《與友人到尖沙咀食創意點心。點一龍》
香港食點心唔單止去酒樓，創意嘅點心店開到四周圍都係，今次同朋友嚟食呢一間係響尖沙咀廣東道一間相對大嘅點心店舖，一齊試吓佢啲點心好唔好食。
尖沙咀廣東道一帶開得點心店，入門内部嘅環境氣派當然利害，樓底很高，店內嘅裝修以紅色喜慶為主，適合中式嘅點心主題，座位都比較闊落，坐得唔會好逼。
環境重要，當然食物和服務態度都好重要，呢度嘅服務態度非常之親切同埋殷勤，尤其是係嗰個經理，招呼十分周到，亦會細心為我地推介食品。
我地點左一堆點心，同埋一啲小菜，同埋炒飯，當中都有啲唔錯嘅高質嘅點心，不過都有一啲相對地小小失望，俾大家參考下。
脆網皮海王腸粉（$59）外型似炸兩但係食落去中間原來仲有啲魚肉同埋蝦肉，鮮味得來口感豐富！
龍蝦湯三王餃（$55），龍蝦湯超濃郁，中間浸住海鮮餡料嘅灌湯餃，鮮味滿分💯
黑松露小籠包（$39）又係另一樣比較推薦嘅，我鮮肉味濃，小心爆湯汁！不過黑松露味唔算好出。
流沙奶皇包（$33）都做得唔錯，不過入面嘅流心餡唔算太均勻，我嗰隻比較流心，朋友嗰隻冇咁流心😂
欖菜百合肉鬆四季豆($88)炒得有鑊氣，係我比較喜歡這一道小菜!
最正莫過於係原隻鮑魚雞粒酥，雖然都幾矜貴，成$55一件，但係絕對物超所值，佢隻鮑魚炆又稔又軟夠入味，重點係都幾大隻，真材實料，加上在下面嘅嫩雞粒和酥皮，多重口感，奢華得來很享受！全晚覺得最驚喜係呢一個鮑魚酥!
甜品方面原汁原味西瓜糕($44)係手工甜品, 先將西瓜肉打成果汁，加入大菜糕冷藏，再變返做西瓜樣子🍉好似果凍一樣。感覺好特別食落透心涼！楊枝甘露同埋腰果酥都值得推介！
不過全餐飯都有幾樣野我少少失望的，好似個XO醬煙肉脆脆炒飯比較濕，飯唔夠乾身。避風塘糯米蟹($44)外型就幾特別, 但食落中間糯米餡比較少，皮都比較厚。
不過整體來講，大部分點心都算OK，希望下次再去食嘅時候會有驚喜！
____________________________________
店名：點一龍
環境🏝：8/10
服務💁🏼♀️：8/10
價錢💰：6/10
食物質素🍝: 7/10
整體🙆🏻♂️：7/10
尖沙咀廣東道3-27號海港城港威商場地下G103號舖
@ Dim Sum Bar 點一龍
糯米蟹 在 阿爺廚房食譜| 糯米蟹 - YouTube 的推薦與評價
阿爺廚房4 | 膏蟹的蟹膏又香又軟滑，鼎爺特意加上珧柱、冬菇等蒸製「 糯米蟹 」。鼎爺教路混合糯米、粘米，以及烹調食材的次序，令這道籠仔菜式口感更佳 ... ... <看更多>