關於 租裙褂平 ，我們在網路上蒐集到這些相關的討論、資訊與評價

「而家做乜都要跟潮流啦。」瑞記繡莊老闆娘易太如是說。店舖從裙褂租借轉型至家品零售； 為了與年輕客人更易溝通，甚至在日常用語中「幾呎幾呎」的講法都改口用厘米、米。瑞記繡莊一直謙遜地與時並進，調整步履，可惜大氣候不再，全球暖化下，與天氣共生的行業注定命運不由自主。近日深水埗大南街老店瑞記繡莊不敵加租，宣佈將於6月結業。

由老闆易先生父親創立於六十年代的瑞記繡莊，昔日曾提供租借龍鳳裙褂的服務予新人。從前婚宴大事禮俗繁多，光是枕頭，為了取雙雙對對之意便要買4個，生意甚好；但如今家居空間越發珍貴，新一代更不會因舊有傳統多添雜物，加上婚禮從簡又轉趨西化；只剩昔日出租大戲戲服之用的「紅冠」、「華光師傅」等舊衣飾，現在冷清地懸在門外，無了期等待知音。

自從商店轉型，瑞記集中售賣寢具、竹蓆等家品，顧客從年輕至年老都有，有年輕一輩買給父母以表孝心，也不乏老一輩買給後生，將這些民間智慧代代相傳。談到鎮店之寶，老闆自豪地拎出一張過千元的「馬辰蓆」，其藤產自印尼馬辰，老闆娘補充道：「尺碼齊，品種多，出面大公司也未必有；而且兩尺半、四尺半的冷門半碼都有」。細看之下，每款竹蓆各有不同－馬辰蓆以人手編織，呈「人字形」紋路，冬暖夏涼，若然「色水靚」（即顏色均勻）、藤條幼滑，售價自然再貴一點，店內還有麻藤蓆、竹絲蓆、竹蓆等較相宜的選擇。至於寢具，有在香港半加工的木棉枕頭，軟熟之餘可以自行「upgrade」，調節內裡棉花或是放入油甘葉、蕎麥等安眠香料；以及彷彿古裝片才見到的「藤枕」，光看著都覺得硬，老闆易先生卻貪它涼爽通氣，每天睡覺都用著。

人情冷暖，並不是所有老店都有個恩商在背後支持。問及大幅加租原因，不無其他，本來就是商業世界利潤最大化的規則，易太猜測，也許這裡近北河街街市，人流多，而下手租客業主早有準備。市道不景也是事實－「冬天凍幾日無用的，起碼要凍一個月才可以。」易太感慨今年過年前訂多了貨量，但嚴寒來去匆匆，又遇上疫情封區，就這樣錯過最佳銷售時間，那些棉被一直囤積至今。

店舖能否另覓新址重開尚是未知，但易家的女兒近日已著手發展瑞記的網上平台 @suikee_hk，與顧客闊別街頭後，希望能在網上重逢吧。

#瑞記繡莊 #深水埗老店 #家品店 #床上用品 #馬辰蓆 #竹蓆

「早知唔搞婚禮啦⋯⋯」係呢個疫情期間，這個想法在我腦海中浮現了不知多少次。婚期一改再改，大陸親戚好友全部嚟唔到、好多藝人和好友由嚟到變嚟唔到、教堂同婚宴場地夾唔到期、因為疫情嘅不停改動而引起同場地和租裙公司的種種磨擦⋯曾經令我很氣餒。個個同我講，搞婚禮好容易同另一半吵架，但無諗過我唯一發過脾氣嘅，都係唔關老公事😂其實如果無疫情，我諗我真連發愁嘅機會都無。但神俾咗學習的機會我，我以前太幸福了，遇親都係好人，回想起來，通常都係自尋煩惱的事，到開始遇上真正的「壞人」時，原來我係處理得好幼稚、仲要係自殺式引爆，只傷害了自己。以後，我一直求神俾我智慧，當遇上不公，要識得保護自己，希望自己忍耐力再高啲、待人接物再圓滑啲、思想豁達啲⋯剛好，神就俾了我經歷疫情下辦婚禮這個練習！嗯⋯⋯我的確進步了，但尚有非常大的進步空間！😂

行教堂當天，因為限聚令20人的關係，整個流程也變得又繁複又論盡，加上在沒有預計下來了比平常首映還要多的記者，真的令我受寵若驚😂所以，在這疫情期間還願意出席我的婚禮之親友，真的難能可貴，又足夠讓我感恩一輩子了！只是苦了一班在門外等候影相的親友，令我感到非常不好意思！幸好最後也一切順利，在中秋佳節下來了一次真正的人月兩團圓！也感謝各大傳媒讓我有一個很好的記錄，給我將來的兒女看爸爸媽媽的故事。💕

感謝婷婷和輝哥♥️感謝Helen姐兩次婚禮活動也出席了♥️感謝Mandy♥️感謝從遠方寄來的禮物🎁♥️

感謝主讓我生命中有您們！

我再強調，我記性係真係好好，特別係幫過我、對我好嘅人，你哋小心啲，我真係會記你哋一世！😂🥰🙏🏻

Makeup: Angel Mok
Hair: James Fan
Photo: Wedding.Mingsdesign.Com

老公西裝、爸爸媽媽衫、裙褂：
Kir Royal - 晚裝婚紗

【作為沒做過Esprit店員】

Esprit之前，街童其實是行金都商場、荷里活和信和中心。電影《金都》呈現的是一個專售婚紗裙褂的店舖。當年的金都不是這回事，從太子站出發，先逛聯合看動漫產品，再到金都，那是跟旺角荷里活中心近似，以日系作主打，又相比鄰近女人街檔次稍高的潮流商場，地面一樓有租碟有日系浮世繪靚Tee。約1983年流行短白恤衫配淺藍Big John，荷里活賣$49女人街賣$29，當中微妙差別難以言喻；而Big John牛賣$299，開始將年輕人從財富方面分開級別，要知道當年一般屋邨仔的名牌牛仔褲是Texwood或Jive或較土的猛龍Lawman，約售$59，Levis已是稍高一級的$79～$89檔次，可以買得起Big John明顯家境比較富有。

八十年代初Esprit出現，固然把Tee和恤衫等街服推上時尚新貴，由一百元內的恤衫躍升至幾百。除了「買唔買得起！」，也更尖鋭細緻地分野出「你識唔識嘢！」，「知唔知個牌子名點讀！」，再進一步要考驗你「敢唔敢入！」第一間座落銅鑼灣興發街Esprit總壇，是每位嚮往貪靚的年輕人，在膽敢進入Joyce以前，先要通過模擬考核的神殿。由劉天蘭出任形象總監，當年Esprit的首輪部分店員由模特兒公司聘請，即是每位售貨員也是六呎的Model格局，他們的打扮造型和面相神態，不是平常你以為自己很懂打扮那種級數，他們可以比明星更明星，就算打扮入時的普羅街坊街里，走進興發街也會忽然下降兩級成為二等公民。明明都是恤衫牛仔褲，他們也會把Esprit 的制服穿得如有神助。永遠沒有忘記，第一次跟幾位中學同學走進總店的感覺，會形容比大約十年後第一次入Joyce更倒抽一口涼氣。

記憶中興發街店共有兩層，所有店員所有裝置都非常高，有些店員或站在梯級或站在二樓居高臨下，你入去必須仰高個頭。各大店員都不大像店員，他們更像在進行靜態catwalk的超模，一個二個度好位置企定定，擺一副滿不在乎的臉容。別期待他們會熱情款待你，反而你好像應該入去要求合照和簽名，甚至給他們遞水斟茶送外賣。自己本來就是鄉村少年，平常走進美心皇宮大酒樓也渾身不自在，跟幾位中學同學要鼓足勇氣進入Esprit，簡直像窮人無端端闖入李嘉誠個孫的百日宴，又寒酸又自慚形穢。明明傾盡身家幾百蚊想買件恤衫留個紀念升個level，結果入到去想係咁意揭下件衫又戰戰競競，想將件恤衫度下個膊頭又好似冇人咁做，想問下店員件衫有沒有第二隻色就好像多此一舉兼無厘頭高攀。於是有點頭昏腦脹地、又肚子暗暗絞痛地離開現場，好像再沒有來過！後來我才知道，模特格局的店員只可以是一時三刻的宣傳策略，他們可以招徠仰慕者，但店內冷漠和高傲氛圍，同時也會驅趕了部分內向膽怯但其實貪靚的潛在顧客，畢竟Esprit 主售的是幾百元的高級中產商品。

直至尖東安達中心開幕，幾個同學長大了些，有些樣子長英俊了，有些忽地長到六呎高，不幸地又預料之內地兩方面我也沒有進展。當酷愛時裝的他們（他們後來分別當上時裝設計師）知道安達中心Esprit 聘請售貨員，又好像沒有之前興發街的超高門檻，他們立即飛身申請，臨行前問我是否會湊熱鬧一起碰碰運氣？最欣賞自己還有點自知之明，暑假工作還是留在西洋菜街賣音響電器比較合襯。然後他們回來說，原來面試要用英文對話，結果較英俊的成功被聘用，六呎高的因為英文未夠靈光敗興而回。好像從此，有沒有當成Esprit售貨員，也將咱們朋友圈內分割了兩個級別，好像曾經做過Esprit店員總有點不一樣。英俊朋友會經常提及Esprit店員的福利，男孩有髮型津貼女孩有化妝津貼，每天上班的恤衫制服會有專人洗燙乾淨再放進locker，每天早上開店前店長的嚴肅訓話，接電話務必要唸準Esprit發音，每個月總公司會送來一大餅像電影底片的磁帶，使用外形奇特的播放器播放不大主流又高格調的英文歌，每件事都要好識嘢似的。

因為有英俊朋友在，我們比較肆無忌憚走進安達中心找他，可以試試這試試那，但會發現英俊朋友的確招積了，稍微自高身價了。又奇妙在，後來在安達買過幾件Esprit放在身上，沒想像中稱心如意，那份曾經想膜拜的心情輕易消失掉。然後刑李源把Esprit炒上每股過百元，變得全球性超大量生產，成為媽媽姐姐們恩物。相比無印良品的無相神功，Esprit這個曾經被奉若神明的標誌，她的過氣確實可以來得更具體更顯眼。打後還要面對H&M和Uniqlo等超高速度的快吃潮流，昔日站在高端位置的時尚印記下挫得特別劇烈，轉眼間變得曖昧失效。

御用服裝間：65歲戲服活字典 靠人腦記萬件藏品 服指：無咗佢係電影業災難！

每次看電影，總好奇到底從哪裏找到那麼多戲服。原來觀塘有個「服裝間」，叫衣常足服飾供應有限公司，聞說大部份港產片的服裝指導都會在這裏租戲服。老闆甘碧玲（玲姐）廿多年來，默默支援香港電影及廣告製作行業。走進面積4,000呎的衣常足，是一片壯觀的衫海，這一切都是玲姐多年來從不同途徑儲回來的。美少女戰士短裙、李小龍黃色戰衣、睇戲時有錢佬最愛穿的晨褸、醫生護士制服、皇帝太后褂、心口有個勇字的士兵衫、椰衣製造的簑衣，還有內置風扇的太空人頭盔……要多趣怪有多趣怪，再天馬行空的衣服，都能在這裏找到。成龍電影《霹靂火》的鎮東車房藍色風褸、梅艷芳在《奇蹟》穿過的戲服、金城武在《安娜瑪德蓮娜》穿過的恤衫，亦埋藏在這堆衣服中。要數到最齊全的，其實是不同年代的服飾，六七十年代千金小姐最愛的阿高高裙、鬆糕鞋、大喇叭褲、八十年代超誇張的墊膊套裝，統統都有，玲姐總能娓娓道出不同時代的潮流，就像本活字典。

果籽 ： https://hk.appledaily.com/realtime/lifestyle/

相關影片:
【港版國安法】續領英國BNO懶人包加疑難解答 持BNO入唔到日本境因印錯國籍 (https://youtu.be/44aJ_QjXzB0)
【逃走他鄉】BNO移民英國$12,000租三層獨立屋 銀行中層變餐廳侍應 居英權二代：要接受由低做起！(https://youtu.be/FLFGdaKUtPo)
【逃走他鄉】居英港人移民自白：BNO平權千年一見，蘇州過後冇艇搭 (果籽) (https://youtu.be/qMufEfTaJWY)
【街市尋寶】旺角明星海鮮檔 罕見有證蘇眉＋當造黃油蟹＋刺身 仲有上門煮海鮮服務！(飲食男女)(https://youtu.be/9YEBSQJPdPU)
【元朗消夜王者】神級鑊氣炒飯檔重開 日賣70盒 $50/盒即叫即炒 老闆炒到手骹移位：冇理由因為賺多啲而一次過炒 (https://youtu.be/-DjDZdrM1o4)

#果籽 #服裝間 #戲服 #電影業 #成龍 #梅艷芳 #衣常足 #活字典 #StayHome #WithMe #跟我一樣 #宅在家

哈佛知識分享 - 行業分析及定位《點做生意? - 裙褂》Case Study

(想睇全程 unedited 訪問，可whatsapp 我90361143)

做生意要識得分析個行頭， 你一定要認識哈佛教授 Michael Porter 的波特五力 Porter's 5 Forces:

(1) Competitive Rivalries 行內的競爭性
(2) Threat of Substitution 代替品的威脅
(3) Threat of New Entry 新入行競爭者的威脅
(4) Supplier Power 供應商的議價能力
(5) Buyer Power 買家的議價能力

多謝經營了44年的鴻運繡莊老闆黃師傅接受訪問。

. 如何分析行業?
. 如何定位競爭?
. 做生意最忌什麼?
. 裙褂行業如今發展? 

訪問內容有答案。大家有大喜事也可幫襯他。

鴻運繡莊
總店:
元朗教育路69號地下全層
(852) 2477 6688 (敬請預約)
營業時間:上午12:00 至 下午8:00
逢星期四休息

尖沙咀店:
尖沙咀金巴利道73號新業廣商業大廈2樓202室
(852) 2787 9708 (敬請預約)
營業時間:中午12:30 至 下午8:00
逢星期日休息

內文: 
今次呢個case好特別，鴻運繡莊， 專做裙褂， since 1975 年，做咗44年，同我一樣，今年都係44歲。 佢個行頭又點呢，點做生意? 我後面呢間係去元朗嘅老店，而家又去佢尖沙咀嘅分店睇下。

呢盤生意係由阿黃師傅嘅爸爸44年前做起。Michael Porter 話你要分析一個行業，你睇五大影響個行業嘅大力量。

以5個力量唔係加起嚟(Additive)喎，只要其中一個失衡呢，就成個行頭可以玩完。 依家我逐一逐一同你解釋， 不過先了解下鴻運繡莊其實做乜先。

咁大家其實又知唔知道裙褂分類又點呢？ 

咁你又知唔知，褂係買多定租多呢？ 幾錢呀？

(1) 要了解個行頭， 就要先了解行內競爭性 Competitive Rivalries. 咁你就要睇有幾多競爭者， 品質的差異性，顧客嘅忠誠度，同埋離開市場唔玩嘅成本。 有啲行頭視對手為死對頭，互相廝殺，割喉式減價! 有啲行頭就互相禮讓， 基本上可能係合謀競爭，好似油公司咁，抬高個價。 咁阿裙褂呢行又點呢? 

(2) 市場上有冇代替品，都會影響成個行頭嘅表現。 例如以前有好多人用計數機， 依家一個智能電話就已經代替晒啦。 高鐵代替咗公路，港珠澳大橋代替咗搭船等。 當然要睇下個代替品係唔係代替得曬啦。咁裙褂呢?

(3) 新入行競爭者多唔多威脅呢? 係咪話抄就抄， 有冇咩特別專業知識? 有冇任何入行嘅障礙呢? 好似係外國醫生嚟香港一樣，未考過香港醫務委員會嘅試，就係唔準係香港做醫生。 有冇任何技術嘅保障， 或者 economy of scale 好似百佳/惠康咁大，先至壓得低個價錢呢? 

(4) 供應商的議價能力。 你同邊個人入貨? 多唔多選擇? 佢哋會唔會大過你好多，大石砸死蟹? 你轉其他供應商議會唔會成本好大?  你係賣電腦嘅，可能大部分嘅利潤就去咗Intel 粒 chip 嗰道， 因為你部電腦冇咗佢粒chip 就唔值錢。

(5) 第五個力量， 最後你就要睇買家議價能力。 市場上多唔多買家?佢哋嘅order 大唔大? 佢哋對價格敏唔敏感? 佢哋入其他貨改變嘅成本高唔高? 例如，醫藥行業一向都好賺錢， 因為買家為咗身體好, 多多錢都願意畀。同埋佢哋轉食另一隻藥嘅話，改變嘅成本可能係付出健康，太大喇。 做藥廠嘅，反而最怕就係insurance 公司， 因為佢哋主宰咗客人見咩醫生同食咩藥。 裙褂呢個行業有點呢? 

裙褂又點樣令到個買家願意畀多啲錢? 有咩新意呢? 

Hello Kitty 呢啲叫做licensing專利授權。 一般你都會同個licensor簽訂的合約，用佢個圖案幾多年嘅時間，預期有幾錢嘅收入， 當中幾多百分比嘅營業額會畀返佢 Royalty Fees， 平則百分之幾，貴則20%至30%。 當然你作為licensee , 就要upfront 俾個minimum guarantee 佢， 即是你一件都賣唔出， 你都一早已經付出咗。 當然佢唔係個個批，都要你有返咁上下料到先畀你用啦。

除咗hello kitty 嘅褂， 一件傳統嘅裙褂需要有咩呢?

咁講完一大輪，做裙褂嘅成本架構係點? 賺幾錢呢? 

一般做零售批發嘅，攞貨返嚟，轉手賣畀人，賣100蚊，賺3/4成啦。 但如果係自己品牌，H&M 馬沙等，賺5/6成啦，luxury brand, Prada 咁就7/8成啦。咁做褂呢? 人工超貴又點呢?

要提防新競爭者嘅進入威脅， 原來你做時裝零售都可以註冊外觀㗎喎。 你去知識產權署， 各種產品外觀設計都可以註冊㗎，包括電腦，電話，DVD/CD，紡織品，珠寶，同埋手錶。 只要你係獨特嘅， 填幾份文件交啲證據，成功註冊咗保障有效期最長就係25年，每五年續期一次。 咁做裙褂又點呢? 

最後根據Michael Porter 做生意， 你先要用以上5 forces 去分析個行業好唔好做。 好做嘅，就有以下四種方法贏人，比行家做得更好。

(1) Cost Leadership 大眾市場, 成本平過人，好似佳寶， 百佳，惠康咁。

(2) Cost Focus 小眾市場，成本都係平過人， 例如而家好多新興嘅夾公仔機，專 target 一班年青人/細路仔， 半賭博嘅心態去刺激呀，唔使人管理， 啲公仔成本都唔值錢。

記住喎， 我講緊係成本平過人，唔係價錢平過人喎。 成本平過人，即是價錢一樣，你自然賺多啲啦。

要贏人? 仲有 (3) Differentitation 大眾市場，但係行差異化， 好似Starbucks 咁。

(4) Differentiation Focus 小眾市場，都係行差異化，啲嘢靚過人。好似Prada， Chanel 咁。

想知多啲，可以睇返我之前有條片講關於100間士多嘅故事， 就同你仔細分析左呢四格。 咁鴻運繡莊做裙褂又點呢?

好明顯黃師傅就係行緊第四, differentiation focus strategy. 我自己做商舖基金都係一樣， 做專啲，做好啲，我哋基金收費唔平， 但最緊要服務好，投資者同租客賺到錢。 

根據Michael Porter, 四格入面做生意選擇邊格都得，但最忌就是Stuck in the Middle, 你唔願意作出tradeoff 取捨，就難贏競爭對手。

希望你都透過呢啲嘅影片學到嘢，做生意更加叻。 最後身邊有朋友結婚或者你自己又大事都好呢，記住呢鴻運繡莊啦! 

買舖/租舖/放舖/投資商舖基金熱線: 28301111 或 whatsapp +852 90361143

盛滙商舖基金 Bridgeway 網頁  www.bwfund.com

李根興創業之友 https://www.facebook.com/EdwinNetwork/

李根興商舖之友 https://www.facebook.com/edwinprimeshop/

李根興 youtube 商舖創業及投資分享商舖創業及投資分享https://www.youtube.com/channel/UCEN66AnLghXESgCDIsz-3Nw

#哈佛知識，#鴻運繡莊，裙褂點做生意，#michaelporte#michaelporter, #點做生意，#商舖, #李根興, #創業, #edwinlee, ＃盛滙, ＃bridgeway, #舖, #商機