滴，用嘴巴輕咬就能展現骨肉分離嘅劇碼。
-
點爐現制酵麵包配蒜蓉牛油
呢款酵麵包即坊間普及嘅印度薄餅（Naan)，係印度料理中不可或缺嘅主食之人，嚟自北印度嘅師傅以熟練的手法搓揉麵團，再置入溫度可高達攝氏900 度嘅特製大窯爐內烤焗，成品酥香撲鼻，帶淩厲嘅蒜蓉香！
-
香濃番茄雞粒
軟嫩嘅雞胸肉以酸奶、芥末油、洋蔥末、辣椒同番茄等醃製而成，烤焗後就帶到番茄醬嘅懷抱，同店主推薦嘅點爐烤牛油全麥麵包可謂係天作之合！
-
香草馬鈴薯
店主話呢道菜式來源自媽咪嘅家庭式食譜，平平無奇嘅馬鈴薯，經芥末油、印度醬漬菜同神秘香料嘅洗禮後，頓時變成一道令人難以忘懷又壓場嘅菜式。
-
印度香料美食 Indian Spice Macau
地址：宋玉生廣場(皇朝)帝景苑地下
營業時間：11:00 - 23:30
#instagramfoodie #instafoodie #macaofoodie #macaufood #instafood #foodporn #澳門 #澳門obxxob #Macao #macau #澳門美食
皇朝酒吧區 在 澳門新口岸商住皇朝區酒吧街仍有嗎？｜漢倫記老鼠粉下午茶 的推薦與評價
【 皇朝 區下午茶】20221202攝｜澳門新口岸商住 皇朝 區 酒吧 街仍有嗎？｜漢倫記老鼠粉下午茶｜孫逸仙大馬路｜宋玉生公園｜NAPE Av.Dr.Sun Yat-Sen｜Hon Lon ... ... <看更多>