［兩個加埋老過中華民國呀！］呢位老千都幾專業，又唔影相又唔用現金，仲要係有息派，之後先再呃大錢。不過邊位有8厘息回報，記住話我知
1. TLDR：係呀，股市又假樓又假紅酒又假，騙子咪真。你70歲有真愛就真係張如城真愛是真
2. 純技術分析，唔好Blame the victim呀。阿婆冇咗600萬好慘的！你地Blame咋，唔關我事。
3. 拿，呢條老千真係醒呀，當年我寫過千術奇談，講馬多夫（https://bit.ly/2DbtqbR）。可能佢都睇過（！），學到一二。
4. 睇賭片都知啦，出老千，最緊要係乜呀？唔係呃到，係要賺大錢！你拎及手煙人地個個唔去，就嘥晒啲牌啦。幾時都係冤家牌先輸死人嘛。
5. 你見呢位仁兄。勁呀，真係唔好睇少廢老，肯學嘅，60歲都可以好醒。唔同事主合照，全部用現金，呢啲都基本嘢。但更精彩係財務上。
6. 睇返個故事，佢最初係叫人參加投資計劃，話300萬，一個月收到2萬回報（留意呢張圖冇講，但其他報導有，都話埃汾睇好多唔同嘢）。咁即係，8%回報。你問我，都係伏啦，邊有穩穩陣陣8厘回報？仲要三唔識七益你？「大戶」又唔撚見晒啦，咁撚正嘅，「大戶」又唔要？去晒食大戶屋？
7. 但，至少，8厘回報，都sounds 唔係好似騙局，至少某啲人覺得合理—舊文咪寫咯，馬多夫都係一年10-12%回報—以金融海嘯前嚟講，唔過份。咁先昆到人嘛！實則虛之，虛則實之。你講埋啲一年升幾倍嘅，人人都有啲疑心（我估有掛），買都唔會買得多
8. 結果呢，阿婆，都「只係」信住一半，畀150萬佢—留意，阿婆都唔係全無保留任劍揮架！
9. 然後又講啦，呢條友又醒啦，唔會因為阿婆除一半就死lur，150萬照殺。真係大魚已上釣，唔使急。咁樣畀得150萬你，之後只會更易。人地60歲都咁有耐性，我都唔知啲後生仔急乜撚，趕撚住投胎？
10. 係啦，更加勁嘅，係佢唔係拎150萬就著草。大佬，150萬係乜錢呀（？！），移民台灣都未撚夠呀（台幣呢排好強）。佢醒在，仲要拎返12萬畀事主，當真係有回報。呢下耐性就夠加分啦！大把人都冇。
11. 真的，兩個故事。一真一假。假故事係，城中嚟咗個外人，話借錢畀佢，一個月佢還double．當然冇乜人信佢，得一個，可能係媒嘅，借1萬蚊比佢。之後佢就真係一個月還返2萬。然後啲友見到，就齊齊爭住借錢畀佢啦，有信用喎—咁佢拎住幾百萬就走佬啦。過去回報不等於將來嘛，任何賤男出事前都係暖男。
12. 真故事，類似，在香港。有人話有地下門路（香港人至撚鍾意特權，最好我有你冇），可以八折訂最新iPhone（記住！話半價就冇人信！），仲係可以收到機先過數！咁就有人信啦，真係得喎！條友點解有特價？答案係佢根本冇！咪正價買返嚟，八折賣畀你，自己蝕錢—但就可以昆到之後幾百人先入錢了！
13. 你睇，同一玩法之嘛，阿婆見有派息，冇講大話喎，即時覺得條友信得過。600萬都借畀佢呀！呢啲先係大錢嘛。你方唔係條友話自己啲項目係國家機密，爆出去大家都會畀人打靶咩。
14. 當然，佢仲要求埋婚，呢下嘢真係堅。但真係唔好話阿婆春心蕩，幾廿歲人都唔化。留意係條友派返12萬畀佢，阿婆先心動的。你睇，阿婆事隔幾個月先去報警呀！
15. 唯一要講嘅係，老千界（？）行規，呃人錢就算啦，何必仲要呃埋阿婆感情呢？不過，唔係話同阿婆結婚，又未必肯畀600萬你啦！
16. 拿，呢度有嘢學啦。兩樣嘢
第一， 都唔想講，但，國安法就過埋啦。知唔知有咩最大嘅受惠行業？就係電話騙案！肯定更多機會。有志入行嘅唔好錯過
第二，埃汾生日上咗去太平山。嗰日就國安法生效。但我見到嘅，咁多年，不變都係一樣嘢：老襯亭望落去，依然係咁多老襯！
17. 真的，舊文都講過啦，香港地真係遍地傻西，夾公仔機，10皮投資一個月收1皮都有人信（https://fbook.cc/3BYb）。所以我真係唔阻人搵食，真係覺得信嗰啲友係抵死的，唔係畀人呃夾公仔都係呃第樣。年年120厘回報呀。
18. 即係，買債券收幾厘息嗰啲大戶全部係傻西下話？你本人最撚醒，知道呢啲財世發財好橋下話？
19. 寫撚咗幾十次啦，美債就1厘回報都冇，任何高過呢個回報嘅都係有風險。個個都貪心嘛。一係個個都冇常識咯，覺得8厘息穩穩陣陣係好合理嘅。仲係有人打電話會話你知益你。
20. 世界咁多年，有冇變過？真係抵架喎。同你講股票你又話大戶呃鳩人你財演唱好昆我啲交易費拎回佣呀。同你講買樓又話負擔比率高呀龐氏騙局呀國安法爆煲呀。叫你買債券又話回報太低，得幾厘點夠食。買金又話悶冇息數。買郵票又話煩香港地潮濕。買紅酒又話有假酒—係呀，股市又假紅酒又假，騙子咪真。你70歲有真愛就真係張如城真愛是真
21. 係咯，最撚好坐定定有錢收。但，何艷娟都要腿張開啦。邊有不勞而獲呢，嘻嘻。
22. 唔好意思，呢篇寫得比較重口味。近期依然都係冇乜起勁寫文，所以落重啲口味等大家刺激啲。希望只係因為近期食得太多生日飯，冇晒自己時間，所以冇乜動力寫吧。靈感就大把的。
23. 又，呢位老千，好歹都派咗一次息派返12萬，幾好架。阿婆投資150萬咋喎。近期有個term，叫做NCAA — 唔係打籃球，而係債券嘢—No coupon at all —息都未派就已經爆煲。入呢個俱樂部唔易架，特別係歐洲公司—即係歐洲人以前都少打NBA咁—但而家就有公司成為NCAA了—正係德國嘅WireCard，發債一次息都未派，就爆咗煲。歐洲公司，好似史上第一間。
----------------------------------------------------------------------------
收費短片第二擊，暫時斷次買。80蚊，講足半個鐘，有圖有表有筆記。
都係一周思考課題，當然唔會就咁報新聞呃錢，係講有乜啟示。
影片簡介：https://bit.ly/2ZILRwf
或者睇置頂 post都得：https://fbook.cc/3BRq
講銀行加按息係咪睇淡樓市，美股有冇泡沫，奧地利發100年債券有乜啟示。
仲講樓，講埋Growth vs Value．
以下係報名方法：
【最新李聲揚收費影片】股市係咪真係太貴? 要買究竟邊隻係抵?
*影片下方會有內容撮要，唔想睇片可以睇字
影片/課程編號：CC003
播放平台：https://homebloggerhk.com/web-class-player/
付款及收看步驟：
1/點擊報名收看 [ 影片/課程編號：CC003 ]
2/利用信用卡網上付款
3/及後有登入資料可以立即收看
查詢：whatsapp 63832145
網上呃錢報警香港 在 我係網上報警，十分鐘後已經有差人打比我，佢話有兩個方案 ... 的推薦與評價
今次做到野，報警係有效，雖然錢攞唔返，但起碼拉到人先。大家真係唔好貪平嘅心態，見咁多呃人專頁，諗諗吓都真係去大公司買穩陣 ... ... <看更多>